Жена во паника изгуби контрола над Мерцедес и пропадна во ендек (ВИДЕО)

Снимката од видео надзор покажува што може да му се случи на неискусен возач, особено кога работите ќе тргнат наопаку.

И не треба многу за ваков возач буквално да тргне надолу. Ова е жена зад волан на Мерцедес. Влегува во автомобилот и почнува да ја паркира лимузината во рикверц. Меѓутоа, возењето наназад додека истовремено го врти воланот ѝ е премногу, па Мерцедесот се заглавува.

Гледајќи дека е заглавена и најверојатно го изгребала автомобилот, жената излегува и ја проверува ситуацијата. Се обидува да ја помести пречката, но не успева. Бидејќи не можела да го придвижи автомобилот, таа повторно излегува од автомобилот и овој пат успева да ја помести тешката пречка. И тогаш почнуваат вистинските проблеми бидејќи автомобилот почнува неконтролирано да се движи наназад. Очигледно е дека под впечаток на ситуацијата во која се нашла, заборавила да го стави менувачот во П, па автомобилот лесно се лизнал наназад.

Жената очигледно е во паника и наместо да скокне во автомобилот, се обидува да го запре држејќи ја вратата. Не ѝ успева и Мерцедесот конечно завршува во некаков ров со секако голема штета. Среќа во несреќата е што жената не била повредена.

Мадона продолжува со чудни објави: Губи фанови побргу од тонењето на Титаник

Кралицата на попот и понатаму ги загрижува обожавателите со своите објави на социјалните мрежи.

Така таа неодамна објави видео во кое носи црна маска од тантела додека пркосно држи црно стапче во устата и, изгледа, се снима себеси.

Следбениците тешко се справуваат со прилично необичните објави на Мадона и масовно негодуваат на однесувањето на нивниот „некогаш омилен уметник“.

- Некој да ѝ ја смени терапијата на Мадона. Ги плаши децата и ги губи обожавателите побрзо отколку што потона Титаник, напишал еден корисник на Инстаграм.

– Претпоставувам дека некои луѓе уживаат да ја гледаат оваа бизарно облечена баба, додаде друга.

- Што се случи со Мадона? Полуде. Таа беше мојот омилен уметник додека растев. е**но го изгуби умот, пишува во друг коментар.

Од друга страна, некои излегоа во нејзина одбрана, посочувајќи дека пејачката е провокативна од почетокот на кариерата.

- Сите имаат што да кажат за нејзиниот изглед. Нејзините постапки ви прават непријатност, а уметноста токму тоа треба да го прави - да провоцира. Запрашајте се зошто се грижите толку многу. Запрашајте се зошто тоа ви пречи. Дали мислите дека таа се грижи што мислите вие? Знаете ли што мисли таа за вас? Ништо, заклучила еден обожувателка.

Бајден наредната седмица ќе ја објави поддршката за прием на Африканската унија во Г20

Американскиот претседател, Џо Бајден, наредната седмица ќе ја соопшти поддршката на СAД за прием на Африканската унија во Групата Г20 на најголемите светски економии како постојани членки, изјави денеска претставник на Белата куќа.

Бајден ќе го соопшти тоа за време на Самитот на американско-африканските лидери во Вашингтон, изјави советникот на Белата куќа, Џад Девермонт.

„Потребни ни се повеќе африкански гласови во меѓународните разговори за глобалната економија, демократијата и управувањето, климатските промени, здравјето и безбедноста“, посочи тој.

Претседателот на Африканската унија и претседател на Сенегал, Меки Сал, и претседателот на Јужна Африка, Сирил Рамафоса, го повикаа Бајден да ја зголеми нивната застапеност во Г20, изјави Девермонт за весникoт „Вашингтон пост“.

Јужна Африка е единствената земја членка на Г20 од Африка.

притисни ентер