На авторката на Хари Потер, наградата Ripple of Hope и беше доделена минатата година од организацијата за човекови права Роберт Ф. Кенеди.

Но, на почетокот на оваа година, претседателот на здружението Кери Кенеди рече дека ставовите на Ј..К. Роулинг го омаловажуваат идентитетот на транс-луѓето.

Роулинг одговори дека импликациите дека е трансфобична се сосема погрешни.

Писателката се соочи со критики во јуни за објавувата на Твитер во која што се исмејувала со употребата на терминот „луѓе кои имаат менструација“. Роулинг тогаш се спротивстави на избегнување на употребата на зборот „жена“.

Во долгата објава, Роулинг рече дека нејзиниот интерес за транс-прашања произлегува од фактот дека и самата била злоставувана и дека е загрижена за постоењето на истополови места.

,,Ги почитувам сите трансродови луѓе и нивното право да живеат на начин што е автентичен и удобен за нив. Но, во исто време, мојот живот беше обликуван од фактот дека сум жена. Мислам дека не е знак на омраза да се каже тоа “, напиша Роулинг.

Неколку актери од филмовите за Хари Потер се оградија од нејзините изјави, вклучувајќи ги Еди Редмајн, Даниел Редклиф и Ема Вотсон.

Претходно овој месец, Кенеди издаде објава во која се вели: ‘Разговарав со Ј.К. Роулинг и длабоко сум разочаран што решила да го искористи нејзиниот неверојатен талент за да создаде наратив во кој го омаловажува идентитетот на трансродовите и родово неопределените лица и го поткопува интегритетот на целата трансродова заедница. Оние кои страдаат далеку повеќе од насилство, дискриминација, вознемирување, имаат далеку поголема стапка на самоубиства,се бездомници и ментално и физички болни. Трансродовите црнки и младите се особено погодени. '

Категорично го отфрла ставот на J..К. Роулинг дека полот е нешто што го одредува раѓањето.

„Науката овде е јасна: полот не е бинарен“.

Писателката рече дека не се согласува со тврдењето дека постои конфликт помеѓу тековните радикални движења за заштита на правата на транс луѓето и оние за правата на жените.

Таа, исто така, рече дека била контактирана од илјадници жени за да и изразат поддршка и да ја поканат за поинаква дискусија.

‘Ме контактираа и доктори, академици, терапевти, наставници, социјални работници, затворски персонал и жени. Овие професионалци, некои од самиот врв на овие организации, изразија сериозна загриженост за влијанието на теоријата за родов идентитет врз ранливите адолесценти и правата на жените и кршењето на нормите за заштита што ги штитат овие најранливи жени. Никој од нив не мрази транс-луѓе “, рече Роулинг.

Некои од претходните добитници на наградата Ripple of Hope се Барак Обама и Архиепископот Дезмонд Туту.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.