Судски процес против Тотал ТВ и Тасев – одговараат за пиратерија - Канал 5

Македонија

Судски процес против Тотал ТВ и Тасев – одговараат за пиратерија

Никола Тасев повторно седна во обвинителната клупа, овој пат тој и компанијата каде што до пред два месеци беше управител Тотал ТВ, кривично се гонат поради незаконско реемитување на програмата на Канал 5.

Судски процес против Тотал ТВ и Тасев – одговараат за пиратерија

Никола Тасев повторно седна во обвинителната клупа, овој пат тој и компанијата каде што до пред два месеци беше управител Тотал ТВ, кривично се гонат поради незаконско реемитување на програмата на Канал 5 повеќе од година и половина, со што ги повредил авторските и сродни права. Рочиштето започна, но веднаш и се одложи од процесни причини, бидејќи не биле уредно доставени доказите на увид на одбранта, како што посочи судијката Ана Давчевска. Сепак, според директорот на Канал 5 добро е што конечно обвинителството оформи обвинение за полека да се застане на патот на пиратеријата која е метастазирана во земјава.

-Ова е можеби еден мал чекор за обвинителството во Скопје, но голем чекор за правдата и за сите оние кои што сме оштетени од страна на луѓето кои што јас љубам да ги наречам телевизиски пирати. Денеска сме сведоци дека после голем број на години борба со јавното обвинителство, јавното обвинителство конечно прифати да напише обвинителен акт, виза ви правното и физичкото лице кое што направи сериозна штета на Канал 5.- -Иван Мирчевски – Директор на Канал 5.

Обвинителката Елена Жакула денеска не сакаше да даде изјави со образложение дека процесот допрва започнува, додека пак адвокатот на Канал 5 – Даниел Ѓорѓиевски, како и директорот Мирчевски, очекува согласно доставените докази да има осудителна пресуда, како за Тасев, така и за Тотал ТВ.

Се надевам дека судот ќе ги земе во предвид сите докази кои што обвинителството ги достави и дека на крајот ќе донесе одлука со која ќе започне борбата против пиратеријата. Авторските права, интелектуалните права се врвот на она што како поединци го имаме и затоа сметам дека тоа треба да биде приоритет и на институциите во постапувањето.

Екипата на Канал 5 побара изјава за процесот и од Тасев, но тој одби со образложение дека тоа ќе го стори подоцна, бидејќи истиот е на самиот почеток.

Следното рочиште е закажано за точно еден месец, на 24 октомври. Според законот, за ова кривично дело се предвидува затворска казна од една до пет години.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Запросување на врвот на Емпаер Стејт Билдинг (ВИДЕО)

Една смела двојка се искачи на врвот на зградата „Емпаер стејт билдинг“ и развиори транспарент на врвот од нејзината кула во среда попладне.

Запросување на врвот на Емпаер Стејт Билдинг (ВИДЕО)

Анџела Николау и Иван Беркус, кои стекнаа онлајн следбеници поради нивните искачувања на облакодери низ целиот свет што, останаа на врвот на облакодерот неколку минути додека камерите го снимаа настанот пред да се спуштат, изјавија полициски извори за „ABC News“.

Потоа, како што изгледа, Биркус ѝ предложил брак на својата долгогодишна девојка пред да бидат приведени.

Црниот транспарент се повикува на цитат од Џими Хендрикс и со бели букви пишувало: „Кога моќта на љубовта ја победува љубовта кон моќта, светот го познава мирот“.

Испратен е хеликоптер од њујоршката полиција, а платформата за набљудување на зградата била испразнета од посетители кога пристигнала полицијата.

Извор: ABCnews

Тагови: Емпаер Стејт Билдинг запросување

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Рецепти

Лимонада како од старите слаткарници: Тајната е во еден чекор што го прави вкусот побогат

Овој рецепт е брз за подготовка, лесен за прилагодување на вашиот вкус и идеален за летните денови кога бараме природно освежување без газирани пијалоци.

Лимонада како од старите слаткарници: Тајната е во еден чекор што го прави вкусот побогат

Малку пијалоци потсетуваат на лето како добра ладена лимонада. Сепак, многу луѓе забележуваат дека лимонадата што ја пијат во слаткарница или кафуле има пополн вкус од онаа што ја подготвуваат дома, иако е направена само со неколку состојки.

Причината не е во скапите состојки или посебен вид лимон, туку во начинот на подготовка. Класичните слаткарници го користат истиот трик со децении - прво подготвуваат шеќерен сируп, кој потоа се комбинира со свежо исцеден сок од лимон.

На овој начин, шеќерот се раствора целосно, а вкусот станува освежителен и пријатно избалансиран, без кристали што остануваат на дното на чашата.

Зошто е важен шеќерниот сируп?

Многу луѓе едноставно ставаат шеќер во ладна вода дома, но тој често не се раствора целосно. Затоа професионалните слаткари прво готват едноставен шеќерен сируп.

Сирупот рамномерно го засладува пијалокот, ја нагласува аромата на лимон и ѝ дава на лимонадата карактеристичен, полн вкус што го паметиме од детството.

По желба, количината на шеќер може да се намали или зголеми, во зависност од тоа колку слатка сакате лимонада да биде.

Состојки:

• 1 чаша свежо исцеден сок од лимон (околу 4-6 лимони)

• 1 чаша шеќер

• 6 чаши ладна вода

• 1/2 чаша вода за подготовка на сирупот

• мраз по желба

• парчиња лимон за сервирање

• свежи листови од нане по желба

Подготовка:

Во мало тенџере, измешајте го шеќерот и половина чаша вода. Загрејте на средна температура, мешајќи додека шеќерот целосно не се раствори и не добиете бистар сируп. Оставете целосно да се олади.

Во меѓувреме, исцедете го лимонот и процедете го сокот за да ги отстраните семките и вишокот пулпа.

Истурете ладна вода во голем бокал, додадете сок од лимон и изладен шеќерен сируп. Добро промешајте за да се соединат сите состојки.

По желба, оставете ја лимонадата дополнително да се олади во фрижидер.

Како да ја сервирате?

Наполнете ги чашите со мраз, сипете ја лимонадата, а потоа додадете парче лимон и неколку свежи листови од нане.

Доколку сакате уште поинтензивен вкус, можете да додадете неколку тенки парчиња лимон директно во бокалот и да го оставите да отстои околу десет минути пред сервирање.

Лимонадата подготвена на овој начин е идеална за летни денови, семејни собири, скари или едноставно како природно освежување за време на жешкото време.

Извор: Б92

Тагови: Лимонада

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Лампард останува во Ковентри

Менаџерот на Англија, Френк Лампард, го продолжи договорот со Ковентри до 2029 година, соопшти клубот.

Лампард останува во Ковентри

Лампард е на чело на Ковентри од ноември 2024 година, а минатата сезона го водеше клубот во Премиер лигата за прв пат по 25 години.

„Воодушевен сум што потпишав нов договор, вистинска чест е да го претставувам овој клуб. Уживавме по неверојатниот напор и освојувањето на Чемпионшипот. Сега треба да се одмориме, а потоа добро да се подготвиме за следната сезона каде што ги знаеме целите. Има многу работа на и надвор од теренот. Едвај чекам повторно да ги видам играчите и да работам со нив“, рече Лампард.

Ковентри ќе биде домаќин на Арсенал во првото коло од Премиер лигата на 21 август.

Извор: Б92

Тагови: ЛАМПАРД

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер