„Маратонот на љубовта“, 500 црвени рози и почит за Тоше на Гумење во Крушево - Канал 5

Живот

„Маратонот на љубовта“, 500 црвени рози и почит за Тоше на Гумење во Крушево

Со 500 рози крушевчани напладне ги пречекаа 13-те спортисти-маратонци кои по 15-ти пат го истрчаа ултрамаратонот од Нова Градишка, Хрватска, до Гумење во Kрушево каде е вечното почивалиште на Тоше Проески. 

„Маратонот на љубовта“, 500 црвени рози и почит за Тоше на Гумење во Крушево

Маратонците се поклонија пред гробот на Тоше со букет од 26 црвени рози колку што имаше години Тоше Пртоески кога на 16 октомври 2007 година го загуби животот во сообраќајната несреќа кај Нова Градишка, Хрватска.

Наум Капричевски, ултрамаратонец вели дека маратонот, сега наречен „Маратон на љубовт“ ќе го трчаат додека можат.

– И оваа година, по 15-ти пат македонските спортисти го стартуваа ултрамаратонот од Нова Градишка во Хрватска во чест на нашиот Тоше. Еве, точно напладне денеска, на 16 октомври, живи и здрави стигнавме на Гумење во Крушево да оддадеме почит на нашата најголема мотивација и инспирација – Тоше Проески. Трчавме за великанот и, како што рече поглаварот на МПЦ, г.г. Стефан, војводата на песната од нашето време. Пораките по пат што ни ги испратија се – да му оддадеме почит на Тоше, да запалиме свеќа од сите, ширум Балканот, да стигнеме живи и здрави и да продолжиме да го трчаме овој ултрамаратон онолку години колку што имаме замислено, изјави Капричевски.

Маратонецот Никола Ѓелов вели дека чувствата се измешани.

– И оваа година го истрчавме ултрамаратонот во чест на нашата и балканска музичка ѕвезда Тоше Проески. Маратонот го завршивме со измешани чувства, големи емоции, многу тажни сеќавања, вели Ѓелов.

Неговите почитувачи и фанови од земјава и Балканот непоколебливо на Гумење и овој 16-ти октомври. Стела Прислан Фујс од Загреб, Хрватска која секогаш е во Крушево, и на денот на загинувањето на Тоше и на неговиот роденден вели дека додека се говори за него, Тоше е жив.

– Сите го паметиме овој датум пред 15 години. И веста која пристигна. Никој не веруваше. Застанаа срцата кои го сакаа Тоше. И ден-денес е исто и го ценам секого кој зборува за Тоше, кој пишува за него, ги имитира неговите песни, кој се труди никогаш да не заборави. И додека е така, покажувате дека е жив. Маратонците ги испративме од Нова Градишка, еве ги пречекуваме овде на Гумење. Таа нивна жртва произлезе од љубов. Сите се едно за Тоше, изјави Стела Прислан Фујс.

Маријана Пешева, од Благоевград, Бугарија е првпат, ама за Тоше се знае во нејзината земја.

– Првпат доаѓаме, од Благоевград од Бугарија сме. За Тоше знаеме сите овие години и за неговите песни. Се слушаат, рече Маријана Пешева.

Игор Блажески кој се грижи за вечното почивалиште на Тоше е сведок на бројните посетители отсекаде од светот.

– Поминаа 15 години и уште не може да поверуваме дека го нема. Има премногу посетители на неговиот гроб. Доаѓаат од Хрватска, од Србија, Босна и Херцеговина, од цела Македонија, од Австралија, Германија, туристи има од секаде од светот. Кога ќе дојдат ги чувствуваат духот и делото на Тоше, рече Блажески.

Младите од крушевската гимназија ги пееја песните на Тоше, допирајќи ги срцата на сите кои дојдоа да му оддадат почит на големиот музичар и хуманист, Тоше Проески. /МИА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Холивудски актер откри детали од свадбата на Тејлор и Тревис: Беше фантастично

Актерот Адам Скот ги откри деталите од свадбата на Тејлор Свифт и Тревис Келс, која се одржа во Њујорк пред речиси два месеци. 

Холивудски актер откри детали од свадбата на Тејлор и Тревис: Беше фантастично

Скот, кој беше меѓу гостите, ги сподели своите впечатоци од церемонијата.

Впечатоци од церемонијата

Скот се појави во емисијата „Today“ во понеделник и опиша свадба што особено го трогна. „Беше неверојатно. Навистина фантастично. Мислам дека она што најмногу го паметиме е дека беше вистинска свадба. Се чувствуваше како таму да имаше само луѓе кои навистина се сакаа“, рече тој.

Актерот од серијата „Severance“ додаде дека многу гости пролеале солза на свадбата и ја опиша како „навистина прекрасен настан“.

Поени кај тинејџерската ќерка

Водителот Крег Мелвин го праша Скот дали присуството на свадбата му донесе „сериозни татковски поени“ со неговата 16-годишна ќерка Френки, голем обожавател на Тејлор Свифт. „Секако дека го направив тоа, но не ја зедов со мене. Па веднаш изгубив дел од тие поени“, се пошегува Скот.

Тој додаде дека ќерката е сè уште задоволна. „Таа беше будна чекајќи да се вратиме дома таа вечер за да ѝ ги кажеме сите детали“, рече актерот.

Илјада гости во Медисон Сквер Гарден

Скот и неговата сопруга, Наоми, со која е во брак од 2005 година, беа меѓу приближно 1.000 гости на свадбата на Свифт и Келс. Двојката има ќерка, Френки, и син, Греам. Церемонијата се одржа на 3 јули во Медисон Сквер Гарден, а меѓу гостите наводно биле бројни познати личности како Бред Пит, Бредли Купер, Џиџи Хадид и Џенифер Лопез.

Свифт и Келс ја објавија својата свршувачка на Инстаграм во август 2025 година, речиси две години откако потврдија дека се во врска.

Тагови: Тејлор Свифт

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Економија

Заврши големиот штрајк во Хјундаи- работниците добија поголеми плати и бонуси

Синдикатот на јужнокорејскиот производител на автомобили „Хјундаи Мотор“ објави дека постигнал принципиелен договор со менаџментот, отворајќи го патот за продолжување на производството без понатамошни прекини .

Заврши големиот штрајк во Хјундаи- работниците добија поголеми плати и бонуси

Синдикатот на јужнокорејскиот производител на автомобили „Хјундаи Мотор“ објави дека постигнал принципиелен договор со менаџментот, отворајќи го патот за продолжување на производството без понатамошни прекини по најдолгиот штрајк на компанијата во последните десет години, објавува „Ројтерс“.

Членовите на синдикатот ќе гласаат за договорот на 31 август. Доколку го прифатат, преговорите за платите оваа година во најголемиот јужнокорејски производител на автомобили ќе бидат завршени.

Во петокот, синдикатот организираше целодневен штрајк за прв пат по десет години, по серија делумни прекини на работата од јули. Тие бараа повисоки бонуси, зголемување на возраста за пензионирање и заштита на работните места од ефектите на вештачката интелигенција и автоматизацијата.

Изгубено производство од околу 55.200 возила

Околу 40.000 членови на синдикатот штрајкуваа вкупно 60 часа оваа година, што, според проценките, предизвика околу 120 часа прекин на производството во две смени.

Околу 55.200 возила не беа произведени поради штрајковите, а вредноста на изгубената продажба се проценува на повеќе од 2,3 трилиони вони.

Според принципиелниот договор, основната плата ќе се зголеми за 100.000 вони, или околу 72 долари месечно.

Работниците исто така добиваат бонус од повеќе од 400 проценти од месечната основна плата и дополнителна исплата од 12,5 милиони вони.

Возраста за пензионирање треба да се зголеми на 65 години

Возраста за пензионирање треба да се зголеми од 60 на 65 години по соодветната промена во законот.

Хјундаи ќе вработи 500 нови технички работници од следната година до 2028 година.

Кога станува збор за барањето на синдикатот за заштита на работните места поради сè поголемата употреба на вештачка интелигенција, двете страни се обврзаа транспарентно да разменуваат информации за нови проекти и како тие се спроведуваат, и заеднички да реагираат на идните промени во автомобилската индустрија.

Хјундаи планира поширока употреба на хуманоидни роботи

Менаџментот и синдикатот, исто така, се согласија дека напредните технологии, вклучувајќи ја физичката вештачка интелигенција и роботиката, се клучни за идната конкурентност и опстанок на компанијата.

Хјундаи е сопственик на американската компанија Бостон Дајнамикс, производител на хуманоидниот робот Атлас.

Компанијата планира да започне со употреба на хуманоидни роботи во својата фабрика во американската држава Џорџија од 2028 година, а потоа постепено да ги воведува во други производствени погони.

„Двете страни признаваат дека напредните технологии како што се физичката вештачка интелигенција и роботиката се клучен дел од иднината на мобилноста“, објави Hyundai Motor.

Тагови: Хјундаи штрајк

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Брисел на нозе поради романски закон- бараат блокада на 770 милиони евра

Европските конзервативци и либерали побараа од Европската комисија да ја блокира исплатата на 770 милиони евра од фондовите за закрепнување на Романија. 

Брисел на нозе поради романски закон- бараат блокада на 770 милиони евра

Тие предупредуваат дека Доминик Фриц, либералниот градоначалник на Темишвар и еден од водечките опозициски политичари, би можел да биде отстранет од функцијата со новиот закон за интегритет на јавните службеници. Романија има рок до крајот на август да заврши серија реформи од кои зависи исплатата, пишува Euronews.

Писмо до Брисел

Лидерите на Европската народна партија (ЕПП) Манфред Вебер и либералната група Обнови ја Европа Валери Хајер испратија писмо до претседателката на Комисијата Урсула фон дер Лајен. Во него, тие бараат блокада на исплатата на пари од Механизмот за закрепнување и отпорност, бидејќи веруваат дека овие средства би можеле „ненамерно да придонесат за поткопување на романската демократија“.

Закон насочен против градоначалникот

Во срцето на спорот е новиот Закон за интегритет во јавните служби, кој неодамна го донесе романскиот парламент. Законот содржи одредба предложена од Социјалистичката партија (ПСД), според која мандатот на службениците со правосилна пресуда за судир на интереси престанува во рок од 30 дена. Ова би се однесувало на секој чија тригодишна забрана за вршење функција сè уште не е истечена.

Оваа одредба директно влијае на Доминик Фриц, германски државјанин кој беше избран за градоначалник на Темишвар пред шест години. Во јуни минатата година, Високиот касациски суд утврди дека има административен судир на интереси. Станува збор за документ за урбанистичко планирање што тој го одобрил во 2020 година, а го изработила компанија во сопственост на локален советник од неговата партија USR, која ја поддржала неговата кампања.

Обвинувања за политичка пресметка

Вебер и Хајер во писмото наведуваат дека ретроактивната примена на законот би ги прекршила и романските прописи и правото на Европската унија. Тие ги обвинуваат ПСД и десничарската Алијанса за единство на Романија (AUR) дека го користат законодавството како инструмент за политичка пресметка. „Јавните изјави на високите лидери на ПСД и АУР не оставаат простор за сомнеж дека амандманот е дизајниран токму за да се насочи кон една личност“, се вели во писмото.

Лидерите на EPP и Renew веруваат дека Комисијата мора јасно и недвосмислено да каже дека исплатата на средствата зависи од почитувањето на владеењето на правото. Од Брисел, исто така, го повикаа романскиот парламент повторно да го разгледа спорниот закон, за кој Сенатот, како тело кое ја носи конечната одлука, треба утре да гласа .

Реакција на Комисијата и политичка позадина

Портпаролот на Комисијата денеска потврди дека го примиле писмото и рече дека „законот за интегритет ќе биде оценет како дел од конечното барање за исплата“ што треба да го поднесе Романија. Доколку реформите се оценат како недоволни, земјата би можела да изгуби дел од 770-те милиони евра, во зависност од тоа кои цели не се исполнети.

Целиот случај се одвива во контекст на политичка нестабилност во земјата, која ја води техничка влада. Претходната владејачка коалиција од десниот центар, предводена од премиерот Илие Болојан, беше соборена од PSD со гласање за недоверба со поддршка на AUR. Сега се отвора можноста за формирање нова влада од страна на левичарско-екстремно десничарски сојуз, бидејќи PSD, AUR и ултранационалистичката партија SOS имаат мнозинство во парламентот.

Тагови: блокада Брисел

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер