Ауди го претстави досега најчудниот концепт (ФОТО) - Канал 5

Автомобилизам

Ауди го претстави досега најчудниот концепт (ФОТО)

И покрај малку конзервативната понуда на карактеристични премиум брендови, Audi одлучи да покаже како во блиска иднина гледа на градскиот транспорт.

Ауди го претстави досега најчудниот концепт (ФОТО)

Неговото име е Urbansphere, а Audi го воведува откако веќе опфати два сегменти со концептите Skyphere (roadster) и Grandsphere (седан).

Овој концепт требало да биде прикажан на салонот во Пекинг, но поради уште едно доцнење, Audi се одлучиле за својата онлајн премиера. Создаден е во дизајнерскиот центар на Audi во Пекинг, со помош на Инголштад и е наменет за употреба во растечките кинески мегаградови.

Притоа, насоката на дизајнирање е развиена според повратните информации на потенцијалните клиенти. Во превод, тоа е пространа и голема кола со облик на миниван. Со 5,5 метри должина, два метри ширина и 1,78 метри висина, со сигурност може да се констатира дека ова Ауди е феномен. На крајот на краиштата, тој е поголем од Cadillac Escalade.

Со вакви димензии не треба да ве чуди изборот на тркала од 24 инчи, како и огромната стаклена површина. Предниот и задниот дел се целосно дигитализирани со контролирано и променливо осветлување во зависност од условите на движење.Кинезите сакаат огромни маски на ваквите луксузни мини комбиња, а Audi само ја зачини својата решетка со една рамка со LED технологија.

Audi го опишува како „сало на тркала и мобилна канцеларија“. Има огромна врата за пристап до исклучително пространа кабина со „само“ четири седишта. Тие имаат поставки за прилагодување Relax and Entertain кои вклучуваат звучници во потпирачите за глава, како и екстензии за поддршка на нозете на патникот.

Очекувано, акцентот е ставен на автономното управување кога воланот, дигиталните контроли на кокпитот и нозете автоматски се отстрануваат од погледот. Да, Urbansphere има 4-то ниво на автономно управување, кое ќе биде подготвено за комерцијализација во втората половина на оваа деценија.

Изобилството од технологија и напредни системи како што се откривање на лицата на патниците, стресот и низа мултимедијални содржини се земаат здраво за готово. Исто како и електричниот погон кој, како и платформата PPE, го позајмува од идните модели како A6 e-tron, но и Porsche Macan.

Два електромотори даваат 401 КС и 690 Nm, а има и quattro погон. Батеријата од 120 kWh се наоѓа во подот на возилото и обезбедува автономија од дури 750 km. Системот од 800 волти е компатибилен со еднонасочни полначи до 270 kW, што овозможува досег од 300 km за само 10 минути полнење.

Тешко дека Urbansphere ќе оди во сериско производство, но тоа секако е најава за она што Audi го подготвува во наредната електрична ера. Воедно, дефинитивно изразија подготвеност да влезат во комплетно нови простори во автомобилската понуда.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Ѓуро ѝ го честита 30-тиот роденден на својата ќерка со емотивна објава: „Ти благодариме што си наша“

Актерот Бранко Ѓуриќ Ѓуро ѝ го честиташе 30-тиот роденден на својата ќерка Зала преку емотивна објава на Инстаграм, споделувајќи серија фотографии на кои се заедно.

Ѓуро ѝ го честита 30-тиот роденден на својата ќерка со емотивна објава: „Ти благодариме што си наша“

На фотографиите е прикажана Зала, од раното детство па сè до денес, придружени со трогателна порака од Ѓуро.

„Среќен роденден, моја мала принцезо! Остани среќна и здрава. Ти благодарам за сите убави, луди, среќни и незаборавни моменти на твоето патување од 0 до 30 години. Ти благодарам што си наша“, напиша тој.

Зала тргна по стапките на своите родители и работи како актерка. Таа се појави во филмовите „Šesti autobus“ и „Deda ide na jug“, а глумеше и заедно со својот татко во претставата „We Will, We Will Rakija“.

Претставата беше поставена според нејзиното сценарио, додека Ѓуро ја режираше. Претходно оваа година, Зала објави дека станала мајка, иако не откри детали за приновата.

Ѓуро има и ќерка, Ела, со сопругата Тања, како и син, Филип, од првиот брак.

Тагови: Бранко Ѓуриќ Ѓуро

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Технологија

„Тамагочи“ за 21-от век: Закерберг го претстави новиот уред

Извршниот директор на „Meta“, Марк Закерберг, неодамна го претстави „Meta Charm“ – мал рачен уред дизајниран да ја интегрира вештачката интелигенција во секојдневниот живот.

„Тамагочи“ за 21-от век: Закерберг го претстави новиот уред

Според пишувањата на „Der Spiegel“, уредот е со големина приближно колку „Тамагочи“ и поседува мал екран на допир, микрофон, две камери и можност за поврзување преку 5G мрежа. За разлика од мобилниот телефон, „Meta Charm“ нема да поддржува гласовни или видеоповици; наместо тоа, тој е првенствено наменет да овозможи пристап до софтверот за вештачка интелигенција на „Meta“.

Закерберг не ја објави цената на уредот ниту земјите во кои тој ќе биде достапен, но наведе дека се очекува да се најде во продажба до Божиќ. Уредот работи со помош на „Meta AI“ – асистентот со вештачка интелигенција на компанијата, кој беше пуштен во употреба во САД пред неколку недели.

„Meta AI“ е наменет да им помогне на корисниците во извршувањето на секојдневните задачи, како што се пазарењето и банкарските услуги. Со воведувањето на „Meta Charm“, „Meta“ има за цел да ја намали зависноста на корисниците од паметните телефони и од оперативните системи на „Apple“ и „Google“.

„OpenAI“, компанијата што стои зад „ChatGPT“, развива сличен уред со помош на поранешниот главен дизајнер на „Apple“, Џони Ајв.

Аналитичарот од индустријата, Ави Грингарт, истакна дека „Meta“ успеала да го „протне“ својот производ пред конкурентите како „OpenAI“, напоменувајќи дека иако е малку веројатно паметниот телефон наскоро да биде целосно заменет, новите уреди би можеле да го надополнат.

Во исто време, тој предупреди дека „Meta“ се соочува со предизвик во однос на довербата на корисниците кога станува збор за заштитата на приватноста.

Извор: Б92

Тагови: Тамагочи

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Напад пред прагот на НАТО: Руско беспилотно летало удри близу границата, се огласија сирените

Руско борбено беспилотно летало погоди област во близина на граничниот премин Јагодин-Дорохуск – на украинската страна од границата со Полска – што предизвика реакција од полската војска.

Напад пред прагот на НАТО: Руско беспилотно летало удри близу границата, се огласија сирените

Според полските власти, леталото погодило цел на оддалеченост од приближно два километри од граничниот премин. Како одговор на нападот, Полска подигна воени авиони и ги стави своите сили во состојба на готовност.

Потполковникот Јацек Горишевски, портпарол на Оперативната команда на полските вооружени сили, потврди дека руско беспилотно летало се урнало во близина на Јагодин. „Беспилотен систем на Руската Федерација повторно се урна недалеку од преминот Дорохуск – уште еднаш во близина на Јагодин“, изјави Горишевски за ТВН24.

Државната гранична служба на Украина соопшти дека леталото погодило област на неколку стотици метри од границата, додека самиот граничен премин Јагодин останал неоштетен.

Истовремено, полската војска подигна авиони како одговор на руските напади врз западна Украина. Според достапните информации, нема потврда дека некое руско летало го нарушило полскиот воздушен простор.

Поради безбедносната ситуација, работата на два гранични премини – Дорохуск и Зосин – беше привремено прекината, а областа беше ставена под засилен надзор. Состојбата на готовност беше укината откако се утврди дека не постои непосредна закана за полската територија.

Посебно внимание привлекоа извештаите дека било употребено беспилотно летало на млазен погон од типот „Геран-5“. Полските воени претставници изјавија дека достапните информации укажуваат токму на тој тип на летало.

Овој граничен коридор и претходно бил цел на руски напади. Претходно овој месец, беспилотно летало погоди бензинска пумпа во Јагодин, на околу 800 метри од полскиот граничен премин, додека во друг инцидент беше погодена локомотива во близина на границата.

Овој најнов инцидент дополнително го сврте вниманието кон областа што се наоѓа веднаш до една од најважните копнени врски меѓу Украина и Полска.

Тагови: НАТО

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер