Започна судењето на Алек Болдвин: Бараше да му донесат најголем пиштол - Канал 5

Шоу биз

Започна судењето на Алек Болдвин: Бараше да му донесат најголем пиштол

Започна судењето на холивудскиот актер Алек Болдвин за убиство од небрежност.

Започна судењето на Алек Болдвин: Бараше да му донесат најголем пиштол

На Болдвин му се суди за смртоносно застрелување на снимателката Халина Хачинс во 2021 година додека го снимаше вестернот „Раст“. Хачинс загинала кога бил испукан вистински куршум од репликата на револверот Colt .45 со кој вежбал Болдвин. На сетот беше ранет и режисерот Џоел Соуза.

Доколку биде прогласен за виновен, на Болдвин му се заканува затворска казна до 18 месеци. Актерот се изјаснил за невин и рекол дека не знаел дека во пиштолот имало вистински куршум.

Обвинителите на судењето рекоа дека Болдвин го побарал „најголемиот пиштол на располагање“ на снимањето. Обвинителката Ерлинда Џонсон ја опиша жртвата, камерманката Халина Хачинс, како „живописна...ѕвезда во подем“.

„Доказите ќе покажат дека Алек Болдвин бил несовесен за време на продукцијата на филмот и дека пред да пристигне на сетот побарал да му биде доделен најголемиот пиштол на располагање“, рече обвинителот. „Тоа беше вистински пиштол, а не играчка, а Болдвин ракуваше со огненото оружје без безбедносна проверка“, додаде таа.

Таа потоа рече дека Хана Гутиерез му предала празен пиштол на Болдвин. Откако ѝ го вратил, таа го наполнила со лажни куршуми и му го вратила на актерот. „Лажните куршуми изгледаат како вистински куршуми, но лесно се препознаваат бидејќи штракаат“, рече таа. „Но, еден од куршумите што заврши во пиштолот беше вистински“, додаде таа, заклучувајќи дека Болдвин е одговорен што не направил уште една безбедносна проверка.

Безбедносните правила на филмскиот сет налагаат актерите да го третираат секој пиштол како да е вистински и наполнет и никогаш да не го вперуваат кон друго лице и никогаш да не го ставаат прстот на чкрапалото. „На денот на пукањето, Болдвин ги прекршил безбедносните правила“, заклучила таа.

Пред судот се обрати и бранителот на Алек Болдвин, Алекс Спиро.

Тој рече дека она што се случи со Халина Хачинс е „неискажлива трагедија“. „Но, Алек Болдвин не направи никакво злосторство. Тој беше актер, глумеше“, рече Спиро. „Луѓето од сетот Руст кои беа одговорни за безбедноста не ги исполнија своите должности. Болдвин не е одговорен за тоа“, додаде тој.

Тој вели дека основното прашање на кое треба да се одговори е - како вистинскиот куршум завршил на сетот? „Доказите ќе покажат дека вистинските куршуми никогаш не треба да бидат на филмските сетови“, рече тој.

Обвинителите имаат две опции да го докажат обвинението. Едната се заснова на несовесна употреба на огнено оружје, а другата се заснова на докажување на разумно сомневање дека Болдвин целосно ја игнорирал безбедноста на другите.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Принцови, принцези, актери, пејачи... Познати личности на финалето на Вимблдон

Финалето на Вимблдон во недела попладне привлече голем број холивудски ѕвезди и британски познати личности од А-листата.

Принцови, принцези, актери, пејачи... Познати личности на финалето на Вимблдон

Сите очи беа насочени кон Централниот терен, каде што Италијанецот Јаник Синер и Германецот Александар Зверев се соочија во напнат судир.

Кралското семејство во преден план

Меѓу многуте познати лица, особено се издвои принцезата од Велс, која блескаше во елегантен зелен фустан.

Таа пристигна на Вимблдон придружувана од своето семејство. Кејт беше придружувана од принцот Вилијам, принцезата Шарлот и принцот Џорџ, додека најмладиот син, принцот Луис, беше отсутен. Принцезата не ја симна насмевката од лицето, навидум невознемирена од моменталниот топлотен бран, додека принцот Џорџ се разладуваше во Кралската ложа со преносен вентилатор.

Принцезата, исто така, го носеше својот „брош Вимблдон“ во препознатливите бои на турнирот.

Мноштво познати лица

На кралското семејство во престижната ложа му се придружија и мноштво други ѕвезди. Актерката Никол Кидман (59) изгледаше шик облечена во бело одело, придружувана од Дама Ана Винтур. Сиена Милер (44) исто така беше видена во Кралската ложа во убав мини-фустан, додека актерите Бен Стилер и Рами Малек се прегрнаа топло по пристигнувањето. Поп-сензацијата Џенифер Лопез (56) ги пленеше погледите во тесна беж-фустан, која го дополни со елегантна шапка и високи потпетици.

Меѓу гламурозните гости беа водителката Тес Дејли (57) со нејзината ќерка Фиби (21), актерките Дејзи Едгар-Џонс (28), Лили Колинс (37) и Мариса Абела, легендарната Твиги (76) и Ники Хилтон (42). Актерот Том Хидлстон (45) избра стилски морнарски костум, Ендру Гарфилд бел костум од Ралф Лорен, а ѕвездата на „Adolescence“ Стивен Греам пристигна со сопругата Хана Волтерс.

Извор: Индекс.хр

Фото: Инстаграм

Тагови: Вимблдон

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Автомобилизам

„BYD“ подготвува нов „ѕвер“ - ќе чини околу 40.000 евра

„BYD“ подготвува нов луксузен седан „Da Han“, кој ќе им се нуди на клиентите како целосно електричен модел или „plug-in“ хибрид.

„BYD“ подготвува нов „ѕвер“ - ќе чини околу 40.000 евра

Станува збор за автомобил кој користи иста платформа како и теренецот „Da Tang (Great Tang)“, и носи импресивни перформанси и многу брзо полнење на батеријата.

Електричната верзија добива батерија „Blade“ од втора генерација, која, според производителот, овозможува полнење од 10 до 97 проценти за само девет минути. Моделот ќе има управување на задните тркала, како и активна суспензија.

Со должина што е 6,6 сантиметри подолга од стандардниот „Mercedes-Benz S-Class“, „Da Han“ е меѓу најголемите луксузни седани на пазарот.

Основната електрична верзија користи еден електричен мотор сместен на задната оска кој развива 496 КС (370 kW), додека помоќната варијанта со погон на сите тркала има вкупна моќност од дури 764 КС (570 kW).

„BYD“ сè уште не го објави капацитетот на батеријата на електричната верзија, но наведува дека моделот со погон на задните тркала може да помине до 1.008 километри според кинескиот циклус на мерење „CLTC“.

Верзијата со погон на сите тркала има деклариран опсег од 880 километри. Треба да се напомене дека стандардот „CLTC“ дава пооптимистички резултати во споредба со европскиот „WLTP“ циклус.

„Plug-in“ хибридот користи 1,5-литарски турбо бензински мотор со 154 КС во комбинација со електричен мотор со 268 КС. Благодарение на „LFP“ батеријата со капацитет од 54 kWh, овој модел може да помине до 470 километри само на електрична енергија според кинеските мерења.

Според првичните информации, „BYD Da Han“ треба да има почетна цена од околу 41.000 евра.

Извор: Б92

Тагови: BYD

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

„Белата куќа повеќе нема да биде безбедна за Трамп“

Иранскиот пратеник Алаедин Боруџерди, член на Комитетот за национална безбедност на парламентот, изјави дека Белата куќа „веќе нема да биде безбедна“ за американскиот претседател Доналд Трамп.

„Белата куќа повеќе нема да биде безбедна за Трамп“

Боруџерди нагласи дека одмаздата за атентатот врз поранешниот врховен лидер Али Хамнеи станала „обврска“ за неговите следбеници и „сите слободни луѓе низ целиот свет“.

Тој додаде дека Трамп, израелскиот премиер Бенјамин Нетанјаху и „нивните агенти“ треба да очекуваат „слободните луѓе на светот да ја донесат раката на божествената одмазда“, додавајќи дека „ниту едно место во светот, дури ни Белата куќа, нема да биде безбедно“ за нив.

Тој исто така рече дека одмаздата станала „глобално движење“ наместо „ограничен одговор“.

Тагови: Доналд Трамп

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер