Македонија

Ковачевски ги одби условите на Димитриевски, Мицкоски негира „кокетирање“ со структури на СДСМ

Претседателот на ЗНАМ, Максим Димитриевски доби експресни одговори од лидерите на СДСМ и ВМРО-ДПМНЕ на поставените услови за евентуална постизборна коалиција.

На синоќешниот митинг во Кисела Вода на СДСМ, Ковачевски рече дека немало да тргува со иднината на државата, а упати и низа критики за неговиот поранешен сопартиец.. Според него, СДСМ е единствената партија наследник на НОБ и АСНОМ, а граѓаните и гласачите на партијата веќе ја препознале, како што рече, измамата која им е сервирана од страна на ЗНАМ и непринципиелните коалиции.

-За разлика од субјектите како „ЗНАМ“ кои се човек-партија, СДСМ се државничка партија со длабоки и силни корени. СДСМ не прифаќа условувања и со никого не прави политички дилови. Раководството на СДСМ го бираат членовите на СДСМ кои се наследници и на НОБ и на АСНОМ и на Киро Глигоров, а не вазали кои се предале и отишле да шуруваат со наследниците на Ванчо Михајлов.

Но, една работа ќе им порачам, на крајот на денот предавникот не го сакаат дома, меѓутоа уште помалку го сакаат надвор од дома. - Димитар Ковачевски – претседател на СДСМ

Димитриевски од првомајскиот пикник на ЗНАМ од Пелинце му возврати на Ковачевски дека навредите уште еднаш ја покажале ароганцијата на партискиот врв на СДСМ.

Во изјавата за медиумите Димитриевски не одговори на повикот од Мицкоски, кој од митингот во Струмица демантираше дека имале соработка со Заев. Лидерот на ВМРО-ДПМНЕ оттаму уште еднаш побара од првиот човек на ЗНАМ да се изјасни дали ќе ја поддржи Силјановска или Пендаровски во вториот круг од изборите..

-Наместо да работат за интересот на народот и на Македонија, и да измислуваат триста глупости и изговори, зошто сме контактирале со овој зошто сме контактирале со оној.. Еве да му одговорам на оној претседателски кандидат, којшто постави прашање кукавички денеска дека ВМРО-ДПМНЕ кокетирало де со овој-де со оној. Ниту со Ковачевски, ниту со Венко Филипче, ниту со Зоран Заев, ние комуницираме и сме во коалиција со народот на Македонија. Ајде кажи сега кого ќе поддржиш? - Христијан Мицкоски – претседател на ВМРО-ДПМНЕ

Во пакетот услови, покрај оставки од раковдството и повлекување од пратеничките листи на носителите и коносителите, Димитриевски од СДСМ побара и гаранција дека нема да продолжат соработка со ДУИ.. За ова, како и за темата уставни измени – рече дека се согласува со ВМРО-ДПМНЕ.

Македонија

Љупчо Палевски е однесен во затворот во Шутка (ВИДЕО)

Првоосомничениот за убиството на 14-годишната Вања Ѓорчевска и 74-годишниот Панче Жежовски, Љупчо Палевски-Палчо пристигна во Македонија со комерцијален лет од Истанбул.

Палевски вечерва е екстрадиран од Турција со редовен лет од Истанбул на скопскиот аеродром и пред малку е однесен во затворот во Шутка.

Свет

Изборите во Холандија се одражаа во ноември,а се уште не е формирана Влада-роковите се при крај

Герт Вилдерс, лидерот на десничарската Партија на слободата (ПВВ), тврди дека е на чекор до формирање влада во Холандија, каде на 22 ноември се одржаа парламентарни избори.

Како што пренесува Политико, Холандија е подготвена да ја добие најдесничарската влада во поновата историја.

Партијата на Вилдерс освои 24 отсто од гласовите, но не доволно за самостојно да формира влада, што доведе до повеќемесечни преговори. Главните точки на несогласување се политиката кон мигрантите и државните финансии. Вилдерс тврди дека претставниците на партиите постигнале принципиелен консензус за буџетот на идната влада.

„Овој договор нема да пропадне“, изјави Вилдерс по маратонската средба која траела цели 16 часа.

По изборите, Герт Вилдерс го омекна својот екстремистички речник и во март објави дека не е неопходно тој да биде премиер на идната влада, во која ќе биде вклучена и Народната партија за слобода и демократија на актуелниот премиер Марк Руте и партијата на центарот, Нов социјален договор и Движењето земјоделец-граѓанин.

Во текот на последната деценија Марк Руте, премиерот во заминување успеа да го задржи Вилдерс надвор од владата. Сепак, откако Руте го објави своето повлекување од политиката минатата година, Вилдерс можеше да ја искористи поддршката од гласачите благодарение на неговите антиимигрантски ставови. Тој дури ги обвини имигрантите за недостиг на станови.

Не беа дадени конкретни детали од буџетскиот договор, но се очекува новата влада да ги заостри законите и мигрантските политики. Преговорите за коалицијата треба да продолжат денеска, а договор се очекува пред полноќ кога истекува рокот.

Се очекува Вилдерс во јавноста да открие кој е неговиот фаворит за премиер.

Македонија

Палевски е екстрадиран во земјава и веднаш спроведен во затворот во Шуто Оризари

Првообвинетиот за убиството на 14-годишната Вања Ѓорчевска и велешанецот Панче Жежовски, Љупчо Палевски  попладнево е екстрадиран вo земјава и  веднаш спроведен во истражниот затвор во Шуто Оризари.

Пред затворот е Андријана Лазова.. Андријана кои се последите детали од таму и какви се следните процедури?

притисни ентер