Западен Балкан е еден од приоритетите на Бајден

Западен Балкан е меѓу надворешно-политичките приоритети на новата американска администрација, било речено во телефонскиот разговор помеѓу претседателот на САД, Џозеф Бајден и германската канцеларка Ангела Меркел.

Според соопштението на Белата куќа, двајцата државници ги посочиле приоритетните теми, вклучувајќи ги Авганистан, Кина, Иран, Русија и Украина, како и Западен Балкан.

„Претседателот Џозеф Бајден разговараше со германската канцеларка Ангела Меркел, пренесувајќи ја неговата желба за продлабочување на односите меѓу двете земји. Тој ја изрази својата намера да го ревитализира трансатлантскиот сојуз, вклучително и НАТО и Европската унија, како камен-темелник на колективната безбедност и заедничките демократски вредности. “се наведува во соопштението од Белата куќа.

Тие исто така се согласиле за важноста на глобалната соработка, вклучувајќи ја и обновената посветеност на САД кон мултилатералните организации, борбата против климатските промени, борбата против kovid-19 и подобрувањето на здравствената заштита, како и постигнувањето на одржливо глобално економско закрепнување, се наведува во соопштението.

Ова беше петти телефонски разговор на Бајден со странски лидер откако ја положи заклетвата за претседател на САД на 20 јануари.

Претходно, тој разговарал со канадскиот премиер Џастин Трудо, претседателот Андрес Мануел Лопез Обрадор од Мексико, премиерот Борис Џонсон од Велика Британија и претседателот Емануел Макрон од Франција, пренесува УС Њус.

Со авион на „Eр Србија“ пристигна првата пратка од руските вакцини „Спутник V“

Со авион на „Ер Србија“ пред малку на скопскиот аеродром пристигна првата пратка од руските вакцини „Спутник“...

Вакцините, вкупно 3.000, се во соодветно пакување, а ќе се чуваат на – 18 до -20 степени, за што потребната инфраструктура е подготвена. Вакцините ќе бидат ставени во посебни фрижидери, по што ќе се организира и процесот на вакцинација во пунктовите во Здравствениот дом – Скопје. Како што изјави министерот Филипче, вакцинацијата веројатно ќе почне во среда.

Според Филипче, од кинеската вакцина се очекуваат 200.000 дози од кои одредена количина може да дојде за кратко време, но се уште не е точно потврдено кога.

Рускиот амбасадор рече дека вакцината ќе придонесе за спасување човечки животи и за враќање на македонската економија на траекторијата на раст.

Дали предлогот на Заев е со чесни намери или политички трик?

Дали предлогот на Заев за широка коалиција во која би влегла и ВМРО-ДПМНЕ е со чесни намери или политички трик? Политичките аналитичари велат дека за идејата веројатно нема ниту да се дебатира со аргументи, поради поларизираноста на општеството..

Дали на Македонија и е потребна широка Влада и колку оваа идеја на Заев може да се оствари? Дел од политичките аналитичари што ги консултиравме сметаат дека таа е вредна за размислување, но пречка за реалзиирање гледат во лидерставата на двете најголеми партии и ниската полтичка култура во земјава..

-Добро е што сепак ја има иако е задоцнета. И не треба толку лесно да се отфрла оваа идеја.Другиот дел од предлогот да не биде дел лидерот на опзицијата е малку непристоен предлог, бидејќи опозитот на тоа е ако не можат тие двајца да се договорат, тогаш може и Заев да отстапи. Јас мислам дека најдобро е и двајцата да се повлечат, и Мицкоски, и Заев и можеби е време за жена да ја предводи Владата на Македонија, смета Кржаловски. ТОНСКО ПЕНДАРОВ – Станува збор за ефтин политички трик. Заев во овие години како премиер покажа дека има храброст, има итрина, но нема капацитет. Од другата страна на истиот медал, е тоа е господинот Мицкоски, така да реално не ни се пишува добро ни со едниот, ни со другиот, вели Пендаров.

За аналитичарите не е изненадување реакцијата на лидерот на ДУИ, Ахмети, кој како коалиционен партнер на Заев го отфрли предлогот за заедничко владеење со опозицијата, бидејќи велат , така би се нарушиле позициите на интегративците во Владата.

-Ахмети секако е најискусен политичар во сегашнава констелација и јасно му е дека секако ќе биде на штета на ДУ, ако ништо друго и да останат во Владата, ќе се намали бројот на позиции кои тие ги имаа, но поголемата опасност е ДУИ да не биде воопшто дел од таа Влада бидејќи ако се кани ВМРО-ДПМНЕ, зошто не и Алијансата за Албанците, тогаш може да извиси ДУИ., изјави Кражловски.

– Да ја апострофирам реакцијата на ДУИ, без која тешко може да се направи Влада кај нас, а која рече дека треба да имаме и опозиција, што е во право, каква е таа парламентарна демократија без опозиција, смета Пендаров.

Вицепремиерот Љупчо Николовски во денешно интервју за МИА ја дообјасни идејата на Заев за широка коалиција како подадена рака на ВМРО-ДПМНЕ за заедничка борба против корупцијата и демократизација за доброто на државата и граѓаните.

Но ваквата понуда не наиде на поддршка од коалиционите партнери на СДСМ. претседателот на либерал демократите, Горан Милевски, на социјалните мрежи напиша: „Ако си се сакаат, нека си се земат - ЛДП на таква свадба нема да присуствува.“

Генијална тактика или случајност за доцнење на вакцините во Македонија?

Додека Македонија ја чека првата пратка на  Астра Зенека вакцини,  Австрија ја откажа последната пратка на оваа вакцина, поради смрт  на една 49 год.жена која починала а една 35 год. развила емболија по примање на оваа вакцина.

Агенцијата Ројтерс објави текст кој е малку загрижувачки. Имено агенцијата се обидела да ги контактира Астра Зенека за некаков коментар, ама до објавување на нивниот текст не добиле никаков одговор.Во текстот се вели:

„БАСГ добил два извештаи кои се поврзани со вакцина од истата серија на АстраЗенека, а пациентите ја примиле на клиника во градот Цветл во провинцијата Долна Австрија“

Според извештајот, 49-годишната жена починала како резултат на сериозно нарушување на коагулацијата на крвта, а 35-годишна имала белодробна емболија, но се опоравува.

Белодробна емболија е акутно нарушување предизвикано од ненадејна акумулација на згрутчена крв во пулмоналната артерија со последователна опструкција на протокот на крв во белодробното ткиво.

„Во моментов, нема докази за причинско-последична врска на гореспоменатите состојби со вакцината и вакцинацијата“, објави БАСГ.

Швајцарскиот весник Niederoesterreichische Nachrichten, телевизијата ОРФ и новинската агенција АПА објавија дека и двете жени биле медицински сестри, вработени на клиниката во градот Цветл.

Во соопштението на БАСГ се вели дека згрутчувањето на крвта не е меѓу познатите несакани ефекти на вакцината и се додава дека веднаш е покрената истрага за целосно исклучување на каква било потенцијална врска помеѓу вакцината и овие здравствени проблеми, односно фаталниот исход.

„Како претпазливост, повеќе не ги користиме преостанатите залихи од оваа серија вакцини на АстраЗенека“, се вели во соопштението.

Новинската агенција АПА го цитира портпаролот на АстраЗенека дека компанијата е во контакт со австриските власти и ја поддржува истрагата.

Агенцијата потсетува дека вакцината била одобрена и од Европската агенција за лекови и Светската здравствена организација врз основа на глобално клиничко испитување во кое учествувале 23.000 испитаници.

„Сите досегашни проценки покажаа дека вакцината на АстраЗенека против ковид-19 е безбедна и ефикасна“, објави АПА.

Регулаторите на Европската унија ја одобрија вакцината на 30 јануари, со објаснување дека е ефикасна и безбедна за употреба. Несаканите ефекти забележани за време на студијата главно траеле кратко и не биле забележани проблеми со коагулација на крвта.

линк до оригиналната вест

притисни ентер