Охрид се поврза со европската престолнина Брисел

Охрид се поврза со европската престолнина. Денес пристигнаа првите туристи од Брисел.
 На аеродромот Свети Апостол Павле ,  до средината на септември, еднаш неделно со чартер лет на најголемиот европски тур оператор ,,Томас Кук”  ќе доаѓаат туристи од Белгија.
120 белгијци оваа недела одморот ќе го минат на брегот на Охридското езеро. Читале за Македонија а најголем предизвик  им се природата и културно историските споменици.
-Многу импресивно, големо езеро. Многу убаво добредојде. И ете Македонија е изборот за нашиот одмор, вели турист од Белгија.
-Многу е убаво ми се допаѓа. Многу убава земја за посета од туристи,  вели гостинка од Белгија.
-Прочитав некои факти за Македонија. Мајка Тереза била родена овде, Александар Велики и знам дека има многу планини, прочитав на интернет, вели гостин од Белгија.

Белгијците  заинтересирани за Македонија, букираат и за оваа но и за следната година.
- Денеска со првиот лет до Охрид повторно сме иновативни со воведувањето нова дестинација во нашата понуда. Можеби нова не е најсоодветен збор бидејќи Охрид е населено место 6000 години пред нашата ера. Богатата историја за, заедно со езерото и природното наследство се непосредни причини за избор на оваа дестинација, изјави Коен ван ден Бош портпарол на Томас Кук.
- На листата ставивме уште една дестинација со која што градот Охрид и целиот регион ќе може да комуницира и да привлекува гости, изјави градоначалникот Никола Бакрачески.
Од охридскиот аеродром Свети Апостол Павле се лета кон  Белград, Тел Авив, Лондон, Базел, Цирих, Амстердам и Брисел. Втор најбрзорастечки мал аеродром во Европа со пораст на бројот на патници за 173,9%.

-Навистина сум силно убеден дека наскоро примерот односно услугите што ги пружаме за Охрид набрзо ќе бидат следени од страна на други Томас Кук земји како што се Холандија, Германија, обединетото кралство итн, изјави Серкан Карахатај маркетинг координатор на ТАВ аеродром Истанбул.
Оваа сезона се очекува 2300 туристи од Белгија да летуваат на брегот на Охридското езеро. 


Ѓукановиќ ја положи претседателската заклетва

Во црногорската престолнина Цетиње со положување на заклетвата  избраниот претседател Мило Ѓукановиќ  официјално ја презема должноста.

Ѓукановиќ претседателската заклетва ја даде пред пратениците од Собранието на Црна Гора.

-Се колнам  во својата чест дека должноста претседател  на Црна Гора ќе ја извршувам совесно и одговорно за доброто на сите граѓани, рече  Ѓукановиќ во заклетвата.

Покрај пратениците , на свечената седница присуствуваа и поранешните претседатели на Црна Гора, премиери и претседатели на парламентот, како и највисоките државни функционери и челници на државните институции.  

Абас повторно примен во болница

Претседателот на Палестина 83- годишниот Махмуд Абас е примен во болница, според анонимен официјален претставник, Абас имал температура.

Палестинскиот претседател Махмуд Абас денеска повторно е примен во болница. Ова е третпат во една недела да биде хоспитализиран.

Абас во вторникот имал операција на увото и по неколку часа бил пуштен дома. Вчера повторно беше на кратко во болница.

Резултатите од анализите, како што јави палестинската новинска агенција, пренесувајќи ја изјавата на директорот на болницата, се добри.

Абас има проблеми со срцето, а пред десет години му е дијагностициран рак на простата. Инаку, тој е страстен пушач.

Дамаск ослободен, екстремистите евакуирани

Група екстремисти од Исламската држава се евакуирани од последната енклава под контрола на бунтовниците во близина на Дамаск, со што оваа територија е вратена под контрола на државата.

Сириската Опсерваторија за човекови права со седиште во Лондон, соопшти дека автобусите влегле во енклавата по полноќ за да ги превезат борците на ИД и нивните семејства.

Според Ројтерс, автобусите се упатиле во правец на провинцијата Бадија во Сирија, подрачје со мал број на жители , кое се наоѓа источно од престолнината Дамаск.

притисни ентер