Македонија

Арсовска во посета на општина Сарај

Условите во кои што живее ова население даваат многу лоша слика за главниот град, вели Арсовска.

Кандидатката за градоначалник на Град Скопје, Данела Арсовска денеска одржа средба со граѓани од општина Сарај на која што беше разговарано за актуелните проблеми, чие што решавање ќе придонесе за подобрување на квалитетот на живеење во ова населено место.

„Населба - дел од главниот град, во 21 век има приоритетен проблем, а тоа е водоснабдувањето. Граѓаните од Сарај ми посочија дека овој сериозен недостаток особено се манифестира во текот на летниот период во повисоките зони на снабдување со вода. Понатаму потребно е итно инвестирање во канализационата мрежа, реконструкција на училиштата и градинките и секако, она што важи за сите општини, вложување во повеќе зелени паркови и рекреативни места за најмладите. Следна е лошата инфраструктура и незавршената, а започната градба на улици и патишта на територија на општината. Граѓаните не можат повеќе да чекаат и да живеат во лажна надеж дека газењето во прашини и кал, магично ќе се замени со газење по асфалтирани улици и по пешачки патеки. Се обврзувам на реализирање оперативна програма за ова населено место, издржана, со конкретни и брзи решенија, со транспарентна вклученост на самите жители, затоа што условите во кои што живее ова население даваат многу лоша слика за главниот град“, истакна на средбата Арсовска.

Жителите и објаснија на кандидатката за градоначалник дека во Сарај долго време не се инвестира, а проектите што им ги ветуваат со години наназад се уште не го виделе светлото на денот. Рекоа дека се претвораат во општина заборавена од локалната и централна власт, на која што и е доста од лажни ветувања и давање поддршка на партии и поединци кои што се обврзуваат на решавање на проблемите само во периодот додека се борат за функција. Бараат човек со интегритет кој што нема да заборави на општина Сарај веднаш по сместувањето во фотелја. Истакнаа дека иако во оваа општина доминира албанското население, сепак постои сплотеност со жителите од македонска националност, секојдневно промовираат соживот и едногласни се во барањето дека на Сарај му се потребни итни суштински промени што нема да ја ставаат повеќе во стагнација оваа општина.ѓ

„Лично ќе се борам за економската активност да расте на ниво на Град Скопје, а од тоа нема да биде исклучена ниту една општина. Се обврзувам на посветена работа и добри економски политики, кои што ќе овозможат подобра финансиска стабилност за сите нас. А, дека во Скопје не смее да има цели населби и населени места без основни потреби и услови за живот е еден од клучните 15+1 проекти од мојата програма. Затоа, можам да ве уверам дека заедно со моите соработници - тим од експерти од релевантни сектори, сукцесивно и плански ќе се реализираат сите решенија што ќе го претворат нашето Скопје во функционален, модерен и атрактивен град за живот и работа”- заврши Арсовска.

Македонија

Ковачевски ги одби условите на Димитриевски, Мицкоски негира „кокетирање“ со структури на СДСМ

Претседателот на ЗНАМ, Максим Димитриевски доби експресни одговори од лидерите на СДСМ и ВМРО-ДПМНЕ на поставените услови за евентуална постизборна коалиција.

На синоќешниот митинг во Кисела Вода на СДСМ, Ковачевски рече дека немало да тргува со иднината на државата, а упати и низа критики за неговиот поранешен сопартиец.. Според него, СДСМ е единствената партија наследник на НОБ и АСНОМ, а граѓаните и гласачите на партијата веќе ја препознале, како што рече, измамата која им е сервирана од страна на ЗНАМ и непринципиелните коалиции.

-За разлика од субјектите како „ЗНАМ“ кои се човек-партија, СДСМ се државничка партија со длабоки и силни корени. СДСМ не прифаќа условувања и со никого не прави политички дилови. Раководството на СДСМ го бираат членовите на СДСМ кои се наследници и на НОБ и на АСНОМ и на Киро Глигоров, а не вазали кои се предале и отишле да шуруваат со наследниците на Ванчо Михајлов.

Но, една работа ќе им порачам, на крајот на денот предавникот не го сакаат дома, меѓутоа уште помалку го сакаат надвор од дома. - Димитар Ковачевски – претседател на СДСМ

Димитриевски од првомајскиот пикник на ЗНАМ од Пелинце му возврати на Ковачевски дека навредите уште еднаш ја покажале ароганцијата на партискиот врв на СДСМ.

Во изјавата за медиумите Димитриевски не одговори на повикот од Мицкоски, кој од митингот во Струмица демантираше дека имале соработка со Заев. Лидерот на ВМРО-ДПМНЕ оттаму уште еднаш побара од првиот човек на ЗНАМ да се изјасни дали ќе ја поддржи Силјановска или Пендаровски во вториот круг од изборите..

-Наместо да работат за интересот на народот и на Македонија, и да измислуваат триста глупости и изговори, зошто сме контактирале со овој зошто сме контактирале со оној.. Еве да му одговорам на оној претседателски кандидат, којшто постави прашање кукавички денеска дека ВМРО-ДПМНЕ кокетирало де со овој-де со оној. Ниту со Ковачевски, ниту со Венко Филипче, ниту со Зоран Заев, ние комуницираме и сме во коалиција со народот на Македонија. Ајде кажи сега кого ќе поддржиш? - Христијан Мицкоски – претседател на ВМРО-ДПМНЕ

Во пакетот услови, покрај оставки од раковдството и повлекување од пратеничките листи на носителите и коносителите, Димитриевски од СДСМ побара и гаранција дека нема да продолжат соработка со ДУИ.. За ова, како и за темата уставни измени – рече дека се согласува со ВМРО-ДПМНЕ.

Македонија

Се распалија скарите, излетничките места полни со граѓани

И покрај непредвидливото време, дел од граѓаните и останаа верни на традицијата и ги исполнија излетничките места.

Велат пикникот годинава е вистински луксуз, водени од максимата - секој според џебот.

Ана Торевска Мицевски е на Матка.

Се распалија ли скарите?

Македонија

КСС не излезе на протест – одржаа првомајска академија

Наместо протест, првомајска академија.

Единаесет грански синдикати во КСС одлучија да не се приклучат на првомајскиот марш организиран од ССМ, бидејќи сметаат дека нема легитимна полиитчка влада пред која би протестирале и би ги упатиле своите работнички барања... Наместо тоа, организираа свечена академија на која се разгледуваа економските програми на дел од политичките партии.

-Ние нема пред кого да протестираме. Имаме техничка Влада. Ќе имаме нова Влада во текот на следниот месец. Бараме, од сите што претендираат да бидат носители на таа Влада, да дојдат и да ги презентираат нивните програми пред нас. Мислам дека ако во иднина имаме коректни односи помеѓу двете синдикални организации, да, за некое вистинско право, можеме да изеземе и да си ги бараме своите права. - Благоја Ралповски – претседател на КСС

На првомајската академија на КСС, присутни беа дел од опозициските партии и техничкиот минситер за труд и социјална политика, Ѓоко Велковски. Тој порача дека во земјава има доби закони за работни односи, но истите мора да почнат да се почитуваат.

-Имаме добри закони и закони кои треба да се применуваат, но остануваат отворени прашањата дали истите се применуваат. Денеска имаме закон за здравје и закон за безбедност при работа, кои пет години се во фиоките и не се презентирани јавно достапни до секој еден чинител во општеството за секој еден да даде свој импакт по однос на истите да бидат квалитетни и функционални за сите работници во Македонија.- Ѓоко Велковски – технички министер за труд и социјална политика

Инаку, на денешниот првомајси протест на ССМ, покрај СОНК, не присуствуваа ниту од Синдикатот на администрацијата, државната управа и правосудство на Македонија, Синдикат за транспорт и врски, Синдикатот на станбено – деловни, комунални и водостопански организации и неколку други.