Пофалбите за торжествената манастирска слава во Бигорски не стивнуваат - Канал 5

Живот

Пофалбите за торжествената манастирска слава во Бигорски не стивнуваат

И после два дена од Иванден, Бигорскиoт Манастир останува центар на вниманието за верниците и медиумите од земјата и пошироко.

Пофалбите за торжествената манастирска слава во Бигорски не стивнуваат

Бигорскиот манастир којшто го носи името на великиот и славен Пророк, Претеча и Крстител Господов – Јован, и после Иванден, продолжува да бележи бројни посети на верници коишто поединечно или во организирани групи, доаѓаат од земјава и странство, за да му се поклонат и помолат на Светителот чија чудотворна икона, со векови твори чудеса. Велелепната икона на „најголемиот меѓу родените од жена“ - Св.Јован Крстител, со којашто впрочем и започнува историјата на Манастирот, со својата грандиозна убавина и исцелителна моќ, предизвикува воздишки и молитвено расположение кај сите. Болните се молат за здравје, здравите за мир во душите и благостостојба во домот и татковината, а неплодните за пород. Свети Јован ги услишува молитвите на сите кои му пристапуват со силна вера и покајание.

Верниците кои го посетија Бигорски за време саботната манастирска слава, се'уште се под силни импресии од благодатта по сеноќното бдение со кое чиноначалствуваше митрополитот Брегалнички г. Иларион, и од Светата архиерејска празнична Литургија со која чиноначалствуваше Митрополитот Дебарско - кичевски г. Тимотеј, во сослужение со Митрополитот Брегалнички г.Иларион и Епископот хераклејски - г. Климент.

Втора година по ред, специјални гости на манастирската слава беа хористите од прочуениот грчки хор при храмот „Свети Пантелејмон“ - Атина, под раководство на протопсалтот Илија Редијадис Тумбас, кој за медиумите изјави: „Ние, како и минатата година кога дојдовме, така и оваа, се чувствуваме како да сме во наш дом, бидејќи најнапред раздалеченоста е блиска, а тука се, и заедничките традиции. Единственото нешто што нѐ разликува едни од други е јазикот, но тоа нема никаква важност“.

Во својата беседа, игуменот на Бигорската Света Обител, архимандрит Партениј, пред присутните истакна:

Нека семоќниот Бог Промислител ги умножи силите на сите оние коишто ѝ мислат добро на едната, света и соборна Црква, за најпосле, да биде исцелена болката што со децении ја мачи правоверната паства на Охридската архиепископија! Зашто голема рана е за нас, продолжувачите на охридската црковна традиција, тоа што Охридската архиепископија, со која православниот народ одовде е органски сврзан со вековни врски, е сѐ уште надвор од сеправославното семејство.

Меѓу големиот број верници, гостин на Бигорската Свештена Обител, беше и Даријан Сотировски, претседател на Комисијата за односи со верските заедници и религиозни групи, кој на Архимандрит Партениј му подари резба со ликот на Свети Јован Дебранин, првиот Архиепископ Охридски.

Свештена Бигорска Обител беше почестена и со посета од професори и студенти од Теолошкиот факултет при Аристотеловиот Универзитет во Солун, кои деновиве остваруваат поклоничко патување на македонските светињи. Водачи на групата беа господата Василиос Кукусас и Јоанис Бакас - еминентни професори и особени познавачи на црковната историја, со многу издадени трудови, главно од областа на општата црковна историја и нејзините извори, како и од областа на историјата на помесните Православни Цркви, а поконкретно на древните Патријаршии.

Откако пристигнаа во Бигорски и се поклонија на светињите, гостите се придружија на свечениот празничен прием, изразувајќи го своето нескриено задоволство што ја гледаат вистинската, жива Црква во насобраното мноштво народ за манастирската слава. Освен тоа, неофицијално беа разменети и мненија за актуелните црковни прашања, со што од двете страни беа изразени недвосмислени желби и верувања дека наскоро ќе биде најден клуч за разврска на проблемот што со децении ја измачува нашата Црква.

Во чест на сечесниот спомен на Рождеството на Св.Јован Крстител - патронот на манастирот, започна да функционира и англиска верзија на манастирскиот сајт bigorski.org.mk

Сите содржини што се однесуваат на манастирот, сега светот ќе може да ги чита и на англиски.

Во продолжение, и видео инсерти од денот на манастирската слава, како и изјави на дел од гостите и братството на Бигорски.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Иранската револуционерна гарда ги постави условите за крај на војната- познато е што бараат од САД

Иранската револуционерна гарда денеска објави дека војната со САД би можела да заврши ако Вашингтон престане да му се заканува на Иран и одговори на условите што ги постави.

Иранската револуционерна гарда ги постави условите за крај на војната- познато е што бараат од САД

Иранската револуционерна гарда денеска објави дека војната со САД би можела да заврши ако Вашингтон престане да му се заканува на Иран и одговори на условите што ги постави, вклучително и оние поврзани со неговата нуклеарна програма.

„Ако Америка сака да ја заврши оваа ситуација, покрај целосното запирање на војната, мора да се воздржи од повторување на заканите, да ја повлече израелската армија од Либан, да ја прекине блокадата наметната врз Јемен, да ослободи 24 милијарди долари замрзнати ирански средства и да го запре секое мешање во нуклеарните и ракетните капацитети на земјата“, изјави портпаролот на Револуционерната гарда, Хосеин Мохеби, цитиран од новинската агенција Фарс.

Револуционерната гарда претходно во текот на денот објави дека нова „ограничена зона“ надвор од Ормутскиот теснец ќе вклучува делови од Оманскиот Залив и областите пошироко, истакнувајќи дека нејзините прецизни координати ќе бидат објавени подоцна.

Мохеби изјави за државната телевизија дека областа „започнува приближно кај Чабахар“ и опфаќа дел од Оманското Море и друг дел од Арапското Море, предупредувајќи дека секој брод што влегува во неа без координација ќе се соочи со „казнени мерки“.

Тој објасни дека „мерките ќе вклучуваат одбивање на услугите за навигација на бродовите“.

Сообраќајот низ Ормутскиот теснец е речиси целосно нарушен, што влијае на глобалните енергетски пазари.

Иран воведе барање бродовите да добијат претходна дозвола за транзит низ теснецот, на што се спротивставуваат Вашингтон и неколку земји во регионот.

САД одговорија со воведување блокада на иранските пристаништа, заедно со нови санкции насочени кон иранските авиокомпании, како дел од засилениот економски притисок врз Техеран.

Тагови: војната САД

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Зидан: Ако не разбирате кој е најголем од сите, тогаш не разбирате што е тоа фудбал

Зинедин Зидан, селекторот на француската репрезентација, го избра Лионел Меси за најдобар играч во светот и рече дека оваа година ќе му ја даде Златната топка. 

Зидан: Ако не разбирате кој е најголем од сите, тогаш не разбирате што е тоа фудбал

Зидан, поранешен играч и тренер на Реал Мадрид, исто така рече дека би гласал за Меси 100 пати доколку може. Тој се натпреварува на највисоко ниво на 39 години, тврди Зидан.

„Луѓето не разбираат колку е неверојатно што Меси е сè уште меѓу најдобрите играчи во светот на 39 години. Не би ме изненадило ако Меси ја освои Златната топка. Ако има некој што не разбира кој е најдобриот играч на сите времиња, тоа се луѓето што не го разбираат фудбалот“, објасни Зидан.

Аргентинецот има осум Златни топки

Меси не е меѓу фаворитите за освојување на Златната топка. Тој игра за Интер Мајами, во американската МЛС, со која го освои Купот минатата година. Со својата Аргентина, тој стигна до финалето на Светското првенство оваа година, но не го одбрани златото, туку тоа отиде во Шпанија.

Меси веќе има освоено осум „Златни топки“. Покрај тоа, тој беше светски шампион со Аргентина во 2022 година и освои четири титули во Лигата на шампионите со Барселона. Одигра 207 натпревари за Аргентина и постигна 125 гола. Неговиот договор со Интер Мајами е важечки уште две години.

Тагови: Зинедин Зидан

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Технологија

Кина воведува нови правила за вештачката интелигенција- сака јасно да ги уреди авторските права

Кина планира да ги заостри и прилагоди регулативите за заштита на интелектуалната сопственост за вештачката интелигенција и алгоритмите како дел од модернизацијата на системот што треба да го поддржи развојот на дигиталната економија. 

Кина воведува нови правила за вештачката интелигенција- сака јасно да ги уреди авторските права

Промените се дел од новиот петгодишен план за заштита и користење на интелектуалната сопственост, кој ги поставува приоритетите во оваа област за периодот од 2026 до 2030 година.

Планот предвидува усовршување на регулативите за заштита на интелектуалната сопственост за секторите што вклучуваат алгоритми и содржини создадени со помош на вештачка интелигенција, како и за прашања што ги покренува економијата базирана на платформи.

Нови правила за вештачка интелигенција, блокчејн и податоци

За да го поддржи развојот на нови производствени сили, Пекинг има намера да ги зајакне услугите за заштита на авторските права и механизмите за заштита за нови технологии и сектори, вклучувајќи блокчејн, големи збирки податоци, услуги за управување со податоци и изнајмување на компјутерски капацитет и вештачка интелигенција, се вели во планот.

Кинеските филмови, телевизиски серии, интернет романи и видео игри стануваат сè попопуларни во странство во последниве години, забележува кинеската новинска агенција Ксинхуа. Приходите од кинеските видео игри развиени за светскиот пазар надминаа 17,18 милијарди евра минатата година, а кинеската онлајн литературна содржина ја читаат стотици милиони луѓе.

Растечкото присуство на кинеската дигитална содржина на светскиот пазар ја зголеми потребата за поефикасна заштита на авторските права. Затоа, Кина ќе ги подобри прописите за заштита и трансакции во области како што се онлајн објавување, аудиовизуелна содржина и литературни и уметнички дела објавени на Интернет во текот на следните пет години, се вели во планот.

База на податоци за прекугранични спорови

Планот, исто така, предвидува подобрување на меѓународниот систем за заштита на интелектуалната сопственост со цел поефикасно решавање на споровите и управување со ризиците. Кина има намера да воспостави база на податоци за прекугранични спорови поврзани со интелектуалната сопственост.

Пекинг, исто така, ќе ја интензивира соработката со Светската организација за интелектуална сопственост (WIPO) и други меѓународни институции, како и дискусии за заштита на интелектуалната сопственост со најголемите трговски партнери. Целта, според планот, е да се учествува во креирањето на меѓународни прописи и стандарди за нови технолошки области.

Кина сака да биде меѓу лидерите до 2030 година.

До 2030 година, Кина сака да биде меѓу водечките земји во светот во областа на интелектуалната сопственост, а до 2035 година, меѓу најконкурентните земји во светот. Во исто време, учеството на секторите поврзани со авторските права во БДП на Кина треба да достигне 7,53 проценти.

За да се постигнат овие цели, во следните пет години, Кина ќе работи на развој на секторот базиран на авторски права, зголемена комерцијална примена на заштитени дела и посилно пласирање на кинеската културна продукција на странските пазари.

Главната цел е да се изгради постабилен систем за заштита на интелектуалната сопственост што би ја поттикнал иновацијата и културната креативност и би создал подобри услови за развој на дигиталната економија

Тагови: вештачка интелигенција Кина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер