Високото УВ зрачење опасно за здравјето на граѓаните

Опуштените и претерани излежувања на плажа во копнеж да се добие убав и темен тен можат да бидат опасни за вашата кожа. Сончевите зраци се примамливи за долги дневни прошетки, но поради високото УВ-зрачење се навистина штетни.

Алергии, чешања, иритации, изгореници со различни интензитети – многу пациенти деновиве побарале помош во Клиниката за кожни болести. Изгорениците се најнепријатни и мора особено да се внимава на нив бидејќи во најлош случај можат да доведат до карцином на кожата.

„Изгорениците од сонце, и покрај тоа што поминуваат за неколку дена а се пропратени со чешање и непријатноста која ја предизвикуваат, сепак знаат во одредени случаи да предизвикаат и трајни последици кои би довеле и до малигни заболувања“, вели Д-р Дејан Филиповиќ- специјалист дерматолог.

Кремата со заштитен фактор мора да биде задолжителна, без разлика дали сте покрај море или во урбана средина, велат дерматолозите. Препорачлив е заштитен фактор 50 и реаплицирање на секои 3 часа, како и лесна, тенка облека.

„Самото тло, асфалтот кој испарува, песокот, каменчињата на плажа, па и водата рефлектираат сончеви зраци, лесно можеме да изгориме и доколку носиме капи, шешири и слично. Неопходна е заштитната крема да се аплицира пред се на оние поизложени места како деколтето, рацете и лицето“, вели Д-р Филиповиќ

Неподносливото топло време ќе не поштеди од среда за кога се очекуваат пониски температури, но високиот УВ-индексот ќе се задржи.

„Со облачноста ќе имаме извесно намалување на УВ-индексот, меѓутоа се уште во одредени региони ќе остане нешто пониско, околу 8, а само во местата каде што ќе има зголемена облачност со врнежи, УВ-индексот ќе биде 7“, вели Ленче Ризова од УХМР.

Портокаловата фаза ја „вжешти“ и линијата за Брза помош. Само викендов биле примени над 150 повици, а имало и десетина интервенции на лица кои колабирале поради високите температури. Утре не очекува можеби и најтоплиот ден од годината кога живата на термометарот ќе го надмине 40-от степен.

Во карантин македонски државјани кои дошле од Авганистан, дел од нив позитивни на Ковид-19

Македонски државјани кои пристигнале од Авганистан се сместени во карантин бидејќи меѓу нив имало позитивни лица на Ковид 19, потврдија за МИА од Министерството за здравство.

– Македонски државјани се пристигнати од Авганистан. По добиени информации дел од нив се позитивни. Поради безбедност на граѓаните, во консултација со Комисијата за заразни болести и Државниот санитарен и здравствен инспекторат, вечерва ќе бидат во карантин, а утре епидемиолог ќе одлучи што понатаму, наведоа од Министерството за здравство. /МИА

Фото: Ким Кардашијан драстично го промени изгледот

Најпознатата американска старлета Ким Кардашијан драстично го променила својот изглед.

Ваква боја на косата Ким немала никогаш.

За само неколку дена по трет пат е главна тема во светскиот шоу-бизнис. Прво јавноста дозна дека Ким и нејзиниот сопруг Канје Вест станале милијардери, потоа дека можеби тие двајца наскоро ќе влезат во претседателскиот кабинет. Сега Ким е актуелна во медиумите поради тоа што станала црвенокоса.

Популарната старлета со бујни облини на својот профил на Инстаграм објавила селфи на кое ја по прв пат ја покажала новата боја на косата.

Видео: Китови во Јадран!?

Во близина на брегот на Јадранското море во Хрватска забележани биле две големи суштества, два кита.

Залутаните китови предизвикале страв меѓу туристите во Корчула. Китовите пливале на околу 150 метри оддалеченост од брегот во близина на стариот град во Корчула.

Огромните цицачи кратко пливале крај брегот и потоа го продолжиле својот пат кон отвореното море.

Појавата на китови во близина на брегот предизвикала страв меѓу туристите.

-Некои коментирале дека веќе нема да влезат во морето и да пливаат.

Покрај во Корчула китовите биле видени и од месното население и туристите во Ново Винодолско.

притисни ентер