„The Rock“ изненади фан, кој од него доби нов камионет: Заслужува многу повеќе (ВИДЕО)

Актерот Двејн Џонсон му подари незаборавен божиќен подарок на еден обожавател за да му се заблагодари за неговата работа во локалната заедница.

The Rock го изненади личниот тренер Оскар Родригез на специјалната проекција на неговиот нов филм Red Notice, а по завршувањето на проекцијата, тој откри дека на Родригез му подарил пикап Форд.

Родригез, кој се грижи за својата 75-годишна мајка, е црковен водач и ветеран на американската морнарица и обезбедува оброци и поддршка за жртвите на семејно насилство.

„Ги поканив обожавателите на специјална проекција на Red Notice и сакав да направам нешто кул за сите нив. Исто така, сакав да направам нешто големо, нешто огромно, нешто незаборавно за еден обожавател“, рече актерот во видеото објавено на Инстаграм.

„Твојата приказна навистина ме трогна бидејќи секогаш си многу позитивен, мотивирачки и оптимист“, рече Џонсон додека разговараше со Родригез на сцената.

„Навистина останав без зборови, не знаев дека ова ќе се случи. Ова е таков благослов“, изјавил трогнатиот ветеран. „Мило ми е што те запознав. Во моментов се чувствувам многу охрабрен, многу воздигнат“.

Џонсон во камионетот оставил и писмо посветено на Родригез.

„Ти благодарам за услугата, брате, уживај во твојот нов камионет“, се вели во писмото.

„Неговиот список на работи што ги направил за заедницата е прилично неверојатен, така што сум почестен да му дадам малку радост на момчето кое веројатно заслужува многу повеќе од мојот камионет“, рече The Rock додека Родригез излегувал од паркингот. „И сега ќе мора да видам како да се вратам дома. Затоа што немам сопствен камионет“.

„Само сакај, брат. Оди, уживај во твојот нов пикап и среќен Божиќ тебе и на твоето семејство“, напишал актерот во описот на објавата.

Акционата комедија Red Notice, со Рајан Рејнолдс и Гал Гадот заедно со Рок, премиерно беше прикажана на 12 ноември на Нетфликс и стана најгледаниот филм на стриминг платформата на првиот ден од прикажувањето.

Разбојници ја убиле сопругата на легендарен музичар

Сопругата на легендарниот музичар Кларенс Авант е убиена во вторникот во нејзиниот дом во елитната населба Трусдејл Естејтс во Лос Анџелес.

Имено, таа била убиена од крадци кои упаднале во нивната семејна куќа.

Полицијата на Беверли Хилс била повикана во куќата во Трусдејл Естејтс во вторникот вечерта околу 2.30 часот по полноќ, откако на телефонскиот број 911 добиле повик дека некој бил застрелан и убиен.

Сопругата на Авант, Жаклин Авант, итно била пренесена во болница, каде што подоцна починала. Таа имала 81 година.

Семеен извор изјавил за ТМЗ дека разбојниците пукале додека влегле во куќата и ја погодиле сопругата на Авант.

Авант (90) во тој момент бил дома, но не е јасно дали е повреден во нападот.Легендарниот музичар беше примен во Куќата на славните во октомври, а покрај него беше неговата сопруга.

Нивната ќерка Никол Авант е во брак со извршниот директор на Нетфликс, Тед Сарандос.

СЗО: За неколку дена ќе знаеме колку е заразен омикрон

Светската здравствена организација очекува за неколку дена да има повеќе информации за тоа колку е заразен новиот сој на корона, омикрон, изјави денеска техничкиот директор на СЗО Марија ван Керхове.

Во соопштението се посочува дека СЗО ќе има податоци за омикрон многу побрзо од предвиденото, бидејќи Женева претходно соопштила дека ќе бидат потребни недели за да се добијат податоците, пренесе Ројтерс.

Некои од главните прашања се дали сојот е позаразен или отпорен на заштитата од вакцини, а одговорите треба да се почекаат, се додава.

Софија Вергара на луда латино забава во кругот на семејството (ВИДЕО)

Софија Вергара (49) изгледа сензационално на прославата на американскиот Ден на благодарноста, а актерката на социјалните мрежи се пофали со фотографии и видеа од забавата на која присуствуваа членовите на нејзиното семејство.

На ѕвездата од ТВ серијата „Модерно семејство“ и` се придружија помладата сестра, музичарката Вероника (21) и внуката Клаудија (29). Веселото трио танцува пред огледалото, а на Софија подоцна во танцовите чекори и се придружила и нејзината баба.

Се чини дека на споменатата забава не присуствувал актерот Џо Манганиело (44) за кого заносната американско-колумбиска дива се омажи во 2015 година.

- Среќна шеста годишнина од бракот, љубов моја! Уште многу години заедно! Те сакам – напишала Софија на Инстаграм во вторникот.

Двојката се свршила на Божиќ за време на романтичен одмор на Хаваи во 2014 година, само шест месеци откако Вергара раскинала со Ник Лоеб. Тие се венчале во 2015 година во Палм Бич, Флорида. Заедно немаат деца, а Софија е мајка на 27-годишниот син Манол, кој го доби со поранешниот сопруг Џо Гонзалес.

притисни ентер