Поглаварот на ИВЗ: Mакедонскиот народ е див, затоа нема идентитет

Првиот човек на ИВЗ Сулејман Реџепи го оценил македонскиот народ како див и без идентитет.Ваквата скандалозна изјава ја дал во обраќањето во Скопското село Арнакија за време на церемонијата на поставувањето на камен темелникот на џамија.

ИВЗ нема да дозволи да биде попречувана градбата на џамии и нема да молчи за тоа. Ова поглаварот на Исламската верска заедница Реис Ул Улема Хаџи сулејман Ефенди Реџепи го ветил на церемонија за камен темелник на џамија во скопското село Арнакија на 14-ти март или на десетина дена пред да и пише на владата дека и дава десетдневен рок да се расчистат споровите со ИВЗ, поврзани со процесот на предавање на имотот на оваа верска заедница вратен по пат на денационалиозација. Во настапот пред верниците на Арнакија, кој во форма на видео е поставен и на неговиот фејсбук профил викендов,Реисот со недолични зборови кон Македонскиот народ, што не му е прв пат.

„Џамиите да се попречуваат и да не се одоброува нивната изградба, оваа работа нема да ја дозволиме. Никогаш нема да молчиме. Се надеваме со господ напред дека ќе дојдат подобри времиња и секаде имаме народ и места..во село Лажец Битолско каде повеќе од 100 години немаат џамија. Замислете вие каков див народ е овој со кои сме во соживот. Овие се безпримерен див народ, затоа немаат идентитет и нема да имаат никогаш, без разлика дека ние сакаме да им помогнеме.Не се помага, бездушниот не се освестува.”

Изјавил Реисот Реџепи на церемонијата во Арнакија, а во продолжение на говорот се осврнал на потребата да се изгради џамијата во Битолското село Лажец поготово што ИВЗ таму имала свој вакуф.Околу дваесетти март Реисот Реџепи во писмо до Владата и даде десетдневен рок за надминување на прашањата поврзани со имотот на ИВЗ вратен со денационализација. Во писмото Реисот ја искритикува владата дека ја фаворизира МПЦ а ја дискриминира ИВЗ и дека за тоа ќе ги известувале верниците во предизборната кампања преку седумстотините џамии. По реакција од страна на министерот Спасовски дека е ова ултиматум, оставено беше за ова прашање да се разговара по изборите.

Џаин: Политичките реалности донесоа чувство на итност

Политичките реалности донесоа чувство на итност, но критериумите за членство во ЕУ мора да бидат исполнети.

Цврсто сме посветени на пречекување на Западниот Балкан во европското семејство. Политичките реалности донесоа чувство на итност, но критериумите мора да бидат исполнети. Процесот и понатаму ќе остане ригорозен и затоа ќе мора посветеност, одлучност и национална согласност околу сеопфатната стратешка насока на земјата за членство во ЕУ, изјави амбасадорка на Шведска во земјава, Ами Ларсон Џаин.

Пораката за проширувањето од декемврискиот Самит ЕУ-Западен Балкан во Тирана, посочи Џаин, е кристално јасна – иднината на земјите од Западен Балкан и граѓаните е во ЕУ.

Зборувајќи за приоритетите на шведското претседателство со ЕУ и проширувањето со Западен Балкан на конференцијата „Година на нови можности“, Џаин рече дека тоа доаѓа во време на криза и сериозна закана по европската безбедност, поради руската инвазија на Украина.

Шведската Влада има четири приоритети за претседателството во следните шест месеци – Безбедност и обединетост, конкурентност, зелена и енергетска транзиција и секако владеење на правото и демократските вредности, изјави Џаин.

Земјите членки на ЕУ, посочи Џаин, ја искажаа својата поддршка за Украина и ќе останеме обединети во нашите реакции и покрај Украина, се додека е тоа потребно.

– Усогласеноста со ЕУ во надворешната и безбедносна политика и санкциите против Русија остануваат клучни и Македонија покажа лидерство по ова прашања и тоа навистина го цениме, истакна Џаин.

Безбедносните ситуации на Западен Балкан се особено важни за шведското претседателство, бидејќи, како што Џаин, тие се важни и за ЕУ и за самиот регион.

Поради непредвидени трошоци „Филипс“ отпушта 6.000 вработени

Холандската компанија Филипс ќе отпушти околу 6.000 лица, што е осум отсто од вкупниот број вработени, поради непредвидени трошоци кои произлегуваат од повлекувањето од пазарот на медицинско помагало за лекување на проблеми со спиењето.

Според Блумберг, половина од планираните отпуштања ќе бидат спроведени оваа година.

Извршниот директор на компанијата Рој Џејкобс рече дека тоа е значајна мерка што мора да се преземе поради зголемените трошоци на компанијата.

Повлекувањето на медицинскиот апарат за терапија со спиење почна во јуни 2021 година, откако истражувањата покажаа дека постои врска помеѓу апаратот и појавата на рак и на респираторни проблеми.

Тестовите кои ги спроведе Филипс покажаа дека нивните производи, сега повлечени од пазарот, веројатно не би му наштетиле на здравјето на пациентите, а Џејкобс, кој го замени долгогодишниот извршен директор Франс ван Хаутен во октомври, рече дека се надева дека ќе добие повеќе детали за влијанието во однос на каква било потенцијална штета во втората половина од годината .

-Кога ќе ги имаме тие информации, веднаш ќе ги објавиме. Ќе се обидеме да вложиме максимални напори за да го најдеме најдоброто решение, рече тој.

Со најновите отпуштања, Филипс им се придружи на се поголемиот број производители кои ги намалуваат трошоците за да се справат со превирањата во синџирот на снабдување и инфлацијата.

СЗО: Ковид-19 и натаму претставува глобална јавно здравствена криза

Светската здравствена организација (СЗО) денеска соопшти дека коронавирусот продолжува да претставува вонредна меѓународна јавно здравствена криза, што е највисоката форма на предупредување на оваа агенција ма Обединетите нации.

Пандемијата е веројатно во „преодна точка“, па затоа се уште бара внимателно управување за „ублажување на потенцијалните негативни последици“, се наведува во соопштението на СЗО.

СЗО пред три години го прогласи Ковид-19 за глобална здравствена закана. Во пандемијата, во сите делови на светот од заразата починаа повеќе од 6,8 милиони лица, а болеста имаше негативно влијание врз светската економија и функционирањето на општествата.

Со пристигнувањето на вакцините и соодветните третмани во 2020 година ситуацијата со пандемијата почна полека да се менува, наведуваат британските медиуми.

Генералниот директор на СЗО, Тедрос Аданом Гебрејесус изрази надеж дека вонредната состојба ќе биде укината оваа година, особено ако на глобално ниво се подобри пристапот до мерките против инфекцијата.

Советниците на експертскиот комитет на СЗО за статусот на пандемијата во декември минатата година соопштија дека веројатно не е време да се прогласи нејзиниот крај поради неизвесноста околу бранот на инфекции во Кина, која на крајот на 2022 година ги укина своите строги мерки за „нулта толеранција од Ковид-19“.

притисни ентер