Спасовски и Тодоров во жесток дуел во „Само вистина“

Дуел на Оливер Спасовски и Никола Тодоров во „Само Вистина“. Со нив разговара Мирјана Трпчевска.
Дали можеме да кажеме дека политичката криза е зад нас и можеме да зачекориме по патот на прогресот, мирот и помирувањето?

„Политичката криза започнува да добива расплет иако не може да се каже дека е завршена. Политичката криза која посебно трае во последните две години, после објавувањето на проектот „Вистината за Македонија“ требаше својот расплет да го има со парламентарните избори. Меѓутоа усложнувањето доаѓа и после парламентарните избори се до моментот додека не се формира новата влада. Јас очекувам и сакам да зборам за иднината на оваа држава и да бидеме сите дораснати на одговорноста на нивото кое го имаме пред граѓаните и пред државата и конечно да работиме на напредокот. Дијалогот е неизбежен, ние можеме да имаме различни политички ставови и можеме да се доведуваме во лоши ситуации какви што беа во изминатиов период во Македонија. Но, едно е сигурно, мораме да се издигнеме над личните и партиските интереси, да се ставиме во функција на граѓаните и на тој начин да излеземе од оваа политичка криза и да влеземе во помирни води за Р.М.“ – изјави Спасовски.

„Ова веројатно е една од најразорните кризи од осамостојувањето на Република Македонија и добро е што поскоро да заврши. Оваа криза не му одговара на никого најмалку на Македонија и како што кажа Оливер расплетот може да донесе само добро. Мислам дека Македонија беше во една ситуација каде лошото носи ново лошо и сега ние тоа треба да го промениме. Граѓаните се преморени од тоа да бидат жртви на кризата. Затоа што тие беа најголемите жртви на оваа криза“ – изјави Тодоров.

Целата дебата погледнете ја во видеото.



Ѓукановиќ ја положи претседателската заклетва

Во црногорската престолнина Цетиње со положување на заклетвата  избраниот претседател Мило Ѓукановиќ  официјално ја презема должноста.

Ѓукановиќ претседателската заклетва ја даде пред пратениците од Собранието на Црна Гора.

-Се колнам  во својата чест дека должноста претседател  на Црна Гора ќе ја извршувам совесно и одговорно за доброто на сите граѓани, рече  Ѓукановиќ во заклетвата.

Покрај пратениците , на свечената седница присуствуваа и поранешните претседатели на Црна Гора, премиери и претседатели на парламентот, како и највисоките државни функционери и челници на државните институции.  

Абас повторно примен во болница

Претседателот на Палестина 83- годишниот Махмуд Абас е примен во болница, според анонимен официјален претставник, Абас имал температура.

Палестинскиот претседател Махмуд Абас денеска повторно е примен во болница. Ова е третпат во една недела да биде хоспитализиран.

Абас во вторникот имал операција на увото и по неколку часа бил пуштен дома. Вчера повторно беше на кратко во болница.

Резултатите од анализите, како што јави палестинската новинска агенција, пренесувајќи ја изјавата на директорот на болницата, се добри.

Абас има проблеми со срцето, а пред десет години му е дијагностициран рак на простата. Инаку, тој е страстен пушач.

Дамаск ослободен, екстремистите евакуирани

Група екстремисти од Исламската држава се евакуирани од последната енклава под контрола на бунтовниците во близина на Дамаск, со што оваа територија е вратена под контрола на државата.

Сириската Опсерваторија за човекови права со седиште во Лондон, соопшти дека автобусите влегле во енклавата по полноќ за да ги превезат борците на ИД и нивните семејства.

Според Ројтерс, автобусите се упатиле во правец на провинцијата Бадија во Сирија, подрачје со мал број на жители , кое се наоѓа источно од престолнината Дамаск.

притисни ентер