AIRE Центарот ја претстави новата Мрежа на судии и судијки за земјите од Западен Балкан - Канал 5

Балкан

AIRE Центарот ја претстави новата Мрежа на судии и судијки за земјите од Западен Балкан

 Ова е првата мрежа која ги собира претставниците на правосудната заедница од регионот за тие да работат на унапредување на родовата рамноправност.

AIRE Центарот ја претстави новата Мрежа на судии и судијки за земјите од Западен Балкан

По повод Меѓународниот ден на човековите права AIRE Центарот ја претстави и запозна јавноста со неодамна воспоставената Мрежа на судии и судијки посветени на јакнење на родовата рамноправност во земјите од Западниот Балкан (Мрежа на родови шампиони во правосудството) која ќе биде место на собирање на еминентни судии и судијки од регионот. Ова е првата мрежа која ги собира претставниците на правосудната заедница од регионот за тие да работат на унапредување на родовата рамноправност. Мрежата ќе има и своја веб-платформа (www.gcjnetwork.org) која ќе ги собира експертите и експертките во оваа област, ќе реализира регионални програми за онлајн обуки, но ќе пружи и прилика за размена на стекнатите знаења, вештини и искуства на нејзините членови.

Работата на Мрежата ја координира AIRE Центарот во соработка со институциите за обуки на судиите од регионот, како и со поддршка на Владата на Обединетото Кралство. Примарната мисија е преку формирањето на мрежа на судии и судијки од земјите на Западниот Балкан, ангажирани во борбата против родовите стереотипи и предрасуди, да се поттикне унапредувањето на родовата рамноправност преку праксата на сите судови на национално ниво и регионалната соработка во развивање на свеста за родовата рамноправност во правосудството. Директорката на Програмата за Западен Балкан на AIRE Центарот, Билјана Брејтвејт, истакна дека во контекст на заштитата на човековите права важно е да се препознае кои групи се најмногу изложени на кршење на човековите права, но и на кој начин правосудниот систем може да придонесе кон ефикасна заштита на тие права.

„Без оглед на законската еднаквост на жените и мажите, жените во нашиот регион се и понатаму во неповолна положба во однос на мажите во сите сегменти на јавниот и приватниот живот. Предизвиците со кои се соочуваат жените се бројни, тие се помалку вработени, поседуваат помалку имот, што ги доведува во незавидна економска положба, а посебно ги погодува изразеното и распространетото родово засновано насилство. За жените во балканските општества не само да живеат живот што ќе биде ослободен од страв, туку во целосна мера да учествуваат во сите негови аспекти, неопходно е да се спречи и санкционира насилството и жените да осигураат остварување на еднаков пристап до сервисите и еднаквост во уживањето на сите права. Без судови кои во крајна инстанца осигуруваат дека законите се спроведуваат, остануваме на ниво на декларација. Поради тоа е важна пораката која ја испраќа правосудството преку воспоставувањето на оваа мрежа: „Ја препознаваме важноста на родовата рамноправност и подготвени сме да дадеме свој придонес во остварувањето на човековите права и слободи во регионот“, порача Директорката Брејтвејт.

Покровители на Мрежата се Претседателката на Европскиот суд за човекови права, Сиофра О’ Лири, поранешниот Претседател на Судот, Роберт Спано, како и судиите и судијките од регионот: Ивана Јелиќ, Мирјана Лазарова Трајковска и Леди Бјанку.

„Родовата рамноправност е средишна точка на заштитата на човековите права, функционирањето на демократијата и доброто управување, но и на почитувањето на владеењето на правото и на промоцијата на благосостојбата за сите. GCJ Мрежата е исклучително важна на тој пат, во Вашиот регион, но и во Европа во целина. Горда сум што сум една од покровителките на оваа иницијатива“, порача Претседателката, О’ Лири.

„Судиите се составен дел од начинот како го гледаме уредувањето на општествената стварност. За да би биле способни успешно да се снаоѓаат во сложените предизвици на животот, тие мора да ги разберат основната структура на моќта и обрасците на човековото однесување кои му даваат живот на законот. Поради тоа, продолжувањето на едукацијата за прашања како што е родовата рамноправност е важен дел од правосудната функција. На крајот на краиштата, родовата рамноправност е еден од темелите на секое општество што тежнее кон тоа да биде вистинска демократија водена од владеењето на правото. Почестен сум да бидам Претседател на Одборот на покровители на [GCJ] Мрежата. Родово заснованата дискриминација во кој било облик, а особено насилството против жените, мора во секој случај да бидат победени. Јас ја посветив мојата кариера, а не само последните 9 години како Судија, а потоа и како Претседател на Европскиот суд за човекови права, на обезбедување еднаквост на мажите и жените како најтемелно човеково право. Судиите се на фронталната линија на оваа битка, особено во регионот. Мажите и жените мора да ја одиграат нивната улога тука со еднаква 2 јачина. Со нетрпение очекувам да ја одиграм мојата улога и да ѝ ја дадам мојата целосна поддршка на мрежата“, порача Роберт Спано.

Мрежата ја основаше AIRE Центарот во партнерство со правосудните академии и тренинг центрите за обуки на судиите и обвинителите од Босна и Херцеговина, Албанија, Србија, Црна Гора, Македонија и Косово, кои на оваа мрежа ѝ пристапија во 2022. Година.

Директорката Брејтвејт нагласи дека заедничките активности ќе имаат за цел развивање на свеста за природата и штетните ефекти на родовите стереотипи во општествата на Западниот Балкан, нивните негативни влијанија на судските одлуки и улогата на правосудствата во решавањето на овие прашања.

„Мрежата ќе ги оснажни вештините, знаењето и праксата на судиите во врска со родовата рамноправност и родовите стереотипи. Заедно мораме да поттикнуваме ефикасна имплементација на домашните, европските и меѓународните правни инструменти кои се однесуваат на родовата рамноправност, како и да овозможиме размена на знаења, вештини, искуства и идеи во врска со родовата рамноправност помеѓу сдиите и правните практичари ширум регионот. И конечно, Мрежата ќе биде потпора во унапредувањето на професионалниот и личниот развој на жените судии во регионот. Благодарност на сите кои ја поддржаа оваа иницијатива. Да го искористиме Меѓународниот ден на човековите права како момент за покренување на ново поглавје во правосудството посветено на борбата за родовата рамноправност“, заклучи Брејтвејт.

AIRE Центар

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Ѕвезда на OnlyFans се расплака: Мора да се вратам дома без сопругот (ВИДЕО)

Австралиската инфлуенсерка и креаторка на содржини на платформата OnlyFans, Микаела Теста, објави дека нејзиното барање за американска зелена карта не е одобрено, поради што мора да се врати во Австралија. 

Ѕвезда на OnlyFans се расплака: Мора да се вратам дома без сопругот (ВИДЕО)

Одлуката на имиграциските власти значи дека Теста ќе мора привремено да биде одвоена од својот сопруг, американскиот бодибилдер Максвел Краузе.

Таа ја сподели веста во емотивно видео на TikTok, кое беше прегледано повеќе од милион пати за краток временски период. Заедно со видеото на кое плаче, 26-годишната девојка објави и предупредување: „Омажи се за странец на свој ризик“. Таа објасни дека го снимила видеото за да ги спречи шпекулациите за евентуално распаѓање на нивниот брак.

„Ако ме видите на летот за Австралија во следниот влог, тоа не е затоа што се случило нешто лошо, туку затоа што не ми ја одобрија зелената карта“, рече таа во видеото. „Не можам ни да опишам како се чувствувам. Морам сама да се качам на авион за Австралија, а сум во брак со овој човек и не можам да бидам со него“.

Компликации со визата

Потоа Теста ги објасни имиграциските проблеми со кои се соочува двојката. Таа рече дека поради сè построгите правила и ограничувања при влегување во одредени земји, тие морале да одлучат каде да живеат.

„Луѓето не сфаќаат колку документација има“, забележа таа. Проблемот се појавил откако Краузе, според неа, ги искористила можностите за привремен престој во Австралија.

„Последниот пат кога влеговме во Австралија, тој бил задржан на границата поради чести влегувања. Макс ги искористил сите достапни австралиски визи, вклучително и работна виза за одмор. Немал повеќе опции“, објасни таа.

@mikaelatesta ♬ original sound - Mikaela Testa

Бидејќи Краузе повеќе не можел едноставно да влезе во Австралија, двојката решила да се фокусира на својот престој во Соединетите Држави. „Не можев да се справам со постапката за влез на Макс во Австралија и мојот за САД во исто време. Моравме да избереме една земја и се одлучивме за Америка“, објасни таа.

Во видеото, таа ги замолила своите следбеници за поддршка додека чекаат на конечната одлука. „Можеби наскоро ќе добиеме лоши вести. Ве молиме испратете ни позитивна енергија и среќа, мислам дека навистина ќе ми требаат.“ Подоцна во коментарите, таа разјасни што се случило за време на постапката: „Имавме разговор за зелена карта и ни се чини дека не поминало добро.“

Свадба на Хаваи

Проблемите со престојот во САД се појавија кратко по нивната свадба на Хаваи. Двојката имаше интимна и ненајавена церемонија, а Теста носеше винтиџ фустан за таа пригода, за кој плати 30 долари.

Иако се надеваа дека по свадбата ќе можат да го решат прашањето за нејзиниот престој во САД без поголеми проблеми, постапката не заврши како што очекуваа. Теста сега мора да се врати во Австралија, додека нејзиниот сопруг ќе остане во САД.

Тагови: OnlyFans сопругот

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Ангела Меркел пазари во супермаркет во Италија- вработените откриваат што купила и како се однесувала (ВИДЕО)

Поранешната германска канцеларка Ангела Меркел ги изненади вработените и клиентите кога во вторник попладне застана во супермаркетот „Конад“ во градот Кава де Тирени, во италијанскиот регион Кампанија.

Ангела Меркел пазари во супермаркет во Италија- вработените откриваат што купила и како се однесувала (ВИДЕО)

Поранешната германска канцеларка Ангела Меркел ги изненади вработените и клиентите кога во вторник попладне застана во супермаркетот „Конад“ во градот Кава де Тирени, во италијанскиот регион Кампанија, пред да го продолжи своето патување до крајбрежјето Амалфи, каде што ќе помине неколку дена на одмор во Равело, објавува „Матино“.

Меркел претходно пристигна на аеродромот Каподикино во Неапол, од каде, придружувана од обезбедувањето, се упати по автопатот преку Помпеја и Салерно до крајбрежјето Амалфи. На излезот за Кава де Тирени, таа одлучи да направи кратка пауза во супермаркетот, кој се наоѓа недалеку од наплатната рампа.

„Љубезна, топла и пристапна“

Нејзината посета ги изненади вработените и клиентите. Асунта Ламберти, вработена во одделот за деликатеси, беше првата што ја препозна поранешната германска канцеларка.

„Изгледа како госпоѓа Меркел“, извика таа, сè уште во неверица додека сечеше сувомеснато месо. Нејзината претпоставка беше потврдена од секретарката и преведувачот на политичарот.

Вработената подоцна ја опиша Меркел како љубезна, топла и пристапна личност. Поранешната канцеларка помина некое време разгледувајќи наоколу и купувајќи производи, поздравувајќи ги оние што ја препознаа.

YouTube video

Локални специјалитети во кошничката

Сепак, таа беше особено импресионирана од речиси празните полици, особено во одделот за овошје и зеленчук. Недостатокот на одредени производи беше поврзан со штрајк на камионџиите, а Меркел праша за причините за намалената понуда.

Нејзината кошничка содржеше и локални специјалитети, вклучувајќи неколку пакувања тестенини Граниано и моцарела од биволско потекло, карактеристични производи на гастрономската традиција на Кампанија.

По купувањето, Меркел ги поздрави присутните и го напушти супермаркетот, каде што ја чекаше возило, пред да продолжи по патот кон нејзината дестинација на брегот на Амалфи.

Тагови: Ангела Меркел супермаркет

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Данска прв пат во својата историја купува прецизни ракети со долг дострел- Русија со жестока реакција

Членката на НАТО, Данска, вчера соопшти дека се согласила да ги набави своите први прецизни ракети со долг дострел, во обид на нордиската земја да ја зајакне својата безбедност и да ја одврати Русија од агресија во Европа.

Данска прв пат во својата историја купува прецизни ракети со долг дострел- Русија со жестока реакција

Членката на НАТО, Данска, вчера соопшти дека се согласила да ги набави своите први прецизни ракети со долг дострел, во обид на нордиската земја да ја зајакне својата безбедност и да ја одврати Русија од агресија во Европа, што предизвика осуда од Москва.

Данскиот министер за одбрана, Јепе Брус, изјави дека новите ракетни системи ќе ги зајакнат капацитетите на Данска и ќе ѝ овозможат да изврши напади „зад непријателските линии“ доколку биде нападната.

„Се наоѓаме во сериозна и влошувачка безбедносна ситуација и затоа ја зајакнуваме нашата одбрана и ја зголемуваме нашата борбена моќ“, изјави Брус пред новинарите.

Руската амбасада во Копенхаген во писмена изјава изјави дека целта на ракетната политика на Данска е конфронтација со Москва и предупреди на „неизбежни катастрофални последици“.

„Копенхаген е зафатен од опасни заблуди дека купувањето офанзивно, високопрецизно, оружје со долг дострел, кое претставува воена закана за нуклеарна сила, ќе помогне во зајакнувањето на безбедноста и одбраната на Данска“, соопшти амбасадата.

Данска минатата година објави планови за набавка на офанзивно оружје со долг дострел за да се спротивстави на воената закана на Русија за Европа, што предизвика остар одговор од Москва.

Премиерката Мете Фредериксен потоа ја повика војската да „купува, купува, купува“ ново оружје, по години намалување на воениот буџет, во промена на политиката предизвикана од војната на Русија во Украина.

Данска вчера соопшти дека се согласила да купи ракети „Антем“, произведени од американската одбранбена компанија „Ковенант“ во Германија, како и ракети „Џоинт Страјк“ за своите борбени авиони „Ф-35“, произведени од норвешката компанија „Конгсберг“ (KOG.OL).

Брус не кажа колку ракети нарачала Данска или колку ќе плати за нив.

Тагови: Данска ракети

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер