Поглаварот на ИВЗ: Mакедонскиот народ е див, затоа нема идентитет

Првиот човек на ИВЗ Сулејман Реџепи го оценил македонскиот народ како див и без идентитет.Ваквата скандалозна изјава ја дал во обраќањето во Скопското село Арнакија за време на церемонијата на поставувањето на камен темелникот на џамија.

ИВЗ нема да дозволи да биде попречувана градбата на џамии и нема да молчи за тоа. Ова поглаварот на Исламската верска заедница Реис Ул Улема Хаџи сулејман Ефенди Реџепи го ветил на церемонија за камен темелник на џамија во скопското село Арнакија на 14-ти март или на десетина дена пред да и пише на владата дека и дава десетдневен рок да се расчистат споровите со ИВЗ, поврзани со процесот на предавање на имотот на оваа верска заедница вратен по пат на денационалиозација. Во настапот пред верниците на Арнакија, кој во форма на видео е поставен и на неговиот фејсбук профил викендов,Реисот со недолични зборови кон Македонскиот народ, што не му е прв пат.

„Џамиите да се попречуваат и да не се одоброува нивната изградба, оваа работа нема да ја дозволиме. Никогаш нема да молчиме. Се надеваме со господ напред дека ќе дојдат подобри времиња и секаде имаме народ и места..во село Лажец Битолско каде повеќе од 100 години немаат џамија. Замислете вие каков див народ е овој со кои сме во соживот. Овие се безпримерен див народ, затоа немаат идентитет и нема да имаат никогаш, без разлика дека ние сакаме да им помогнеме.Не се помага, бездушниот не се освестува.”

Изјавил Реисот Реџепи на церемонијата во Арнакија, а во продолжение на говорот се осврнал на потребата да се изгради џамијата во Битолското село Лажец поготово што ИВЗ таму имала свој вакуф.Околу дваесетти март  Реисот Реџепи во писмо до Владата и даде десетдневен рок за надминување на прашањата поврзани со имотот на ИВЗ вратен со денационализација. Во писмото Реисот ја искритикува владата дека ја фаворизира МПЦ а ја дискриминира ИВЗ и дека за тоа ќе ги известувале верниците во предизборната кампања преку седумстотините џамии. По реакција од страна на министерот Спасовски дека е ова ултиматум, оставено беше за ова прашање да се разговара по изборите.

Расте притисокот за предвремени избори во случај на неуспех во Брисел

Постои ли реална закана за владата на премиерот Заев доколку нема датум за преговори или предупредувањата за пад на актуелната власта се само заплашувања кон европските лидери?

Недобивањето датум веројатно ќе ја урне Владата, предупреди вчера премиерот од Брисел. Ваквата изјава на премиерот се чини ги засили и онака гласните барања за оставка и организирање избори веднаш по самитот.

Лидерите на ВМРО ДПМНЕ, Христијан Мицкоски, на  Алијанса за Албанците, Зијадин Села и на првиот човек на БЕСА, Билал Касами синхорнизирани во ставовите дека неуспехот во евроинтеграциите ја делегитимира власта и мандатот мора да се врати кај граѓаните .

Политичките аналитичари велат под услов и на овој самит Македонија да остане без посакуваниот исход, ќе биде потребно Заев со останатите лидери и да договори по кој пат ќе се движи државата во наредниот пат.

За Александар Кржаловски од МЦМС немањето датум ќе значи избори најдоцна во мај.

Универзитетскиот професор и поранешниот потпретседател на СДСМ, Гордан Георгиев вели притисокот нема да биде само меѓупартиски, туку и во целокупното општество. Според него, изборите не се решение, туку неопходен е договор како понатаму.

Редовните избори би требало да се одржат во декември следната година, а за премиерот Заев терминот за избори редовни или предвремени би бил крајот на октомври.

Пендаровски: Лобираме до последен момент, евроинтеграцијата нема алтернатива

Државниот врв лобира до последен момент Македонија да добие датум за почеток на преговорите со ЕУ вели шефот на државата Стево Пендаровски.

 Очекува конечната одлука од Брисел да се знае до утре на пладне, но и во случај на негативна одлука Пендаровски смета дека евроинтеграцијата останува единствена опција за земјава.

Одговарајќи на новинарско прашање околу можноста да се разниша владејачката коалиција и да падне Владата ако земјава не добие датум за преговори, министерката за одбрана Радмила Шеќеринска тврди дека коалициските партнери имаат консензус по двете стратешки прашања – членството во НАТО и ЕУ.

Во случај на негативен исход од Брисел и прашањето како тоа ќе се одрази на безбедносен план претседателот Пендаровски не очекува како што рече драматични промени со оглед на како што кажа членството во НАТО Алијансата кое наскоро треба да се случи со забрзаната динамика на ратификацијата на Протоколот.

СДСМ: Државата е на прав пат за искоренување на сиромаштијата

Од СДСМ велат дека на светскиот ден на борба против сиромаштијата, можат да кажеме дека државата е на прав пат за искоренување на сиромаштијата.

Денеска, на Светскиот ден на борба против сиромаштијата, со гордост може да кажеме дека државата е на прав пат за искоренување на сиромаштијата.

Како одговорна партија, во изминатите две години презедовме низа мерки и политики кои обезбедуваат зголемување на животниот стандард, намалени трошоци и намалување на стапката на сиромаштија.

Минималната плата се зголемува на 14.500 денари, што е за 2.000 денари повеќе од сегашниот минимум, односно дури за 5.500 денари повеќе од минимумот во текстилната, кожарската и чевларската индустрија во 2016 година.

Ваквото покачување ќе значи подобрување на животниот стандард на работниците кои земаат минимална плата.

Воведовме социјална реформа која го подобрува животот на околу 300.00 граѓани. Социјалната помош се зголеми и до 300 отсто. За три пати е зголемен опфатот на деца кои добиваат детски и образовен додаток. Тоа е многу важно а извлекување од детска сиромаштија. За оние граѓани кои не ги исполнуваат условите за добивање пензија, воведовме социјална државна пензија.

Трајно го решивме проблемот со стечајните работници. Со последните измени на Законот за стечајци, за 12.000 наши сограѓани е обезбеден месечен надоместок од над 8.000 денари кој ќе го добиваат до нивно пензионирање.

Паралелно со ова, ги намалуваме и трошоците во домаќинствата што е во насока на политиките за извлекување од сиромаштија.

Ја укинавме радиодифузната такса, воведовме евтина дневна тарифа на струјата, намалени се сметките за парно, а во неколку општини, намалена е и цената на водата за пиење.

Ова се само дел од мерките што имаат за цел да ја зајакнат борбата против сиромаштијата. Целосно сме посветени на трајно извлекување од сиромаштија на што е можно поголем број граѓани и семејства.

Борбата против сиромаштија е правиот пат. Како партија продолжуваме со мерките што обезбедуваат повеќе пари и повисок животен стандард за сите граѓани.

Прес-конференција на Татијана Лалчевска, пратеничка на СДСМ

притисни ентер