Градоначалничката Бети Стаменкоска Трајкоска денеска изврши увид во завршните работи од изградбата на новиот сквер, кој се протега на површина од 4.535 квадратни метри. Овој проект се реализира со средства обезбедени од Владата на Република Македонија, како дел од инвестициите за капитални проекти во општините.

Со врши поплочување со травертин, се гради светлечка фонтана, ќе бидат поставени нови клупи и модерно осветлување. Наскоро следи и целосно хортикултурно уредување кое дополнително ќе го оплемени овој дел од населбата. Со овие активности финално се заокружува целата слика за овој комплекс, особено ако се земе предвид дека и темелната реконструкција на самата сала „Расадник“, која ја реализира Министерството за спорт во соработка со Општина Кисела Вода, е веќе пред самото завршување.

-Ова е простор кој жителите на Кисела Вода многу го сакаат и навистина ми е драго што конечно го добива изгледот кој го заслужува. Со новиот плоштад, убавата фонтана и зеленилото, просторот пред салата „Расадник“ станува вистинско место за одмор и дружење на сите генерации. Министерството за спорт веќе ја завршува целосната реконструкција на самата сала, а преку овој проект, поддржан од Владата на Република Македонија, ние го уредуваме просторот околу неа. Така заеднички покажуваме како се работи за граѓаните и како еден култен објект за нашата општина комплетно заживува со нов, модерен и функционален лик-изјави градоначалничката Бети Стаменкоска Трајкоска.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Градоначалникот на Општина Центар ,Горан Герасимовски, одржа средба со претставници на Здружението на пензионери на Општина Центар, на која се разговараше за тековните и претстојните проекти, како и за поголемо вклучување на пензионерите во активностите што ги спроведува општината.

На состанокот, градоначалникот ги повика пензионерите да ја искористат можноста за бесплатни здравствени прегледи и консултации со тим специјалисти, што ќе се одржат во понеделник во општинскиот Младински центар Матично , во пресрет на Светскиот ден на здравјето.

„Здравјето е најважно! Дојдете, проверете ја вашата здравствена состојба и искористете ја можноста за стручни совети од лекарите“, рече Герасимовски.

На средбата во фокус беше и проектот „Застапеност на своевремениот наставен предмет домаќинство во образовниот процес во соработка со пензионерите“, преку кој учениците од седмите одделенија учат практични вештини од искуството на повозрасните, шиење, кроење, плетење и везење, подготовка на здрави оброци, како и сликање и дизајнирање.

Во мај се планирани нови активности за пензионерите : „Носталгија за Корзо во Општина Центар“, со прошетки, игранка на отворено и сеќавања на старите добри времиња , екскурзија и спортски игри.

Со ваквите иницијативи, Општина Центар продолжува да поттикнува активен живот, размена на искуства и вклученост на сите категории граѓани.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

-Реализирана е исплата од 1.021.527.000 денари кон 2.139 одгледувачи за мерката 2.6 - директни плаќања за обележани грла овци постари од 12 месеци од Програмата за финансиска поддршка во земјоделството за 2025 година, се наведува во соопштението.

Од Министерството велат дека остануваат посветени на оваа сточарска гранка.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.