Барала 220.000 евра од Ѓоковиќ, а Синер не сака ни да ја бакне (ВИДЕО)

Покрај тоа што за него се пишуваше како победник на Мастерсот во Мајами и нов втор играч во светот, италијанскиот тенисер Јаник Синер излезе во јавноста и поради познатата пејачка Лаура Паузини!

Имено, видеото на Лаура и Јаник стана вирално на социјалните мрежи, бидејќи Синер не дозволи сонародничката да го бакне за време на заедничка фотосесија.

Синер вешто го избегна тој бакнеж, иако Лора очигледно многу го сакаше. Особено што очигледно е дека го обожава италијанскиот тенисер, судејќи по нејзината емотивна објава на Инстаграм.

- Нашиот шампион уште еднаш ја предводеше Италија до победа, благодарение на неговиот талент, тренинзи, волја и карактер. Вие сте голем извор на гордост за сите нас и пример за сите млади луѓе. Беше прекрасно да бидам со вас на овој важен ден! И тоа е само првата од многуте состаноци што не очекуваат заедно, ќе направам сѐ за да ве следам - ​​изјави Лаура.

Познатата италијанска кантавторка во декември ќе настапи во Белград, а не е тајна дека Лаура е една од омилените пејачки на Новак Ѓоковиќ.

Интересно, црногорските медиуми во 2014 година објавија дека Паузини наводно побарала 220.000 евра за да пее на свадбата на Новак и Јелена.

Родена е во Фаенца, мало гратче на северот на Италија, а пораснала во градот Солароло, каде што почнала да пее на осумгодишна возраст во пијано бар со нејзиниот татко Фабрицио, музичар и пејач. Кога наполнила дванаесет години, ја објавила својата прва песна „I Sogni Di Laura“, полупрофесионално дело кое датира од 1987 година. Нејзината кариера започнала со подемот на фестивалот Санремо, песната „La Solitudine“, во 1993 година.

Во текот на нејзината кариера, Лаура доби две светски музички награди, во 1994 и 2003 година за најдобар италијански изведувач, Платинум награда за најпродаван изведувач во Европа, Латино Греми за најдобар вокал на поп албум во 2005 година и Греми за најдобар латино поп албум. Лаура стана првата пејачка од Италија која освоила Греми.

Што се однесува до приватниот живот, Лаура од 2005 година е во врска со нејзиниот гитарист и уметнички продуцент Паоло Карта, со кого ја има ќерката Паола.

Тренерот на Барселона демантираше дека останува на „Камп ноу“

Тренерот на Барселона, Чави Ернандез денеска повтори дека не се предомислил за заминување на крајот од сезоната.

Од крајот на јануари, кога објави дека заминува, медиумите упорно инсистираат дека Чави ќе ја промени одлуката, но засега ништо од тоа не се случи.

-Апсолутно ништо не е сменето. Се уште стојам на мојата одлука да си заминам на крајот од сезоната. Таа моја одлука позитивно влијаеше на играчите да знаат дека никој не е тука „засекогаш" и дека секој може да си замине. Сега одиме натпревар по натпревар. Размислуваме за Кадиз и сакаме да победиме, во спротивно ќе се збогуваме со Ла Лига, изјави Чави.

Се очекува тој да одмори неколку клучни играчи пред реваншот со Пари Сен Жермен и го најави дебито на одличниот стопер од Б тимот.

-Илкај Гундоган заслужи одмор, затоа што играше премногу оваа сезона, а веќе не е тинејџер. Мика Фаје ќе дебитира. Ќе видиме кој како се чувствува и дали има мали повреди, но ќе има промени. Тоа не значи дека нема да одиме на победа, напротив, мора да победиме, истакна Чави.

Барса гостува во Кадиз во сабота во 21 часот, а потоа во вторник во истиот термин го пречекува ПСЖ. /МИА

Димитриевски: Мора да ја спречиме корупцијата, мора да ја вратиме правдата

 Мора да ја спречиме корупцијата, мора да ја вратиме правдата. 

Ние во Македонија имаме судови и судии, правда немаме. Имаме обвинителства и обвинители, а обвиненија само за оние кои пркосат со власта, изјави вечерва Максим Димитриевски, претседателски кандидат на Движењето ЗНАМ, За наша Македонија во Кавадарци.

Од позиција на иден претседател на државата рече дека во првите сто дена ќе предложи стратегија за борба против корупцијата и криминалот. Но, особено за борба против политичкиот кримина бидејќи, како што нагласи, главниот криминал и корупција се токму во политиката. Народот е сила, истакна тој, а партиите постојат за народот и кога ќе се однародат, народот им вели „не“.Затоа повика за обединување на народот и упати порака дека е можно тоа.

Димитриевски се осврна на нивната програма „Манифест за Македонија“, упати критики за тоа како се одвивале работите во изминатите триесет години, говореше за променетите општествени вредности и најави промени.

- Масовноста овде значи дека сме на вистинскиот пат, истакна тој, подвлекувајќи дека треба да се создадат услови за внесување достоинствено во Европа, да се вратат тие што заминаа.

Димитриевски критикуваше за лоша организираност на работите во државата која има се, многу предности. Најави еднакви права, но и обврски за сите, беше дециден дека Македонија е Република и таква и ќе остане. Овие избори, рече, се суштинскиот момент. Сега е моментот. Да се излезе масовно на избори.

Нашата цел е, додаде, Македонија да ја трансформираме во самоодржлива држава. Држава што ќе биде своја на своето. Граѓаните, подвлече, заслужуваат поубав и подостоинствен живот.

- Масовно да излеземе на избори на 24 април и да ја дадеме поддршката, таму каде што се граѓаните, а граѓаните се со ЗНАМ, за наша Македонија, а јас како претседател на Македонија, ќе го дадам својот максимум за сите и ќе бидам претседател на сите, порача тој од Кавадарци.

Караванот на Димитриевски претходно ги посети Демир Капија и Неготино. Во Демир Капија тој најави дека ќе иницира законски решенија за директна помош на вистинските винопроизводители.

- Од позиција на претседател на Македонија ќе иницирам нови законски решенија за директна помош, особено на реалните винопроизводители, а се со цел семејните активности да се трансформираат во семејни бизниси, а малите бизниси да се трансформираат во средни бизниси. Тоа ќе придонесе во равојот на економијата, како и во зголемувањето на приходите во буџетот, рече Димитриевски.

Дугари: Ставот на Мбапе е скандалозен, тоа е недостаток на почит

Поранешниот француски репрезентативец Кристоф Дугари фрлаше дрвја и камења кон сонародникот Килијан Мбапе.

Повод секако е првиот четвртфинален натпревар од Лигата на шампионите помеѓу Пари Сен Жермен и Барселона во Париз. Каталонците славеа како гости на „Паркот на принцовите“ со 3:2, а Килијан Мбапе разочаруваше со играта во текот на 90 минути.

-Тој го покажа најлошото во фудбалот, најлошото од играч од врвна класа. Може да згрешите при додавање, да не дриблате и да имате лош ден, но неговиот однос беше скандалозен, недостигаше почит, ги пренесоа светските медиуми зборовите на Кристоф Дугари, поранешен фудбалер на Бордо, Милан, Барселона. ...

Статистичарите пресметале дека Мбапе добил само два од вкупно десет дуели против Барселона, дека успеал само при еден дриблинг за 90 минути и дека немал ниту еден удар кон голот, ниту пак им асистирал на соиграчите.

Реваншите од четвртфиналето на Лигата на шампионите се закажани за следната недела: Барселона и Пари Сен Жермен играат во вторник, а Борусија и Атлетико Мадрид во Дортмунд.

Реал Мадрид во среда ќе гостува во Манчестер, додека тимот на Арсенал ќе пристигне во Минхен./МИА

притисни ентер