Во Познан Полска каде ке се одржи конференцијата ЕУ –Западане Балкан кон крајот на неделава ,премиерот Заев ќе оствари средба со феранцускиот премиер Едуард Филип, дознава Канал 5. Состанокот на кој главен фокус е отворање на пристапните префговори СО ЕУ, е на барање на францускиот премиер..Какви пораки од официјален Париз ќе пренесе засега не е познато, но во пресрет на средбата претседателот Макрон синока во Брисел се огласи со директна порака дека ќе блокира секакво проширување на Унијата.
,,Скептичен сум кон оние кои ни објаснуваат дека е потребно ново проширување, не успеваме ни со 28 членки да се договориме, така што ќе бидам бескомпромисен кон каков било вид проширување пред да се случи длабока реформа на нашето институционално фунцкионирање.”
Изјавата на Макрон доага откако лидерите на 28-те земји членки на ЕУ по 18-часовни разговори не успеаја да се договорат околу кандидатите за водечките позиции на институциите на Унијата, по што синока започнатито самит беше прекинат а продолжението е закажано за утре
Во Познан ќе бидат и лидерите на сите држави кој учествуваат во „Берлинскиот процес“, а меѓу нив и германската канцеларка Ангела Меркел. Од Владата велат дека настанот во Полска ќе биде можност повторно да се лобира и да се убедат европските лидери во октомври да дадат „зелено светло“ за почеток на преговори со ЕУ.
Вчерашната изјава на германската канцеларка Меркел дека не очекува брз прием на нови земји членки во ЕУ е очекувана, бидејќи реално ниту една земја од Западен Балкан во овој момент не е подготвена за такво нешто. Од Владата велат дека Македонија дефинитивно е подготвена веднаш да ги отвори првите поглавја,
Инаку, по вчерашната маратонска расправа во Брисел нема договор за наследникот на Јункер. Дел од земјите членки биле лути што лидерите на Франција, Шпанија, Холандија и Германија во рамките на самитот Г-20 се договориле Франс Тимерманс да биде нов претседател на Европската Комисија .