„Премногу секс може да биде и лошо“ - Вил Смит отворено за својот сексуален живот

„Имав секс со многу жени, и тоа постојано. Беше непријатно до с’ржта на моето битие, што развив психосоматска реакција на оргазмот. 

Буквално, имав нагон за повраќање, а понекогаш тоа и се случуваше“ – открива Вил Смит во своите мемоари во кои отворено зборува за својот сексуален живот.

Посебен дел од мемоарите се посветени на неговата прва девојка Мелани, која му го скршила срцето. Таа била проблематично дете. Нејзината мајка била во затвор бидејќи го убила таткото на Мелани, па девојката живеела со нејзината тетка додека и таа не ја исфрлила на улица. Вил Смит некако ги убедил неговите родители да ја прифатат, а потоа станал опседнат со неа и сакал да ѝ угоди на секој можен начин. Но, додека бил на турнеја како шеснаесетгодишно момче, таа го изневерила и тоа сосема го разнишало. Тогаш се обидувал своето скршено срце да го излечи со интензивен секс со бројни партнерки.

Тој вели дека станал „хиена на гетото“ и дека до тој степен претерувал што неговото тело почнало бурно да реагира секој пат кога доживувал оргазам.

Вил Смит (53) во книгата детално го опишува и својот сексуален живот со сопругата Џејда Пинкет Смит, сеќавајќи се дека бил решен да ја задоволи по секоја цена на почетокот на нивниот брак. Тие се заедно од 1997 година, имаат две деца и целиот свет е запознаен со нивната турбулентна врска.

Понатаму наведува детали од врската која во 2011 г. на извесен период ја прекинале поради расправија што се случила по „егоманијачната забава“ што Вил Смит ја организирал за нејзиниот роденден. Во обид да се опорави од тоа, Вил Смит отишол да учи тантрички секс во Тринидад, а во Перу учествувал во неколку сексуални ритуали. Потоа посетувал и сексуален терапевт. Се обидувал да открие зошто упорно се гледа со многу жени, меѓу кои и Хали Бери, а некои ја спомнуваат и Амебр Херд.

Тој и во книгата потврдува дека со Џејда имаат отворен брак, а тоа јавно го признаа во нивното шоу на Фејсбук „Red Table Talk“.

Бајден: Гласот ми е засипнат од настинка, добро сум

Американскиот претседател Џо Бајден денес изјави дека неговиот многу засипнат глас е „последица на настинка“ која ја добил кога стапил во контакт со неговиот внук и додаде дека секој ден се тестира на Ковид-19.

Тој со засипнат глас и со неколку напади на кашлање одржа говор за економијата, што го поттикна новинарот да го праша за неговото здравје.

„Добро сум. Секој ден се тестирам за Ковид. Ова го добив од мојот внук на една и пол година кој сака да му дава бакнежи на дедото. Настинка е само“, додаде тој.

Американскиот претседател минатиот викенд го помина со семејството, кога во Америка се славеше Денот на благодарноста.

Пред две недели тој беше на систематски, лекарот вели дека е во добра здравствена состојба

Здравјето на Џо Бајден, со оглед на тоа што тој е најстариот претседател некогаш избран во САД (79), привлекува посебно внимание.

Пред две недели тој беше подложен на систематски преглед, чии резултати ги објави Белата куќа, а неговиот лекар заклучи дека Бајден е во „добро здравје“.

САД стравуваат од зголемување на случаите со Ковид-19 со доаѓањето на зимата и ширењето на новата варијанта, омикрон.

Заев: Градиме инклузивно општество во кое лицата со попреченост имаат еднаков пристап

Фејсбук објава на премиерот Зоран заев по повод Меѓународниот ден на лицата со попреченост.

Преку сеопфатни политики и мулти-институционален пристап градиме инклузивно општество во кое лицата со попреченост имаат еднаков пристап за напредок и развој.

Оваа година го одбележуваме 3 декември, Меѓународниот ден на лицата со попреченост со позитивни промени, како резултат на спроведувањето на најдобрите светски практики за поддршка и вклучување на лицата со попреченост во нивното секојдневие, во здравството, образованието и социјалната заштита. И не само денес, инклузијата на овие лица во општеството е процес на којшто сме посветени секој ден од годината. Тие се дел од нашето секојдневно живеење, наши пријатели и роднини.

Овие наши сограѓани најмногу од сè бараат еднаквост, самостојно живеење и функционирање во општеството и затоа врвен приоритет на Владата е инклузијата на лицата со попреченост во сите општествени текови. Тоа е особено важно кога станува збор за животот на овие лица во актуелниот миг на пандемијата со КОВИД-19 и за нивната транзиција без стрес во пост-ковид периодот.

Со цел унапредување и создавање квалитетно општество, во кое различностите се почитуваат и вреднуваат, Владата посветено работи на унапредување и олеснување на условите за живот на лицата со попреченост, без разлика на возраста на лицата:

- Ја намаливме границата за лична асистенција. Сега право на личен асистент имаат лицата со попреченост од 6 до 64 годишна возраст. На тој начин овозможуваме лицата со попреченост да ги извршуваат секојдневните активности и да бидат активно вклучени во секојдневието.

- Ја изработивме апликацијата Аудио-читач, која на слепите и на лицата со оштетен вид им овозможува пишаниот текст да го слушнат и разберат во аудио верзија на свој мајчин јазик.

-Отворени се 15 нови инклузивни детски градинки, кои им овозможуваат на децата со попреченост да се вклучат во предучилишното образование.

-За оние кои се грижат за своите најблиски, а кои се лица со попреченост државата ја надополнува втората половина од платата доколку работат со скратено работно време, а за оние над 64 години возраст обезбедуваме еден вид на пензија, со цел да имаат економска сигурност.

Во афирмирањето на автентичниот концепт „Едно општество за сите“, Владата и понатаму останува посветена да предничи и да ги промовира и штити правата на лицата со попреченост во областите како што се: еднаквост и недискриминација, слобода на движење, самостојно живеење, образование, пристап до стоки и услуги, вработување, правна поддршка и пристап до правда, здравство, и правото на политичко учество во сите процеси од стратешка важност за нашата држава, објави Заев на Фејсбук.

Кремљ: Договорен е прелиминарниот датум за видео-конференција Путин-Бајден

Помошникот на рускиот претседател Владимир Путин изјави дека видеоразговорот со американскиот претседател Џозеф Бајден ќе се одржи по патувањето на рускиот лидер во Индија, планирано за следната недела.

Јуриј Ушаков не прецизираше кога точно ќе се одржи видеоповикот меѓу двајцата претседатели, велејќи дека сè уште се работи на последните детали за разговорите.

– Состанокот ќе се одржи за неколку дена. Веќе имаме конкретен датум и време за видеоконференцијата. Но, подобро е да се почека сите подготовки да бидат целосно договорени со американската страна. Тогаш ќе имаме можност да излеземе со официјално соопштение, рече Ушаков.

Тој рече дека двајцата лидери ќе разговараат за напредокот во спроведувањето на договорите кои двајцата ги постигнаа во Женева во јуни, за „незадоволителните" билатерални врски, „Авганистан, Иран, Либија, кризата во Украина и дијалогот за стратешка стабилност".

притисни ентер