Закерберг и неговата сопруга Чан ќе инвестираат 3,4 милијарди долари за развој на науката

Иницијативата Чан Закерберг (ЦЗИ) синоќа објави податоци за плановите за поддршка во таа област, чија цел е набљудување, мерење и анализа на биолошкиот процес низ човечкото тело.

Компанијата што ги води филантропските работи на извршниот директор на Фејсбук Марк Закерберг и неговата сопруга Присила Чан ќе инвестира околу 3,4 милијарди долари за подобрување на здравјето на луѓето во следните 10 до 15 години, изјави портпаролот на таа организација.

Иницијативата Чан Закерберг (ЦЗИ) синоќа објави податоци за плановите за поддршка во таа област, чија цел е набљудување, мерење и анализа на биолошкиот процес низ човечкото тело.

Организацијата, која има мисија да лекува, спречи или да управува со сите болести до крајот на векот, соопшти дека својата научна работа во следните 10 години ќе ја насочи кон развој на нови истражувања, институти и технологии кои ја помагаат нејзината мисија.

Портпаролот на ЦЗИ Џеф Мекгрегор рече дека ќе бидат дадени 500 милиони долари за формирање на институт на Универзитетот Харвард кој се фокусира на вештачката интелигенција. Институтот, кој ќе ги добива овие средства во следните 15 години, ќе го носи името на Карен Кемпнер Закерберг, по мајката на Закерберг.

Портпаролот прецизира дека меѓу 600 и 900 милиони долари ќе бидат наменети за нов институт за биомедицинско снимање, а една милијарда долари за Чан Закерберг Биохаб мрежата, нова иницијатива која ги обединува научните институции за работа на „големи научни предизвици".

Посебно од 800 милиони до милијарда долари ќе бидат дадени во следните десет години на Биохаб Чан Закерберг, чија цел е да развие технологии за превенција на болести.

Другата компанија на Закерберг, Фејсбук, неодамна го промени своето име и лого, а новото име е Мета платформс.

Средба на Пецаков со претставниците на УНЕСКО, О.Охрид посветена на задржување на статусот

 Градоначалникот на Општина Охрид, Кирил Пецаков со неговиот тим оствари работна средба со претставниците на реактивната мониторинг-мисија на УНЕСКО што престојува во работна посета на земјава.

Пецаков пред членови на Центарот за светско наследство, на Меѓународниот совет за споменици и локалитети и Меѓународната унија за заштита на природата, како и на Националниот координативен тим од Македонија ја истакнал силната посветеност на Општина Охрид за зачувување на природното наследство во Охридскиот регион.

„Детално ги инфомирав за сите чекори кои како Локална самоуправа ги преземаме и со временските рамки за реализација на истите. Силно сме посветени и не отстапуваме во спроведувањето на веќе пропишаните правила за зачувување на статусот од УНЕСКО“, вели Пецаков.

Мисијата на УНЕСКО во Охрид ќе биде неколку дена, а како што посочи претходно министерката за култура Бисера Костадиновска Стојчевска, претставниците на Светската организација се тука за да ја утврдат фактичката состојба околу заштитата на Охридскиот регион на терен,со средби со претставници на сите засегнати институции и субјекти. Од мисијата на УНЕСКО ќе произлезат заклучоци според кои државата е треба да постапува во насока на заштита на Охридскиот регион и неговиот статус во УНЕСКО.

МВР: 34 санкции за прекршоци на возила кои вршат јавен превоз на патници

 Во текот на вчерашниот ден во периодот од 08.00 до 12.00 часот спроведена е акциска контрола на територијата на Република Македонија за санкционирање на прекршоци на возила со кои се врши јавен превоз на патници.

При контролата санкционирани се 34 прекршоци, од кои 23 поради неисправен уред за запирање, соопшти МВР.

Упатени на вонреден технички преглед биле 181 автобус и други возила кои вршат јавен превоз на патници. За време на контролата констатирани и законски санкционирани се и 159 други видови на сообраќајни прекршоци.

Од МВР апелираат до сите учесници во сообраќајот да ги почитуваат сообраќајните правила и прописи, навремено да се проверува техничката исправност на возилата и навремено да бидат отстранети евентуалните недостатоци.

Јокиќ со нов рекорд во НБА

Српскиот кошаркар Никола Јокиќ продолжи да ги поместува границите во НБА и постави нов рекорд. 

Играчот на Денвер стана првиот играч во историјата на најсилната лига на светот кој постигнал повеќе од 8.000 поени, 4.000 скока и 3.000 асистенции во период од пет години во ова натпреварување.

Јокиќ рано утрово постигна 22 поени, десет асистенции и девет скока во поразот на неговиот тим од Феникс со резултат 104:97.

Денвер е бранител на шампионскиот трофеј во НБА-лигата.

Со биланс од 51 победа и 22 порази е лидер на табелата во Западната конференција.

притисни ентер