Жена со инвалидитет паркирала и платила на место за инвалиди, добила казна, не била од Скопје

Со фотографии од поставена шепа на нејзиниот автомобил и фискална сметка за платена казна од 3000 денари, велешанката Билјана Гаврилова обвинува дека Градски паркинг – Скопје ги дискриминира лицата со попреченост од другите градови. 

Таа тврди дека своето возило на кое имало налепници кои служат како доказ дека автомобилот припаѓа на лице со попреченост, го паркирала на обележано место за хендикепирани лица кај Транспортниот центар во Скопје, но добила казна затоа што имала велешки регистарски таблички, иако пратила СМС на време и го платила паркингот. Во изјава за Канал 5 таа раскажува дека во моменото била со својот сопруг кој исто така е лице со попреченост. Вели огорчена сум и разочарана, бидејќи ваква диксриминација нема нигде.

Иако Билјана вели дека Директорот на Градскиот паркинг лично ѝ се извинил и кажал дека парите ќе и бидат вратени, тој не одговори на нашите повици. Од Градскиот паркинг ни дадоа ни писмено образложенија за случајот.

Според логиката на правилата на Градскиот паркинг, инвалидитетот на лица од внатрешноста, во Скопје не важи. Невообичаено за овој случај е и тоа што доколку се паркирале на било кое друго место, а не она што е обележано за нив, немало да имаат никаков проблем.

Од Националниот сојуз на лица со телесен инвалидитет – Мобилност Македонија, велат дека борбата за крај на дискриминацијата ќе ја продолжат на суд.

Последниот сличен случај што предизвика низа реакции во јавноста се случи пред два ипол месеци кога лице со телесен инвалидитет од Делчево и покрај уредно платен билет за паркинг пред Клиниката во Скопје, доби шепа на возилото и исто така плати казна.

Со одлука на Националниот парк Шар Планина се забранува користењето ратраци за скијачки тури

Директорот на Националниот парк „Шар Планина“, Ибрахим Дехари донел одлука со која се забранува организирање на туристички активности - скијачки тури со ратрак на територија на националниот парк.

Според образложението во одлуката, мерката се воспоставува заради спречување на оштетувањето и уништувањето на биолошката и пределска разновидност, деградација на почвата и губење на нејзината плодност и оштетување врз живеалиштата квалификувани во Планот за управувањето со Националниот парк Шар Планина.

- Ратраците се идентификувани како едни од потенцијалните најголеми закани за заштитеното подрачје со оштетувањата кои ги прават машините во услови на недоволна снежна покривка. Во неколкуте контроли извршени на теренот на кој се организираат ваквите активности евидентирана е потребата за регулирање на оваа дејност. Мерката се воспоставува со цел да се обезбедат поволни услови за заштита и унапредување на природата се до моментот на спогодба за регулирање на меѓусебни права и обврски помеѓу вршители на дејноста и ЈУНП, се наведува во одлуката потпишана од директорот Дехари.

Одлуката се однесува на неопределен временски период, со исклучок од 20 до 25 март за терени на северната страна на кои имаа доволна снежна покривка за завршување на скијачката сезона.

Светска банка: Потребни се 7,9 милијарди долари за реконструкција по земјотресите во Сирија

Светската банка објави проценки според кои февруарските земјотреси во Сирија ќе го намалат БДП на земјата за 5,5 отсто оваа година.

Светската банка објави проценки според кои февруарските земјотреси во Сирија ќе го намалат БДП на земјата за 5,5 отсто оваа година, а средствата за опоравување и обнова се проценуваат на повеќе од 7,9 милијарди долари во текот на три години.

Во извештајот на Светската банка за земјотресите што ги погодија северна и западна Сирија на 6 и 20 февруари, се проценува дека тие предизвикале штета од 3,7 милијарди долари и уште 1,5 милијарди долари економски загуби.

Светската банка претходно предвиде пад од 3,2 отсто на економското производство на Сирија оваа година поради континуираните завојувани конфликти, високите цени и недостигот на жито и енергија, како и вода, кои го ограничуваат одгледувањето култури.

ВМРО-ДПМНЕ: Додека Артан Груби е Вицепремиер, брат му Ветон добива тендери

Додека Артан Груби е Вицепремиер, брат му Ветон добива тендери од 1 милион денари, ДКСК и ЈО да реагираат.

Додека Артан Груби е Вицепремиер, Ветон Груби преку неговата фирма ЕТЦ Травел ДООЕЛ добива државни тендери.

Над 1 милион денари во период од две години од владата и министерството на Груби се префрлени на фримата на братот на Артан, Ветон Груби, ЕТЦ Травел ДООЕЛ.

Имено во период од 2020 до 2022 година, во вкупно 8 трансакции, се префрлени над 1 милион денари на туристичката агенција ЕТЦ Травел ДООЕЛ од владата и министерството на Груби.

Тоа е истиот оној брат на Артан Груби кој се стекна со дуќан на улица Македонија по цена од 700 евра за метар квадратен.

Јасна е намерата, уште појасна е братската врска, а најочигледен е судирот на интереси. Целта е да владее криминалот и корупцијата, да се позиционира мрежата насекаде.

Време е ДКСК, ЈО и институциите на прогонот да почнат да ги применуваат законите, зошто тоа е нивна законска обврска, за чие не исполнување еден ден ќе понесат одговорност.

Со почит,

Центар за комуникации на ВМРО-ДПМНЕ

притисни ентер