Претходникот на Чирон и денес е поим за автомобил од соништата. И години по прекинувањето на негово производство, цената на пазарот повторно му расте. Но, и самото поседување на ваков автомобил е вистински предизвик.
Покрај исклучително скапата осигурителна полиса, трошоците за одржување одат до небо и тоа без разлика дали го возите овој автомобил или не. Како што е познато, само замената на моторното масло која е многу комплексна чини околу 25.000 долари, што е на нивото на цената на еден нов компактен „SUV“ автомобил.
Авторот на видеото, Мени Козбин, нагласува дека поседувањето на Вејрон е исклучително скапо. Тој поседува два,а еден е доработуван од тјунерската куќа „ Mansory“. Освен тоа, Козбин наскоро ќе има и Бугати Чирон.
Покрај наведената замена на моторно масло, потребно е и менување на гуми и тоа на две до три години. Тоа се дополнителни 38.000 долари. Потоа, по 16.000 прејдени километри е препорачливо е да се заменат и алуминиумските бандажи а тоа значи додатни 50.000 долари. Значи, сопственикот веќе потрошил 100.000 долари а се уште не стигнал до сопирачките или пак до некој посериозен сервис. Потрошувачката на гориво е исто така енормно голема.
Кога се ќе се собере и одземе, некогашната пресметка од 300 долари по пројден километар и денес е доста реална.