Предлозите за заменици министри денеска предадени во собраниската архива

Завршени се разговорите со сите потврдени и потенцијални кандидати за замници министри и сите ќе добијат шанса и ќе можат да бидат вградени во одредни други општествени области кои се под надлежност на извршната власт, истакна премиерот Заев. 

Списокот со предлози за заменици министри испратен до Собранието. Имињата на новите функционери и нивните биографии премиерот Заев попладнево ги доставил до пратениците. Од вкупно 16 заменички места СДСМ и помалите партии од коалицијата добиваат девет места, ДУИ пет, а БЕСА две.

Од листата може да се заклучи дека Заев се одлучил за поголеми промени во вториот ешалон од извршната власт.

Па, звучи имиња кои досега ги извршуваат заменичките функции во министерства не се најдоа меѓу новите кандидати. Андреј Жерновски го напушта заменичкото место во МБР и на негово доаѓа Фатмире Исаки на предлог на ДПА. Јани Макрадули во министерството за животна средина ќе го замени Христина Оџаклиевска, кадар на ДОМ. Како и

Зоран Маневски од НСДП е предложен за заменик во економија. Долгогодишниот новинар Зоран Димитровски, како предлог Демократски сојуз, ќе седне во заменичката фотелја во локална самоуправа. Димитар Ковачевски е предложен за заменик министер во финансии. Трајан Димковски довечерашен министер за земјоделство, сега преминува во заменичкото место. Енвер Хусејин за труд и социјална политика, а Илхан Рахман за политички систем. Александар Бајдевски во информатичко општество и администрација.

ДУИ уште пред неколку дена ги објави кандидатите од своите редови. Агим Нухи оди во правда. Назим Буши – МВР, Башким Хасани за одбрана, доктор Илир Хасани во здравство, Беким Реџепи – транспорт и врски. БЕСА ќе има заменици во култура и во образование и наука.

По доставениот предлог се очекува веќе од понеделник предлозите да се најдат на пленарна седница на Собранието.

Македонија го празнува 23 октомври- Денот на македонската револуционерна борба

Македонија денеска го празнува 23 октомври- Денот на македонската револуционерна борба.

Во рамки на годинешното одбележување на празникот Владата организираше положување на свежо цвеќе на споменикот на Гоце Делчев во градскиот парк во Скопје, на настанот присуствуваше владина делегација составена од заменик министерот за финансии, Димитар Ковачевски, заменик министерот за култура, Седат Сулејмани и националниот координатор за воени и полициски ветерани, Стојанче Ангелов.

На спомен куќата на Петар Поп Арсов во Богомила, претпладнево владина делегација предводена од министерката за култура, Ирена Стефоски ќе положат свежо цвеќе.

Билд: Германија се подготвува за вакцинација

Германија се подготвува да започне вакцинација против коронавирусот пред крајот на годината, пишува Бидл.

Министерството за здравство планира да формира 60 посебни центри во кои ќе се изврши вакцинација.

Како што дознава Билд, министерството од 16 сојузни држави побарало да ги достават можните адреси за тие центри до 10 ноември.

Германскиот министер за здравство Јенс Шпан претходно рекол дека очекува дека вакцината против коронавирусот ќе биде подготвена во првиот квартал од следната година. Тој рекол и дека германски „BioNTech“ е близу до одобрување на својата вакцина.

Усвоен Предлог-законот за финансиска поддршка за исплата на плати

Владата го усвои Предлог-законот за финансиска поддршка за исплата на плати за октомври, ноември и декември.

Предлог-законот за финансиска поддршка на работодавачите погодени од КОВИД-19 кризата за исплата на платите за октомври, ноември и декември 2020 година, предложен од Министерството за финансии, вчера беше усвоен од страна на Владата и истиот ќе биде доставен на усвојување до Собранието.

Работодавачите ќе можат да аплицираат за финансиска поддршка до 21.776 денари по вработен, до 7-ми во месецот за претходниот месец, а корисници можат да бидат фирмите кои имаат најмалку 30% пад на приходи во референтниот период од април до октомври 2020 година, спроедено со истиот период минатата година.

Со оваа мерка ќе се поддржат работните места, платите на вработените, како и дека ќе се инјектираат околу 70 милиони евра во стопанството и ликвидносно ќе се поддржат компаниите. Тој посочува дека претходната мерка дала резултати - инјектирани се преку 83 милиони евра во стопанството, заштитени над 120.000 работни места, но исто така и стандардот - ако се земе предвид дека и покрај Ковид-кризата просечната плата заклучно август е повисока за 8,2% на годишно ниво.

Со новиот предлог-закон мерката е уште потаргетирана, односно на фирмите потешко погодени од кризата, предвидено е да им се исплаќа повисока финансиска поддршка. Имено, кај фирмите кои имаат намален приход од 30% до 40%, ќе добијат финансиска поддршка до 14.500 денари по вработен; за намален приход од 40,01% до 50% предвидени се до 15.955 денари по вработен; за намален приход од 50,01% до 60% до 17.410 денари по вработен; за намален приход од 60,01% до 70%, до 18.865 денари по вработен; за намален приход од 70,01% до 80%, до 20.320 денари по вработен и за намален приход од над 80% износот на финансиска поддршката за исплата на плати ќе изнесува до 21.776 денари по вработен. Во однос на подоброто таргетирање - со предлог законот е утврдено дека не се опфатени фирми кои оствариле поголем профит од 10 милиони евра кумулативно во последните три години.

Како рефрентен период во законот се зема финансискиот резултат на фирмите од април до октомври, ноември и декември 2020 година и се споредува со истиот период лани. Во случај фирмата да е регистрирана по септември 2019 година, се зема датумот од запишување во Централен регистар.

Фирмите кои аплицираат за мерката не можат да исплатуваат дивиденда и награда за деловна успешност или друг вид годишна награда до денот на исплата на платата за декември 2020 година.

Во однос на работниците, фирмите кои аплицираат за финансиска поддршка можат да имаат најмногу 10% од вработените со месечна нето-плата од над 120.000 денари. Фирмите не можат да аплицираат за финансиска поддршка за плата за вработен кој во јуни, јули, август и септември остварил нето плата повисока од 39.900 денари за секој месец одделно на полно или неполно работно време. Исто така, мерката нема да може да се користи за вработени за кои се користи мерката „Македонија вработува", како и за вработени кои се ангажирани за дополнително работење.

Работодавачите кои користат финансиска поддршка, бројот на вработени нема да смеат да го намалуваат два месеци по завршувањето на месецот за кој е користена финансиската поддршка, заклучно со месец февруари 2021 година, освен во случај на пензионирање, откажување на договорот за вработување од страна на работникот, спогодбено преземање на работникот, откажување на договорот за вработување без отказен рок од страна на работодавачот поради кршење на работниот ред и дисциплина или работните обврски и слично.

Предвидени се и заштитни механизми во предлог-законот, за да платата стигне во целост до работникот. Имено, во случај работодавачот да исплати помала плата на работникот од сумата која му е доделени превидени се глоби до 10 илјади евра, во зависност од големината на правниот субјект.

Министерство за финансии

притисни ентер