Лазаров: Имаме сили и доволно мотиви за победа над Чешка

За машката ракометна репрезентација на Македонија останува уште последниот дуел од квалификациите за Европското првенство во Хрватска. Утре во Скопје, Македонија е домаќин на Чешка.
Оптимизам кај капитенот Кирил Лазаров во пресврт на дуелот со ривалот, со кој играме често последните години.

- Атмосферата е добра во репрезентацијата. Некој на почетокот да ни ја понудеше оваа ситуација ќе ја прифатевме со две раце. Сега со победа и со еден гол разлика ќе бидеме први во групата и што е исто така важно ќе бидеме и во подобар „шешир“ на извлекувањето за групите на Европското првенство во Хрватска. Имаме сили и имаме доволно мотиви да победиме особено што веќе имаме доволно видео материјали за утрешниот противник, вели Лазаров.

На чело на табелата во групата е Чешка со 6 бодови, Македонија и Украина имаат по 5, а последен е Исланд со 4. Дуелот Македонија – Чешка се игра утре со почеток во 20:45 часот во ВИП Арена во СЦ „Борис Трајковски“, а во исто време играат и Исланд – Украина.

Билетите за натпреварот Македонија – Чешка се продадени и се очекува македонските ракометари да имаат максимална поддршка од трибините.

Рамос му посака брзо закрепнување на Салах

Серхио Рамос го искористи својот Твитер профил за да искаже сочувство кон повредениот Мохамед Салах. 

Дефанзивецот на Реал Мадрид и нанесе повреда на ѕвездата на Ливерпул во средината на првото полувреме по груб боречки дуел, а потоа Шпанците победија со 3: 1 во финалето на Лигата на шампионите.

- Понекогаш фудбалот ви ја покажува добрата страна, а понекогаш и лошата. Пред се, ние сме професионалци и сакам да му посакам брзо закрепнување. Салах, иднината те очекува, напиша тој.

По натпреварот, Рамос ги негираше гласините дека Кристијано Роналдо ќе го напушти Мадрид. Тој тврди дека Португалецот нема да најде посилен тим од Реал. /МИА

Кариус: Го предадов тимот

Голманот на Ливерпул, Лорис Кариус презеде вина за поразот на неговиот клуб во финалето, откако прими два смешни гола за победа на Реал Мадрид со 3:1.

- Во моментов не чувствувам ништо. Го загубив натпреварот и жалам. Им се извинувам на моите соиграчи и сите поврзани со клубот. Ако можев да го вратам времето назад, ќе го направев тоа. Жал ми е, бидејќи денес ги предадов колегите, рече тој по мечот.

Германецот додаде дека неговите грешки во финалето го чинеле прескапо целиот тим.

- Тешко е да се зборува, но тоа е животот на голманот. Должен сум да кренам повторно глава. Во моментов, сепак само жалам за она што се случи, бидејќи овие голови се по цената на трофеј, додаде Кариус. /МИА

Клоп: Пропуштивме голема шанса

Менаџерот на Ливерпул, Јирген Клоп дефинитивно не беше расположен за коментари по поразот од Реал Мадрид во финалето на Лигата на Шампионите во Киев со 1:3.

„Црвените“ го почнаа подобро натпреварот, но потоа го загубија Мохамед Салах, а голманот Лорис Кариус направи голема грешка и му овозможи на Карим Бензема да го отвори резултатот. Ливерпул израмни, но резервата Герет Бејл повторно ја врати предноста на Реал, а нова грешка на Кариус по удар од далечина на Велшанецот го реши исходот од натпреварот.

- Момчињата се обидоа со се, но тоа не беше најдоброто сценарио што ни се случи вечерва. Се беше многу убаво до оваа вечер. Имавме голема шанса, но не успеавме да ја искористиме. Тоа е. Никогаш нема да дознаеме што ќе се случеше ако Мо Салах останеше на теренот, прокоментира Германецот.

Менаџерот на Ливерпул го израмни антирекордот на Ектор Купер и Арсен Венгер, откако Ливерпул загуби во финалето. Германецот стана третиот менаџер во историјата, кој ги губи првите три финалиња во европските клубски турнири.

За Клоп, поразот во финалниот меч исто така е шести од вкупно седум финалиња, во кои тој бил тренер. /МИА

притисни ентер