Жителите на Дебреше како во средниот век- се снаоѓаат за вода за основните потреби - Канал 5

Македонија

Жителите на Дебреше како во средниот век- се снаоѓаат за вода за основните потреби

Дебреше како во 18ти век, повеќе деценискиот проблем со недостатокот на на вода достигна критична точка.

Жителите на Дебреше како во средниот век- се снаоѓаат за вода за основните потреби

Дебреше како во 18ти век, повеќе деценискиот проблем со недостатокот на на вода достигна критична точка - се жалат жителите на гостиварското село кои вчера револтот го искажаа и на протест пред општината во Гостивар, каде симболично оставија празни кофи со вода.

Во еден момент состојбата ескалираше, кога присутните на протестот се обидоа да влезат во општинската зграда, а во турканицата со полицијата и тропањето на вратата беа искршени и стакла.

Изминативе три месеци водата е реткост, обично доаѓа неколку часа по полноќ, а сувите чешми се секојдневие, вели жител на Дебреше за Канал 5 - па ниту можат да се разладат на горештините, ниту соодветно да одржуваат хигиена, да се исперат или да измијат садови. Револтот велат расте и под итно бараат решение кое ќе ги врати во 21 век.

„Огромни проблеми, околу три месеци вода нема, ќе дојде навечер касно, во два наутро, час – два ќе има, потоа повторно нема. Последните три дена воопшто не е дојдена. Чекаме навечер, не спиеме, чекаме да дојде, а воопшто не иде, чекај, не спиеш, топли вода како пред 50 години да се избањаш, да се измиеш, седиме на горештините, не можеме да пуштиме вода да се изладиме, катастрофа сме, нема друг збор. Водата што е потребна за најосновното, не го можеме да го имаме тоа, немаме такви услови. И реков на директорката од ЈП Водовод - 21 век луѓе на Марс се качуваат, ние 21 век вода да немаме, срамота е.“

Во првите две недели од јули, проблемот ќе биде трајно решен – уверува градоначалникот на Гостивар, Валбон Лимани. Тој за Канал 5 вели дека проектот е веќе изготвен и дека им е презентиран на граѓаните

„Проектот е веќе направен за една нова водоводна линија за целиот град, затоа што не е само Дебреше, бидејќи има и градски насебли, повисоки, каде што има недостаток на вода, со која водоводна линија ќе се реши проблемот и на Дебреше, но и на сите овие други делови каде што има недостаток на вода, особено во летниот период. Вчера се случи што се случи, демократско право е, јас верувам дека некаде околу втора недела од јули, не само Дебреше, туку и другите делови кои имаат проблем во тек на летниот период, нема да го имаат.“

Новата линија за водоснабдување ќе доаѓа директно од С. Вруток, а очекувањата на општината се дека ќе ја подобри моменталната состојба за 50 проценти. Лимани воедно апелира на рационално користење на водата, особено во овој период кога градот традиционално се полни со иселениците кои доаѓаат во посети.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Видео: Крвава забава во САД: Има загинати; испукани најмалку 50 куршуми

 Две лица загинале, а 35 се повредени откако дојде до пукање на улична забава во американската сојузна држава Џорџија, соопштија денеска локалните власти. 

Видео: Крвава забава во САД: Има загинати; испукани најмалку 50 куршуми

Дваесет и петмина од повредените се пренесени во болница, објави „Си-би-ес њуз“ (CBS News).

Пукањето се случило во раните утрински часови во градот Вајена, а замениците на шерифот слушнаа истрели околу 1:25 часот по локално време додека патролираа низ областа.

Од Бирото за истраги на Џорџија соопштија дека, кога полицајците пристигнале на местото на настанот, затекнале повеќе лица кои биле застрелани.

Две лица кои се здобиле со смртоносни повреди биле пронајдени на неколку блока од местото каде што, според истражителите, започнало пукањето.

Шерифот на округот Дули, Крег Пиви, изјави дека повеќе од 1.000 луѓе се собрале на улицата Пајн за да ја прослават годишнината од собирот на поранешни ученици и локални жители, при што биле испукани најмалку 50 истрели на две различни локации. Надлежните не објавија информации за можен осомничен или за евентуален мотив за пукањето, ниту пак јавно ги идентификуваа загинатите и повредените.

Тагови: САД

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Јеменската влада започнува голема воена кампања за повторно освојување на сите области во земјата контролирани од Хутите

Јеменската влада, поддржана од Саудиска Арабија и меѓународно призната, соопшти дека започнува голема воена кампања за повторно освојување на сите области во земјата контролирани од Хутите, поддржани од Иран.

Јеменската влада започнува голема воена кампања за повторно освојување на сите области во земјата контролирани од Хутите

Вооружените сили на владата ќе продолжат со офанзивата „сè додека земјата не се ослободи од стисокот на терористичката милиција“, изјави јеменскиот претседател Рашад Ал-Алими во телевизиско обраќање.

Портпарол на војската подоцна ги повика Хутите да го положат оружјето.

Хутите, го држат главниот град на Јемен, Сана, и огромни делови од северозападот, каде што живее поголемиот дел од населението, од 2014 година. Тие досега издржаа серија напади во текот на годините од страна на Саудиска Арабија, Емиратите и нивните западни сојузници, и го осовременија своето оружје со помош на Иран.

Движењето минатиот месец започна изненадувачка офанзива со која го освои стратешкиот теснец Баб Ел-Мандеб,на Црвеното море за само неколку недели, давајќи им на Хутите нова предност над меѓународната поморска рута.Тој напредок, исто така, отвори нов фронт во пошироката американско-израелска војна започната во февруари против Иран кои вклучуваа задушување на транспортот на нафта низ Ормутскиот теснец.,

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Црногорскиот претседател донесе тениски рекет во Ватикан, Папата: Ѓоковиќ е Србин

Црногорскиот претседател Јаков Милатовиќ викендов билпримен во аудиенција кај папата Лав XIV за време на неговата официјална посета на Светата Столица.

Црногорскиот претседател донесе тениски рекет во Ватикан, Папата: Ѓоковиќ е Србин

„Папата Лав XIV би бил првиот папа во историјата што би ја посетил Црна Гора. За време на разговорите било потврдено пријателството меѓу Црна Гора и Светата Столица, како и заедничката посветеност на мирот, меѓусебното почитување и достоинството на секое човечко суштество“, соопштија од Кабинетот на претседателот на Црна Гора.

Милатовиќ истакна дека оваа година се одбележуваат 140 години од Конкордатот меѓу Кнежевството Црна Гора и Светата Столица, 20 години од воспоставувањето дипломатски односи и 15 години од потпишувањето на Основниот договор. За време на средбата, посебно внимание било посветено на натамошното зајакнување на соработката, вклучително и на отворањето на Апостолска нунцијатура во Подгорица.

На крајот од средбата, претседателот Милатовиќ му подарил на папата специјално изработен тениски рекет со црногорски државни симболи, рачно изработен филигран инспириран од добротската чипка и репродукција од првата страница на Конкордатот меѓу Кнежевството Црна Гора и Светата столица од 1886 година.

Милатовиќ му подарил тениски рекет на папата поради неговата страст кон тенисот.

При врачувањето на подарокот, тој го споменал тенисерот Новак Ѓоковиќ. „Тој се изјаснува како Србин“, одговори папата. „Тој исто така е многу наклонет кон Црна Гора“, одговорил Милатовиќ.

Тагови: Папата Црна Гора

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер