Белград започна со изработка на просторно-техничка документација за гасната интерконекција - Канал 5

Балкан

Белград започна со изработка на просторно-техничка документација за гасната интерконекција

Белград започна со изработка на просторно-техничка документација за гасната интерконекција Србија-Македонија.

Белград започна со изработка на просторно-техничка документација за гасната интерконекција

Паралелно со изградбата на гасната интерконекција Србија-Бугарија, српските власти започнаа со изработка на просторно-техничка документација за изградба на гасната интерконекција меѓу Србија и Македонија, јави дописникот на МИА од Белград.

Министерката за рударство и енергетика Дубравка Ѓедовиќ посетувајќи ги работите на гасната интерконекција Србија-Бугарија, истакна дека изградбата на гасната интерконекција е од стратешко значење за српскиот енергетски сектор.

- Изградбата на гасната интерконекција Србија-Бугарија има регионално значење и затоа имаме силна финансиска поддршка од ЕУ за овој проект. Паралелно со реализацијата на овој проект, започнавме со изработка на просторно-техничка документација за уште еден важен проект за диверзификација на гасот на Србија, а тоа е изградба на гасна интерконекција меѓу Србија и Македонија, рече Ѓедовиќ

Овој проект постојано се наведува како значаен за диверзификација на снабдувањето со гас за Србија, а уште во ноември 2021 година министерот за економија Крешник Бектеши и тогашната српска министерка за рударство и енергетика Зорана Михајловиќ се договорија за формирање работна група за изградба на гасна интерконекција меѓу двете земји, која ќе биде раководена од претставници на соодветните министерства.

Директорот на „Србијагас“, Душан Бајатовиќ повеќепати ја потенцираше важноста од изградбата на интерконектор Србија - Македонија.

- Мораме да го изградиме и интерконекторот кон Македонија, тоа е европско барање. Нашата идеја е да го гасифицираме и Лесковац. Во Врање треба да се изградат две огромни фабрики, рече Бајатовиќ.

Со изградба на гасна интерконекција со Македонија, Србија ќе може да се поврзе со Јужниот гасен коридор.

При посетата на премиерот Ковачевски на Белград на 31 март беше потпишан Меморандум за соработка во областа на рударството и енергетиката, со кој се поттикнуваат и поддржуваат заедничките инвестиции од двете земји, особено за градење на капацитети за користење на обновливи енергетски извори, производство на енергија и меѓусебно поврзување на системите за гас и електрична енергија на Македонија и Србија.

- Би сакал да истакнам дека разговаравме и практично веќе е договорено и Србија да се приклучи на гасоводот што ќе се гради од Грција кон Македонија. Ние во текот на минатата недела, со Министерството за економија, со компаниите од нашата држава задолжени за енергетика веќе одлучивме дека капацитетот на тој гасовод ќе биде на максимално ниво со оглед на тоа дека сакаме да обезбедиме капацитет Србија веднаш да може со интерконектор да се поврзе на овој значаен гасовод. Со тоа ќе се обезбеди уште еден извор за снабдување со гас за Србија, тоа значи пристап до гасот кој ќе од ЛНГ терминалите во Витуза и Александрополи, како и до постојните гасоводи ТАБ и ТАН, изјави Ковачевски.

Во рамките на Економскиот и инвестицискиот план за Западен Балкан усвоен од Европската комисија со цел да се поттикне долгорочното економско закрепнување на регионот и усогласување на регионалните економии со економијата на ЕУ, вреден 9 милијарди евра, беа наведени 10 водечки инвестиции во клучните области за економски развој.

Неколку иницијативи се однесуваат конкретно на Србија и Македонија, а во Иницијативата 5 - Транзиција од јаглен, вклучени се изградба на гасната интерконекција Македонија - Србија и почеток на изградба на интерконекција Македонија - Косово, како и завршување на Трансбалканскиот коридор за пренос на електрична енергија во Србија во рамките на интерконекција меѓу Србија, Црна Гора и Босна и Херцеговина.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Судбина

Крадци ограбиле колекционерка на луксузни чанти, вредни 300.000 долари- се фалела со нив на фејсбук (ВИДЕО)

Љубителка на луксузни додатоци од Лос Анџелес останала шокирана откако група крадци провалиле во нејзиниот дом и украле колекција чанти од „Хермес“, чија вредност се проценува на 300.000 долари.

Крадци ограбиле колекционерка на луксузни чанти, вредни 300.000 долари- се фалела со нив на фејсбук (ВИДЕО)

Патриша Ваињо (60) вели дека во понеделник попладне била на лекарски преглед, што криминалците го искористиле за да ги украдат чантите од нејзината куќа во населбата Игл Рок.

Ги избегнале камерите во куќата

Иако куќата е обезбедена со безбедносни системи, крадците успеале да ја избегнат камерата „Ринг“ и да ги заобиколат зајакнатите прозорци, пред да ја скршат бравата на вратата од гардероберот каде што ги чувала скапоцените чанти.

„Беа доволно пресметани за да ја избегнат камерата на предниот дел од куќата, па влегоа од страна. Точно знаеја што прават“, рекла Патриша.

Гардероберот ја содржел нејзината колекција чанти од „Хермес Биркин“, објавува „Дејли меил“.

Патриша ја започнала својата колекција пред повеќе од две децении, а луксузните чанти не биле само страст за неа, туку и еден вид финансиска сигурност за нејзиното пензионирање, се наведува во соопштението.

„Напорно работев за сè што имам“, рекла очајната жена.

Таа објавила список на Фејсбук

Снимките направени по провалата покажуваат скршено стакло расфрлано низ куќата и целосно ограбен гардеробер, каде што крадците барале вредни предмети.

Сепак, украдените предмети не биле само торби. Крадците зеле и часовници, како и кутија за накит во која се содржани млечните заби на нејзините ќерки од детството. Токму оваа загуба, рекла таа, ја погодила најтешко.

Според неа, крадците користеле уред за блокирање на сигналот за да го оневозможат системот за надзорни камери. Очигледно, блокирањето влијаело и на камерите во соседните куќи, што го отежнувало следењето на нивните движења.

Месеци пред грабежот, Патриција објавила список на предмети од нејзината колекција во Фејсбук група посветена на луксузни торби, наведувајќи предмети вредни илјадници долари.

Листата вклучуваше разни Birkin 35, златна чанта Kelly Sellier, Birkin 30 во сина боја Tiffany изработена од кожа Swift и сосема нова Evelyne Pochette 23.

„Толку сум исплашена“

Таа објасни дека продавала чанти кога ѝ здодевале, па објавувањето на листата било начин да ги претстави и размени предметите со други љубители на луксузни додатоци.

Патриша вели дека верува оти била мета поради нејзината колекција. По провалата, таа вели дека не се чувствува безбедно во својот дом, а инцидентот предизвикал и немири во нејзиното соседство.

„Толку сум исплашена. Се плашам да бидам во мојата куќа“, рече таа.

Таа додава дека е благодарна што нејзината ќерка и сопруг се безбедни, и покрај сè што се случило.

Тагови: крадци чанти

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Зеленски: Доколку Украина падне, 20 милиони Украинци доаѓаат во Европа (ВИДЕО)

Украина има поддршка од сите европски лидери, изјави денес украинскиот претседател Володимир Зеленски, негирајќи ги извештаите дека европската страна го замолила да го намали тонот во разговорите со американскиот претседател Доналд Трамп.

Зеленски: Доколку Украина падне, 20 милиони Украинци доаѓаат во Европа (ВИДЕО)

„Немаше никакви забелешки за време на денешните состаноци. Слушнав само поддршка од моите европски колеги, за што сум благодарен“, рече Зеленски на прес-конференција по учеството во делот од самитот на ЕУ посветен на Украина и по неколку билатерални разговори со лидерите на европските земји.

„Договорот на Трамп со Путин е погрешен“

Според некои медиумски извештаи, од Европа е побарано да не го крева тонот во односите со американскиот претседател Трамп за да не го налути дополнително.

Кога беше прашан за неговиот однос со Трамп и коментарите на американскиот претседател дека е потешко да се преговара со него отколку со рускиот лидер Владимир Путин, Зеленски рече дека морал да го брани опстанокот на својата земја.

Тој истакна дека договорот на Трамп со Русија за увоз на дизел не е во ред и дека по тоа влегуваме во лизгава патека за да може да следи договор за рускиот гас, потоа укинување на санкциите за банкарскиот систем, за одредени поединци, хемиската индустрија и конечно за замрзнатите руски средства.

На прашањето дали Украина ќе продолжи да ги напаѓа руските рафинерии додека Трамп бара прекин на нападите, Зеленски рече дека обично не зборува за „деталите за нашите операции. Ќе видите“.

„Ако паднеме, 20 милиони Украинци ќе дојдат во Европа“

Зеленски рече дека Путин не сака мир, дека сака да ја уништи Украина. „Тој не го почитува нашиот суверенитет и територијален интегритет, Донбас не му е доволен“, рече тој.

„Ако паднеме, 20 милиони Украинци ќе дојдат во Европа, затоа сакаме да останеме силни и да ја браниме нашата земја“, рече украинскиот претседател.

Дали Зеленски е жртвено јагне на Трамп? Тој само се насмеа: „Тоа е мојот одговор“

Кога еден новинар го праша дали мисли дека служи како жртвено јагне за внатрешните политички проблеми на Трамп, со оглед на тоа што за неколку недели, на среднорочните избори, на републиканците им се заканува губење на контролата и врз Претставничкиот дом и врз Сенатот, Зеленски направи долга пауза, се насмеа и рече: „Тоа е мојот одговор“.

Зеленски рече дека американскиот сателитски систем Старлинк, кој Украина го користи за соборување на руски ракети, не бил исклучен, но дека неговата брзина била значително намалена, поради што не можеле да соборат некои ирански беспилотни летала Шахед.

Тагови: Володимир Зеленски украина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Диди е преместен во друг затвор, откако заврши во болница

Шон Диди Комбс е префрлен од федерален затвор во Њу Џерси во затвор во Пенсилванија. 

Диди е преместен во друг затвор, откако заврши во болница

Префрлувањето се случило неколку дена откако завршил во болница, пишува TMZ.

Префрлен во друг затвор

Федералното биро за затвори на САД (BOP) потврди дека Комбс го напуштил затворот Форт Дикс во Њу Џерси утрово. Тој бил префрлен во федералниот затвор Аленвуд во Пенсилванија, кој, како и Форт Дикс, има понизок безбедносен режим. Префрлувањето доаѓа помалку од една недела откако Комбс бил итно префрлен во болница минатата сабота.

Преместен поради сопствена безбедност?

Официјалната причина за префрлувањето сè уште не е позната, но Комбс неколку пати ги прекршил затворските правила за време на престојот во Форт Дикс. Според информациите од TMZ, тој бил казнет за нелегално користење на телефон и учество во тепачки, а за овие прекршоци завршил двапати во самица.

Сепак, според TMZ, малку е веројатно дека дисциплинските прекршоци се причина за неговиот префрлување. Доколку бил префрлен поради лошо однесување, веројатно ќе завршел во затвор со максимално обезбедување. Бидејќи во Аленвуд има исто ниво на безбедност како и во Форт Дикс, се претпоставува дека Комбс бил префрлен за негова сопствена заштита.

Во Форт Дикс се сместени околу 4.000 затвореници, додека во Аленвуд има околу 1.000. Помалку затвореници би можеле да им го олеснат на вработените надзорот на Комбс и да го чуваат безбедно.

Казнет за кршење на затворските правила

Дисциплинските прекршувања го чинеа Комбс 41 ден бенефиции за добро однесување, што би можело да влијае на датумот на неговото ослободување. Покрај тоа, му е забрането да купува во затворската продавница до 400 дена.

Во меѓувреме, NBC News објави дека Комбс наводно имал мобилен телефон шверцуван во затворот што содржел експлицитни фотографии. Според истите наводи, тој консумирал алкохол во затворот и наводно имал пристап до масажи и луксузни оброци.

Диди Комбс отслужува 50-месечна затворска казна, која треба да ја отслужи во 2025 година. Тој беше прогласен за виновен по две точки од обвинението поврзани со организирање превоз за целите на проституција, додека беше ослободен од посериозни обвиненија за трговија со луѓе за целите на сексуална експлоатација и рекетирање.

Тагови: затвор Пи Диди

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер