Зелените со амбиција да станат дел од мнозинство во Европскиот парламент - Канал 5

Зелените со амбиција да станат дел од мнозинство во Европскиот парламент

За остварување на оваа амбиција Зелените се обидуваат да го искористат нивниот нов европратеник и актуелен еврокомесар за животната средина, океани и рибарство Виргинијус Синкевичиус како „мост“ за поврзување со ЕПП. 

Зелените со амбиција да станат дел од мнозинство во Европскиот парламент

Групата Зелени-Европска слобода алијанса (Зелени/ЕФА) во Европскиот парламент отворено пројави амбиции да стане дел од парламентарното мнозинство кое се очекува да продолжат да го сочинуваат Европската народна партија (ЕПП), Прогресивната алијанса на социјалистите и демократите (СД) и либералната „Да ја обновиме Европа“.

За остварување на оваа амбиција Зелените се обидуваат да го искористат нивниот нов европратеник и актуелен еврокомесар за животната средина, океани и рибарство Виргинијус Синкевичиус како „мост“ за поврзување со ЕПП.

Синкевичиус на изборите одржани овој месец беше избран за европратеник како кандидат на Сојузот на демократите „За Литванија“ (ДСВЛ) на поранешниот литвански премиер Саулиус Сквернелис, партија формирана во 2022 година со отцепување од Сојузот на литванските фармери и зелени (ЛВЖС). ЛВЖС досега беше дел од групата Зелени/ЕФА, но реши да премине во редовите на Европските конзервативци и реформисти (ЕЦР), па неговото место сега го зазема ДСВЛ.

Така Синкевичиус, кој кога стана еврокомесар во 2019 година со 28 години беше најмладиот носител на оваа функција во историјата на ЕК, сега ќе се обиде своите врски со претседателката на Европската комисија, Урсула фон дер Лајен да ги искористи за пристапување на Зелените кон парламентарното мнозинство предводено до нејзината ЕПП.

Синкевичиус имаше една од клучните улоги во усвојувањето на некои од контроверзните регулативи од Зелениот договор, како онаа за намалување на отпадот од амбалажа и ревизијата на правилата за емисии на штетни гасови во индустријата. И покрај критиките кон Фон дер Лајен од страна на Зелените поради нејзината одлука да отстапи од некои еколошки барањa во Земјоделската политика под притисок на протестите на земјоделците, Синкевичиус искажува пофални зборови за неа и поддршката што ја добивал од неа како еврокомесар. Во интервју за „Еуроактив“ тој дури изјави дека поддршката на Фон дер Лајен му овозможиla да „придвижи напред“ некои од амбициозните планови за животната средина.

ЕПП досега ја отфрлаше идејата за прием на Зелените во парламентарното мнозинство, но Синкевичиус се надева дека партијата ќе го промени својот став и дека ќе им дозволи на Зелените да станат дел од парламентарното мнозинство „како рамноправни партнери“.

- Зелените можат да играат важна улога во градењето силна коалиција и Комисијата да има комфорен број гласови за амбициозна агенда, изјави Синкевичиус, нагласувајќи дека Зелените се подготвени за „премостување на разликите“.

Тој во својство на еврокомесар често се наоѓаше на расчекор меѓу еколошките и земјоделските интереси, како што беше случај со Законот за обнова на природата, правилата против уништување на шумите, регулативите за емисии на штетни гасови или Законот за почвите, кои имаа негативно влијание врз земјоделскиот сектор.

- Мислам дека мојата работа во Комисијата, докажа дека со вложување дополнителен напор можам да ги премостам разликите дури и кога позициите се екстремно оддалечени една од друга, вели Синкевичиус.

Тој, посочува и дека Зелените се подготвени дел од својот фокус кон животната средина да го насочат и кон економијата и иновациите, кои се очекува да бидат едни од главните приоритети на ЕУ во новиот мандат на европските институции.

Синкевичиус, исто така, го поддржа и ставот на ЕПП за Заедничката земјоделска политика (ЗЗП) и нејзините еколошки правила, кои доведоа до разгорување на протестите на земјоделците ширум Европа во текот на минатата година.

- Тие правилата беа предложени од претходната Комисија, пред усвојувањето на Зелениот договор, но беа финализирани во рамките на овој мандат. Значи, тие имаат многу малку врска со еколошката политика, изјави Синкевичиус во интервјуто.

Сличен став изнесе и Фон дер Лајен при промовирањето на измените на некои еколошки правила на ЗЗП, во обидот да го смири незадоволството на земјоделците.

Синкевичиус ги поддржаа и апелите на ЕПП и либералите ЕУ во новиот мандат да се фокусира на имплементација на Зелениот договор, наместо на негово проширување. - Имавме совршена патека и сега е навистина време за имплементација, рече Синкевичиус, повторувајќи едно од мотата на Фон дер Лајен од кампањата.

Шанса за пристапување кон мнозинството Зелените гледаат и во осипувањето на либералите, кои по загубата на 20 места на изборите, во петокот остана без уште шест европратеници откако нивната група ја напушти партијата Акција на незадоволните граѓани (АНО) на поранешниот чешки премиер Андреј Бабиш.

Доколку гласовите на ЕПП, социјалдемократите и либералите не бидат доволни за реизбор на Фоn дер Лајен, партијата би можела да побара поддршка од европратениците на Зелените. Барањето поддршка од Зелените би претставувало „помало зло“ за ЕПП, бидејќи евентуалното обраќање за помош кон дел од партиите од редовите на десничарската ЕЦР би претставувало ризик некои од социјалдемократските и либералните европратеници во таков случај да одбијат да гласаат за реизбор на Фон дер Лајен.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Спасовски: СДСМ со 225 амандмани за Буџетот, за 600 евра минимална плата, поголем студентски оброк и поддршка за граѓаните

Пратеничката група на СДСМ и Коалицијата има поднесено 225 амандмани на Предлог-буџетот за 2027 година, со конкретни решенија за подобрување на животниот стандард, поддршка на младите, унапредување на здравството, образованието ....

Спасовски: СДСМ со 225 амандмани за Буџетот, за 600 евра минимална плата, поголем студентски оброк и поддршка за граѓаните
Пратеничката група на СДСМ и Коалицијата има поднесено 225 амандмани на Предлог-буџетот за 2027 година, со конкретни решенија за подобрување на животниот стандард, поддршка на младите, унапредување на здравството, образованието и социјалната заштита, како и рамномерен развој на општините.
Координаторот на пратеничката група на СДСМ, Оливер Спасовски, на денешната прес - конференција, посочи дека амандманите се одговор на потребите на граѓаните, наспроти буџетот на власта кој не нуди развој, туку продолжува со погрешни економски приоритети.
Спасовски, рече дека клучен приоритет на СДСМ е зголемувањето на минималната плата на 600 евра, вклучително и обезбедувањето средства за зголемување на платите на вработените кај буџетските корисници. СДСМ предлага и конкретна финансиска поддршка за студентите, младите и образовните институции.
„Меѓу клучните амандмани коишто ги поднесе СДСМ и Коалицијата е амандманот којшто се однесува на минималната плата на вработените кај буџетските корисници. Во образованието побаравме средства за зголемување на студентскиот оброк за 2.500 денари месечно, зголемување на стипендиите од 6.050 на 8.000 денари, финансиска поддршка на студентите, за регионалните центри за стручно образование и за врсничкото насилство во училиштата“, рече Спасовски.
Тој додаде дека со дел од амандманите се бара и повеќе средства за тековно одржување на основните и средните училишта, посочувајќи дека недостигот од средства веќе предизвикува сериозни проблеми во образованието.
„И секако за тековното одржување на основните и средните училишта, заради тоа што се покажува дека имаме сериозен недостаток на средства коишто се однесуваат на блок-дотациите. Впрочем, она што се случуваше изминатиот период, исклучување на струјата на факултетите, на Ректоратот, на некои од училиштата, не смееме како држава да го дозволиме“, рече Спасовски.
Меѓу амандманите се и мерки за поголема заштита на жртвите на семејно насилство преку воведување електронски нараквици за следење на сторителите, поддршка на културните институции и културното наследство, како и зајакнување на здравствената заштита.
„Во областа на МВР, за воведување електронски нараквици за следење на сторителите на семејно насилство, со цел поголема заштита на жртвите и превенција од насилството. Во културата, за поддршка на проектите од културата, заштита на културното наследство, реконструкција на безистенот и објектот Парк во Битола, поддршка за целосна реконструкција на театарот во Куманово, Агенцијата за филм и подобрување на материјалниот статус на вработените во културата и судството, како и целосно опремување на истражните центри при јавните обвинителства. Амандмани за унапредување на здравствената заштита, вклучително и обезбедување средства за набавка на мамографски апарати и проширување на можностите за рано откривање на малигните заболувања преку мамографски прегледи“, рече Спасовски.
Дополнително, СДСМ предлага електронска апликација за проверка на возраста и родителска контрола на пристапот на децата до социјалните мрежи, како и поддршка за лицата со попреченост, борците, жртвите на семејно насилство, малите и средните претпријатија и научно-истражувачката дејност.
Посебен дел од амандманите се однесува на општините. СДСМ поднесува 161 амандман за конкретни инфраструктурни проекти, изградба на старечки домови, детски градинки, катни гаражи, спортски објекти, локални патишта, водоводни и канализациски мрежи, паркови и зелени површини.
Спасовски посочи дека предложениот Буџет за 2027 година не носи развој и не одговара на реалните потреби на граѓаните. Наместо инвестиции и економски раст, повторно се планираат доминантно тековни расходи, што отвора простор за нови ребаланси и дополнително задолжување.
YouTube video

Скопје, 20.11.2026

СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Најдобрите фудбалери против Кипар за опстанок во Б дивизијата од Лигата на нации

Македонија оспатанокот во Б сегментот од Лигата на нации ќе се обиде да го избори во два меча против селекцијата на Кипар. 

Најдобрите фудбалери против Кипар за опстанок во Б дивизијата од Лигата на нации

Најдобрата фудбалска репрезентација на Македонија попладнево денешната ждрепка во седиштето на УЕФА во Нион го дозна противникот во баражот за опстанок во Б-Лигата на нации.

„Црвено-жолтите“ по катастрофалниот настап и шесте порази на исто толку натпревари, за опстанок во овој сегмент за противник ќе ја имаат репрезентацијата на Кипар.

Нашите најдобри фудбалери осптанокот во Б дизивијата ќе се обидат да го изборат на домашен терен, бидејќи првиот натпревар избраниците на Седлоски го играат на 25 март следната година на Кипар, а реваншот е закажан за 28 истиот месец во Скопје.

БАРАЖ ПАРОВИ:

КИПАР – МАКЕДОНИЈА

ЕСТОНИЈА – РОМАНИЈА

ФАРСКИ ОСТРОВИ – ГРУЗИЈА

БЕЛОРУСИЈА – ИЗРАЕЛ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

МЗ: Потпишан петгодишен протокол за соработка со Универзитетот Тракија: обука за македонските здравствени работници во Едрене

Министерот за здравство Сашо Клековски и ректорот на Универзитетот Тракија од Едрене, проф. д-р Мустафа Хатиплер, денеска во Скопје потпишаа протокол за соработка во областа на здравството, со важност од пет години.

МЗ: Потпишан петгодишен протокол за соработка со Универзитетот Тракија: обука за македонските здравствени работници во Едрене

Протоколот е потпишан во рамки на проектот „Мостови на братството“ — балканска соработка во здравството и обука во текот на работата, што Универзитетот Тракија го спроведува со поддршка на Министерството за здравство на Република Турција. Македонија е третата земја вклучена во проектот, по Косово и Бугарија.

Соработката предвидува:

стручни престои и практична обука на македонски здравствени работници на Медицинскиот факултет и во Универзитетската болница во Едрене;

размена на знаење и клиничко искуство меѓу стручните тимови;

заеднички научни истражувања и стручни настани;

институционална соработка што, покрај медицината, ги опфаќа и стоматологијата, фармацијата и здравствените науки.

Протоколот е продолжение на меморандумот за разбирање во областа на здравството што министерот Клековски го потпиша со министерот за здравство на Република Турција, проф. д-р Кемал Мемишоглу, во октомври годинава во Истанбул, каде што стручната размена и специјалистичката едукација беа определени како приоритетни области.

Во делегацијата на Универзитетот Тракија беа и проректорот и декан на Медицинскиот факултет проф. д-р Седат Устундаг, деканот на Факултетот за стоматологија проф. д-р Али Јилмаз и директорот на Универзитетската болница проф. д-р Алкин Чолак.

„Договорите вредат онолку колку што од нив ќе почувствува корист еден пациент. Со овој протокол нашите здравствени работници добиваат место каде ќе се доусовршуваат, а знаењето што ќе го донесат останува тука“, изјави министерот Клековски.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер