ДУИ бара консензуален претседател

Нова стратегија на ДУИ. Партијата на Ахмети на синоќешното Централно претседателство ги зацрта роковите до кога ќе го чекаат Груевски да одговори дали во Македонија новиот шеф на државата ќе се избира со консензус.

Ако не падне договор алтернативците најавуваат преговори со македонската опозиција. Ако пропадне и оваа опција тогаш ДУИ на претседателскиот избори ќе трча со свој кандидат.

Најблиските партиски соработници го охрабриле Ахмети да продолжи со преговорите со коалицискиот партнер. Според Османи време било за консензуален претседател бидејќи само така тој ќе бил рефлексија на волјата на сите граѓани. Засега, вели Османи од последната средба Груевски-Ахмети, не добиле јасни сигнали дали за ВМРО-ДПМНЕ е прифатлив ваквиот предлог.

ДУИ очекува официјален одговор од коалицискиот партнер ВМРО-ДПМНЕ. Доколку предлогот не биде прифатен се отвора можност за други алтернативи. Доколку пак, не се постигне меѓуетничка, не е исклучена внатре етничка коалиција, како што имаше за локалните избори, но тоа сепак не е добра порака за иднината на државата, рече Османи.
Според Османи на синоќешното централно претседателство за предвремени избори не било разговарано, но не исклучува оваа тема да се најде за два дена на новиот состанок на најтесното партиско раководство.

Висок партиски функционер на ВМРО-ДПМНЕ неодамна за дел од медиумите рече дека партиското членство нема да дозволи мешање во внатрешната работа на партијата. Од СДСМ велат дека ДУИ треба поконкретно да објаснат што значи избор на консензуален претседател.

Заврши претпоследниот ден од расправата по Предлог-буџетот, продолжението в понеделник

Собраниската комисија за финансирање и буџет вечерва ја прекина амадманската расправа по Предлог-буџетот за 2023 година и продолжението го закажа за понеделник.

Денешниот, шести ден од амандманската расправа, помина во разгледување на амандмани од кои повеќето се однесуваа на изградба на регионални и локални патишта и на водоснабдителни системи.

Министерството за финансии прифати неколку амандмани, но во видоизменета форма. Со еден се бараше пренамена на финансиски средства во Министерството за транспорт и врски кои ќе бидат наменети за изготвување на техничка документација за изградба на технички пат до депонијата во општина Новаци, а со друг да се одвојат средства за проширување на улицата од плоштадот во Штип до мостот кај хотелот Оаза со што ќе се олесни сообраќајот во ударните термини и ќе се зголеми безбедноста на пешаците. Беше прифатен и амандман од опозицијата со кој се бараше да се реализира проект за алтернативни извори за водоснабдување на Охрид.

Во текот на попладневниот дел од расправата беа повлечени неколку амандмани од страна на предлагачите.

Во понеделник е последниот ден од амандманската расправа по што Предлог-буџетот треба да оди на пленарна седница.

За Предлог-буџетот беа поднесени вкупно 263 амандмани од кои околу 200 од опозициската ВМРО-ДПМНЕ.

Во Предлог-буџетот за следната година растот е проектиран на 2,9 отсто, а инфлацијата на 7,1 отсто. Вкупните приходи се планирани на ниво од 282 милијарди денари и се повисоки за 14,8 проценти во однос на 2022 година, а расходите на ниво од 324,8 милијарди денари или се за 12,6 проценти повисоки во однос на 2022 година. Буџетскиот дефицит е на ниво од 4,6 проценти од планираниот БДП. За капитални расходи, пак, се планирани 48,9 милијарди денари или за околу 52,3 отсто повеќе во однос на планот за 2022 година.

Андоновски од Вашингтон: Социјалдемократските партии не се грижат за демократијата

Почитувани пријатели, на крајот сме на уште еден форум на Internacional Democrat Union, најголемата светска организација на десничарски партии, рече Стефан Андоновски,меѓународен секретар на ВМРО-ДПМНЕ.

Како ВМРО-ДПМНЕ имавме делегација и активно учествувавме на овој настан. Можам да истакнам дека ги споделивме најважните прашања кои се однесуваат на Македонија, на состојбата во Македонија и на борбата против корупцијата како најзначајното прашање кое ги засега десничарските партии од регионот но и десничарските партии во целиот свет.

Определбата на сите партии од регионот и светот е дека мора да постои правна држава, владеење на право во нашата држава и силна борба против корупцијата.

Режимите на Социјалдемократските партии во светот, но и во Македонија покажаа дека тие не знаат да се грижат ниту за демократијата, ниту за владеењето на правото, а најмалку за борбата против корупцијата. Затоа многу е важен овој состанок на кој ги споделивме искуствата од државите кои се соочеуваат со случни проблеми, кои се хибридни режими и кои се многу ниско на скалата на Транспаренси интернешенал, и заедничката борба од овде од Вашинготн, но и од сите главни градови во светот мора да биде против ваквиот систем и ваквите режими.

Како партија остануваме посветени на европската интеграција на Македонија, на атлантскиот пат на Македонија, на пат кој не смее да биде закочен со национални отстапувања, национални понижувања и газење на македонскиот национален идентитет.

Токму за овие прашања заборуваме на овој тридневен настан, продолжуваме активно да учествуваме во работата на IDU и на другите настани на нашите меѓународни партнери.

Возач на БМВ сакал да се прави важен, па завршил во ендек (ВИДЕО)

Несреќниот човек зад воланот на БМВ сакал да си замине со стил, но завршил посрамен во каналот.

Видеото објавено на Редит предизвика голем интерес, пред сѐ поради несреќникот кој доживеа незгода во БМВ.

Видеото започнува со Mercedes AMG C63 кој го напушта паркингот со контролирано лизгање, а да не зборуваме за дрифтање. Иако овој Мерцедес е доста проблематичен за контрола, очигледно е дека зад воланот е релативно ладна глава со одредено искуство.

За жал, истото не може да се каже за возачот на БМВ, чија желба беше посилна од неговите способности. И излетал од паркинг со многу лизгање. Но, поради недостаток на искуство премногу ги вртел тркалата, па наместо да се исправи, родстерот БМВ тргнал десно и слетал на патот во ендек.

Иако несреќата не се случила со голема брзина, на видеото се гледа како BMW Z4 претрпел значителна штета. Поправката сигурно нема да биде евтина.

притисни ентер