Безос и Санчез бараат од нејзиниот брат речиси 190.000 долари за судски трошоци - Канал 5

Живот

Безос и Санчез бараат од нејзиниот брат речиси 190.000 долари за судски трошоци

Нововенчаниот пар Џеф Безос и Лорен Санчез бараат речиси 190.000 долари од нејзиниот отуѓен брат Мајкл Санчез за покривање на судските трошоци што произлегуваат од нивната долгогодишна правна битка.

Безос и Санчез бараат од нејзиниот брат речиси 190.000 долари за судски трошоци

Сумата изгледа минимална во споредба со нивните неодамнешни трошоци, но парот не се откажува од борбата, пишува Page Six.

Според документите поднесени во Вишиот суд на Калифорнија на 28 јули, милијардерскиот пар бара од Мајкл да им плати точно 182.374 долари за адвокатски трошоци и 8.182 долари за судски трошоци. Во барањето се додава дека тие заслужуваат надомест за поднесувањето на „несериозни“ тужби од страна на Мајкл „за кои знаел или требало да знае дека се осудени на неуспех од самиот почеток“. Часовните надеместоци на нивните адвокати се движеле од 549 до дури 1125 долари.

Зошто го тужат?

Семејната расправија започнала кратко откако Безос објавил дека се разведува од својата сопруга Мекензи Скот по 25 години брак, а медиумите ексклузивно ја откриле неговата врска со Санчез, која тогаш сè уште била во брак со холивудскиот агент Патрик Вајтсел.

Работите ескалираа кога „Нешнал Енквајрер“ наводно се закани дека ќе објави експлицитни фотографии од Безос. Мајкл негираше дека им дал какви било фотографии на медиумите, но „Њујорк тајмс“ објави дека тој и „Американ Медиа“ потпишале договор за доверливост поврзан со „одредени информации, фотографии и текстуални пораки што документираат афера меѓу Џеф Безос и Лорен Санчез“.

Мајкл го тужеше Џеф во 2020 година, го изгуби случајот

Во февруари 2020 година, Мајкл Санчез поднесе тужба против Џеф Безос, обвинувајќи го него и неговиот тим дека лажно го претставиле како лицето што им обезбедило на медиумите приватни пораки и материјали поврзани со врската на Безос со Лорен Санчез, што, како што тврдеше тој, предизвикало штета на неговиот углед и бизнис. Судот во Лос Анџелес ги отфрли обвиненијата за клевета, заклучувајќи дека доставените докази не ги исполнуваат потребните законски критериуми и во голема мера се потпираат на несигурни или недозволени извори. На Безос му беше доделен дел од судските трошоци.

Следеа бројни дополнителни поднесоци и контратужби, вклучително и барања за трошоци. Сега Безос и Лорен Санчез бараат дополнителна отштета, тврдејќи дека Мајкл дал „неосновани“ и однапред пресудени тврдења што само создале непотребни трошоци.

Тој не беше поканет на свадбата

Барањето за трошоци доаѓа недолго по нивната раскошна, тридневна свадба од 50 милиони долари во Венеција, на која присуствуваа познати личности како Опра Винфри, Орландо Блум и Иванка Трамп. Браќата и сестрите на Лорен, Пол и Елена, беа поканети на свадбата, но Мајкл не беше.

Мајкл, со која Лорен повеќе не комуницира, ги нарече Безос и Санчез „лажговци и измамници“, а правосудниот систем „корумпиран“ во соопштение, прогласувајќи ја својата победа во спорот.

Тагови: Лорен Санчез Џеф Безос

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ЈП Водовод и канализација – Скопје: Неделен лабораториски извештај за квалитетот и безбедноста на водата за пиење

Неделен лабораториски извештај за квалитетот и безбедноста на водата за пиење.

ЈП Водовод и канализација – Скопје: Неделен лабораториски извештај за квалитетот и безбедноста на водата за пиење

ЈП Водовод и канализација – Скопје со цел подобра информираност на граѓаните на град Скопје, го објавува неделниот извештај за квалитетот и безбедноста на водата за пиење, добиен од анализите спроведени во Секторот за санитарна контрола.

Секторот за санитарна контрола во периодот од 17.08.2026 до 21.08.2026 зема 206 примероци за физичко-хемиска и 206 примероци за микробиолошка анализа на вода за пиење од 47 мерни места во Градот Скопје.

Согласно добиените резултати од испитувањата, сите примероци ОДГОВАРААТ на Правилникот за барања за безбедност и квалитет на водата за пиење (Службен весник на РМ, бр.183/18).

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Наука

Плутон го губи статусот на планета

Плутон беше една од деветте планети во Сончевиот систем во текот на 20-тиот век. Иако е откриен во 1930 година, за неговото постоење се претпоставувало и претходно.

Плутон го губи статусот на планета

На овој ден во 2006 година, Меѓународната астрономска унија го прекласификуваше Плутон само како џуџеста планета и го редефинираше бројот на планети во Сончевиот систем.

Плутон бил откриен во опсерваторија во Аризона. Клајд Томбо поминал една година во потрага по претпоставената деветта планета. Децении претходно, Персивал Ловел го предложил постоењето на деветта планета – која ја нарекол „Планета X“ – но не успеал да ја открие. По 14 месеци потрага, Томбо конечно го забележал големото небесно тело. Името му го дала Венеција Барни, млада девојка од Англија.

По откривањето на „Планета X“, таа предложила таа да го носи името на римскиот бог на подземниот свет. Нејзиниот дедо бил член на академската заедница, која го прифатила новото име, исто како и самиот Томбо. Дополнителна причина за изборот била тоа што првите две букви од името се совпаѓале со иницијалите на Персивал Ловел.

Планетата веднаш беше прифатена како деветта планета во Сончевиот систем, иако нејзиниот дијаметар изнесува само 2.377 километри – што ја прави помала од Земјината Месечина. Тоа беше значајно откритие, а Плутон стана симбол на мистериите во оддалечените предели на Сончевиот систем.

На почетокот на 21-от век, астрономите открија бројни објекти во Кајперовиот појас – регион од Сончевиот систем што се наоѓа зад орбитата на Нептун – од кои некои беа дури и поголеми од Плутон.

Ова откритие поттикна преиспитување на статусот на Плутон како планета. Ширум светот се водеа дебати за Плутон, кои кулминираа на 24 август 2006 година, за време на состанокот на Меѓународната астрономска унија во Прага. Таму беше утврдено дека планета е небесно тело што кружи околу Сонцето, поседува доволна маса за да добие сферичен облик и ја има „исчистено“ својата орбита од други објекти.

Плутон не го исполни овој последен критериум; следствено на тоа, тој беше прекласифициран во џуџеста планета, а од тој ден, Сончевиот систем официјално се состои од само осум планети.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Младите до 16 години да не користат социјални мрежи- нов предлог закон во Нов Зеланд

Пратениците во парламентот во Нов Зеланд ќе го разгледува поднесениот предлог закон за забрана на користење социјални мрежи за помлади од 16 години.

Младите до 16 години да не користат социјални мрежи- нов предлог закон во Нов Зеланд

Предлогот ќе ги обврзе платформите на социјалните мрежи да преземат разумни мерки за проверка на возраста на корисниците. Меѓу можните алатки се користење на веќе достапни податоци за корисничките сметки, технологија за препознавање лица и документи за дигитален идентитет.

За непочитување на обврските, платформите би можеле да бидат казнети со глоба до десет проценти од нивните глобални приходи.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер