Ашбахер:Климатските последици се значително посериозни од економските и енергетските предизвици

Според него последователните топлотни бранови, заедно со шумските пожари, пресушувањето на реките и зголемувањето на температурите, не оставаат сомнеж за влијанието што климатските промени ќе го имаат.

Директорот на Европската вселенска агенција (ЕСА), Јозеф Ашбахер, предупредува дека последиците од економската криза предизвикани од проблемите со снабдувањето со енергија би можеле да бидат помали во споредба со последиците од штетите од топлотните бранови и сушата и повика на итна акција во борбата против климатските промени.

Според него последователните топлотни бранови, заедно со шумските пожари, пресушувањето на реките и зголемувањето на температурите, не оставаат сомнеж за влијанието што климатските промени ќе го имаат врз земјоделството и другите индустрии.

– Денес сме многу загрижени за енергетската криза, и со право, но таа е многу мала во споредба со влијанието на климатските промени, кое е многу поголемо, и навистина треба многу брзо да се справиме со неа. Ситуацијата е прилично лоша. Гледаме екстреми кои претходно не беа забележани, посочи Ашбахер.

Според него, високите температури на воздухот не се единствениот проблем, бидејќи и површината на Земјата се загрева. Тој наведе дека сателитите Коперник Сентинел-3 на ЕСА измерила „екстремни“ температури на површината на земјата од повеќе од 45 степени Целзиусови во Велика Британија, 50 степени во Франција и 60 степени во Шпанија во изминатите недели.

Температурата на површината на почвата иницира циркулација на воздухот.

– Навистина, целиот екосистем се менува многу, многу брзо, многу побрзо отколку што очекуваа научниците до пред неколку години. Суша, пожари, интензитет на бури, сите заедно се видливи знаци на климатските промени, истакна Ашбахер.

Тој додаде дека и температурните промени стануваат поизразени, ветровите стануваат посилни и предизвикуваат посилни бури. /МИА

Почнува пријавувањето за 20. издание на Виз Ер Скопски Маратон

Пријавувањето за 20. јубилејно издание на Виз Ер Скопски Маратон почнува утрово во 9 часот и ќе трае до 20 септември до 23:59 часот. Право на учество имаат сите македонски и странски државјани. 

- Трката има ограничен број на учесници и пријавувањето може да се затвори, доколку се пополни предвидениот број на бројот на учесници, затоа побрзајте и пријавете се уште денеска, апелира организаторот на манифестацијата Сојузот на спортови на Скопје

Маратонот ќе се одржи 6 октомври со почеток во 8 часот.

Учесниците на маратон и полумаратон на стартот ќе бидат распоредени во четири стартни боксови според времето кое ќе го одберат при процесот на

пријавување, додека учесниците во штафетниот маратон и трката на 5км ќе бидат распоредени во стартни зони кои ќе бидат означени во зоната на старт со името на трката.

Трката има сертификат од Асоцијацијата за улични трки (AIMS) и се одвива според правила на Светска Атлетика (WA), и АФСМ.

Секој учесник што ќе стартува на Виз Ер Скопски Маратон ќе добие вредносен ваучер од 20 ЕУР од насловниот спонзор на трката, Виз Ер. Во стартниот пакет за сите трки е вклучена и маица, но ја добиваат само оние кои ќе се регистрираат до 29 август 2024.

Концерт „Татковина“ во Филхармонија

Филхармонијата вечер ќе одржи концерт насловен „Татковина“ под диригентство на Сашо Татарчевски, на кој ќе настапи виолинистот Бојан Илкоски.

На програмата ќе бидат изведени виртуозниот Концерт за виолина и оркестар бр.1 од Николо Паганини (1782-1840) и Симфонија бр. 4 во де-мол, оп.120 од Роберт Шуман (1810-1856)

Дирирентот Татарчевски дипломирал и магистрирал на Факултетот за музичка уметност во Скопје, на катедрите за хорско и оркестарско диригирање, а посетувал и мајсторски курсеви во Њујорк, Рим, Москва, Берлин, Фиренца, Санкт Петербург и Сартеано. Настапувал со различни ансамбли и на голем број фестивали на кои има освоено награди.

Редовен член е на неколку жири-комисии на интернационални хорски натпревари и раководител на меѓународниот хорски форум во Струга.

Во моментов работи како професор на ФМУ по група предмети од областа на диригирањето и диригент е на симфонискиот оркестар и мешаниот хор „Драган Шуплевски“, како и уметнички раководител на Женскиот младински хор при МКЦ и професионалниот мешан хор „Про Арс“.

Виолинистот Бојан Илкоски дипломирал на Факултетот за музичка уметност во Скопје, во класата на проф.Олег Кондратенко. Досега остварил бројни настапи во земјата и во странство.

Во 2009 година го одржал својот прв самостоен целовечерен концерт во Даут-пашиниот амам. Неговото досегашно искуство како виолинист, вбројува и неколку соло рецитали без пијано придружба.

Илкоски е член на Меѓународниот младински камерен оркестар на Музичка младина, а од неодамна е редовен член на Симфонискиот оркестар при Македонската филхармонија, како и член на оркестарот за филмска музика „Фејмс“.

-Бојан Илкоски (1992) е еден од најпосветените музички уметници кај нас, кој постојано настапува во различни ансамбли. Неодамна, токму со изведба на Концертот за виолина и оркестар бр. 1 од Паганини, настапи како солист во Софија со оркестарот „Симфониета Софија“ и маестро Свилен Симеонов, соопшти Филхармонијата.

Трет ден трае потргата по двегодишното девојче од Србија

Трет ден трае потргата по двегодишното девојче.Српската  полицијата соопшти дека продолжува интензивно оперативно да работи за утврдување на сите факти и околности поврзани со исчезнувањето на детето.

Вчера полиција по 27 часа интензивно пребарување на теренот ја запре потрагата по двегодишната Данка Илиќ во приградската населба Бањско поле и во Брестовачка бања, во близина на Бор.

Според српското МВР, сите информации укажувале дека исчезнатото девојче не било во тоа подрачје од околу 10 квадратни километри. Но полицијата продолжува со оперативните активности за пронаогање на детето.

Инаку, родителите на малата Данка биле на распит во полиција а мобилниот на мајката бил испратен на вечтачење јавија српските медиуми.Нејасно е и како 22-месечното девојче успеало толку брзо да избега од вниманието на возрасните среде бел ден.

притисни ентер