Се продлабочува соработката на универзитетите, институциите и бизнис секторот - потпишан меморандум меѓу ИНОВА и државните универзитети - Канал 5

Македонија

Се продлабочува соработката на универзитетите, институциите и бизнис секторот - потпишан меморандум меѓу ИНОВА и државните универзитети

На потпишувањето на меморандумот присуствуваа премиерот Христијан Мицкоски, министерката за образование и наука, Весна Јаневска, и директорката на ИНОВА, Даниела Димовска.

Се продлабочува соработката на универзитетите, институциите и бизнис секторот - потпишан меморандум меѓу ИНОВА и државните универзитети

Унапредување на соработката меѓу научно-истражувачката заедница и институциите во насока на развој на иновациите, технологијата и претприемаштвото е целта на меморандумот што денеска во Владата го потпишаа ректорите на државните универзитети со Агенцијата за иновации, научно-технолошки развој и претприемаштво (ИНОВА).

На потпишувањето на меморандумот присуствуваа премиерот Христијан Мицкоски, министерката за образование и наука, Весна Јаневска, и директорката на ИНОВА, Даниела Димовска.

Потпишувањето на меморандумот, според премиерот Мицкоски, претставува силна порака дека, како што нагласи, заедно можеме повеќе и оти преку партнерство можеме да создадеме услови за развој на претприемаштвото, за подршка на стартапите, за зголемување на конкурентноста на нашите компании и изградба на економија базирана на знаење.

- Особено е важно што оваа иницијатива отвора простор за подлабока соработка помеѓу универзитетите, институциите и бизнис-секторот, што може да резултира со нови проекти, заеднички изтражувања и крирање решенија со реална примена. На тој начин се создаваат услови за задржување на младите таленти и нивно активно вклучување во развојот на македонската економија - рече Мицкоски.

Иницијативата на ИНОВА за воспоставување соработка со државните универзитети, според него, претставува важен чекор за подобро поврзување на образованието, науката и економијата. Улогата на МОН и универзитетите, заклучи, дека е од особено значење во градењето на систем, кој ќе овозможи развој на квалитетен кадар, подготвен да одговори на современите предизвици.

- Истовремено, поврзувањето со приватниот сектор и институциите создава основа за поефикасен трансфер на знаење и технологија. Фокусот на ова партнерство е во согласност со нашите стратешки приоритет, а тоа се потекнување на иновациите, подршка на претприемништвото и стартапите, како и развој на конкурентна економија базирана на знајење, рече Мицкоски.

Потпишувањето на меморанумот, според министерката за образование Јаневска, е од стратешко значење за државата. Академската заедница, нагласи, е клучниот двигател на знаење, иновации и општествен напредок.

- Овој меморандум не е само формален чин, тој е потврда на нашата заедничка определба да изградиме уште посилна врска и континуирана соработка меѓу државата, универзитетите со јасна цел поквалитетно високо образование и поактивна научна истражувачка дејност, која ќе ја остваруваме преку Агенцијата ИНОВА, истакна Јаневска.

Очекува универзитетите, а упати порака и до бизнис заедницата, сите активно да се вклучат и да ја насочат својата научна и истражувачка работа токму кон оние области каде што потенцијалот за напредок е најголем.

Директорката на ИНОВА Димовска истакна дека со потпишувањето на меморандумот се прави чекор кој е многу повеќе од формалност.

- Ова е јасна определба за градење на функционален систем во кој знаењето се движи од универзитетите, кон економијата, индустријата и кон општеството. Со квалитетни универзитети, талентирани студенти имаме сериозен потенцијал, кад енаш предизвик е да го претвориме во реална вредност, истакна Димовска.

Меморандумот беше потпишан со ректорите на УКИМ-Скопје, ДУ- Тетово, УГД-Штип, УЈИЕ-Тетово, УКЛО-Битола, УСАП-Охрид и УМТ-Скопје, кои се обратија на настанот, нагласувајќи ги придобивките од партнерството со ИНОВА и важноста на иницијативата за практична примена на знаењето.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Во руски напад погоден еден од најголемите стадиони во Украина (ВИДЕО)

Руски напад врз Одеса на 7 август го оштети стадионот „Чорноморец“, еден од најголемите во Украина и дом на истоимениот фудбалски клуб.

Во руски напад погоден еден од најголемите стадиони во Украина (ВИДЕО)

Гувернерот Олех Кипер потврди дека едно лице е повредено во нападот. Нападот се случил околу 15:30 часот, кратко откако воздухопловните сили предупредија за приближување на млазни беспилотни летала, објави „The Kiev Independent“.

Последици за стадионот и клубот

29-годишна жена која била во стадионот е повредена и добила медицинска помош на местото на настанот. Стадионот, кој се наоѓа во центарот на Одеса, веднаш до градското пристаниште, претрпел сериозни оштетувања. Дел од покривот е уништен, прозорците се скршени, а трибините се оштетени.

Стадионот „Чорноморец“ има капацитет од 34.164 гледачи. Пред руската инвазија, тој беше домаќин на натпревари во натпреварувањата на УЕФА и на украинската репрезентација. Денес, тоа е дом на машкиот клуб Чорноморец и женскиот клуб СиСтерс, кои се натпреваруваат на највисокото ниво на украинскиот фудбал.

Поради штетата, натпреварот од машката украинска Премиер лига, кој требаше да се игра на 8 август, беше одложен. Организаторите го потврдија одложувањето, но новиот датум и локација сè уште не се објавени.

Зголемени напади врз регионот Одеса

Руската армија ги интензивираше нападите врз Одеса и нејзината околина во текот на летото, за време на врвот на туристичката сезона. Овие напади се дел од поширок модел на уништување на инфраструктурата. Според податоците од Министерството за млади и спорт, до 20 јули, руските сили во Украина оштетиле или уништиле вкупно 915 спортски објекти.

Капацитетите на пристаништата се особено цел. Министерството за заедница и територијален развој објави дека руските сили извршиле 124 напади врз поморската инфраструктура само во јули. Целите биле морски пристаништа, цивилни бродови и бродови што пловеле низ украинскиот поморски коридор.

Десетици цивилни бродови биле оштетени во овие напади, а имало и жртви меѓу членовите на екипажот. Градот е нападнат со дронови и ракети, вклучувајќи и ракети „Бандерол“ што се користат за гаѓање на пристанишната инфраструктура.

Извор: Индекс.хр

Тагови: напад стадион украина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Италија ѝ одговори на Шпанија дека нема да ги укине граничните контроли сè додека постојат ризици

Италија денес објави дека нема да попушти пред „ултиматумите“ на Шпанија и ќе ги одржи граничните контроли за патниците што доаѓаат од таа земја најмалку до 15 август. 

Италија ѝ одговори на Шпанија дека нема да ги укине граничните контроли сè додека постојат ризици

Шпанија претходно денес се закани дека ќе воведе реципрочни мерки за патниците од Италија ако Рим не ги укине граничните контроли што ги воведе минатата недела до недела, по масовниот прилив на мигранти од Мароко во шпанската енклава Сеута.

Италијанската влада во соопштението изјави дека ќе ја преиспита својата одлука само откако ќе биде сигурна дека нема безбедносни или терористички ризици, нема нов бран на миграција и нема нелегални мигранти што се упатуваат кон европска територија.

Повеќето мигранти се вратија

Мадрид претходно изјави дека ги смета контролите за „неправедни, спротивни на интересите на ЕУ и дискриминаторски кон шпанското население“. Италија не дели копнена граница со Шпанија. Мерката што ја воведе Мелони се однесува на морскиот и воздушниот сообраќај, а контролите се првенствено насочени кон патниците кои не се од ЕУ.

Речиси 60.000 луѓе, претежно Мароканци, пристигнаа или се обидоа да стигнат до шпанската енклава Сеута минатата недела пеш или пливајќи од соседниот град Фнидек. Имигрантите брзо ја преплавија шпанската енклава, а повеќето од нив потоа беа вратени во Мароко. 82 загинаа обидувајќи се да влезат во Сеута, соопштија властите.

Шпанскиот град на северноафриканскиот брег постепено се враќа во нормалниот живот, но неговите улици се полни со малолетници без придружба кои не можат да бидат вратени во Мароко, но чија заштита и грижа мора да бидат одговорност на заедницата во која се наоѓаат. Владата на Сеута проценува дека околу 1.100 малолетници влегле во градот меѓу приближно 60.000 мигранти.

Извор: Индекс.хр

Тагови: Италија Шпанија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Наредена итна евакуација на населението во Јапонија, откажани летови

Тајфун се движи кон јапонија. се евакуираат 260 илјади луѓе а откажани се повеќе од 500 летови додека тајфунот „Долфин“, кој се движи бавно, се приближува кон регионот.

Наредена итна евакуација на населението во Јапонија, откажани летови

Тајфунот од прва категорија носи ветрови со максимална брзина од 144 километри на час, со удари што достигнуваат и до 198 километри на час, и се приближува кон низата острови меѓу регионот Кјушу и префектурата окинава, соопшти јапонската метеоролошка агенција

Властите издадоа наредби за евакуација на речиси 260.000 жители во префектурите кагошима и окинава, додека „Тојота“ денеска го прекина производството во девет фабрики.

Јапонската метеоролошка агенција предупреди дека може да се формира и линеарен појас на дожд – односно тесен појас на интензивни врнежи и грмотевици – што би можело да предизвика поплави.

Тагови: јапонија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер