Според судот, истекувањето на законските рокови во кои тој може да остане во притвор, се главна причина зошто оваа мерка престанува да важи.

-Обвинителниот предлог, по кој е заведен кривичниот предмет, е поднесен на 13 август 2026 година. Согласно член 470 од Законот за кривична постапка, притворот може да трае најдолго 60 дена од денот на поднесувањето на обвинителниот предлог. Заради тоа, како што беше посочено и претходно, а истото беше потенцирано и од страна на судијата кој постапува по предметот, по сила на Законот, мерката куќен притвор за овој обвинет истекува на 13 октомври 2026 година,- – Кривичен суд Скопје.

По 13 октомври Груби ќе биде на слобода, но пасошот и натаму ќе му биде одземен, како мерка која што ќе продолжи да важи и по истекувањето на мерката домашен притвор. Сепак, одбраната веќе понудила гаранција од над 330.000 евра во недвижен имот за да му биде вратен пасошот. На потег се обвинителството и судот.

-Одбраната понуди недвижен имот во вредност од 335.707 евра како гаранција дека обвинетиот ќе биде достапен на органите на прогонот во текот на кривичната постапка. По понудената гаранција е оформен предмет, кој е доставен на мислење до надлежното јавно обвинителство. По добивањето на мислењето, Кривичниот совет ќе постапува по предлогот,- – Кривичен суд Скопје.

Случајот со злоупотреби во Државна лотарија од 9,7 милиони евра е во фаза на испитување на сведоци на обвинителството, а првообвинет е поранешниот директор на лотарија Перпарим Бајрами, кој како и Груби на почетокот од оваа постапка беше во бегство. Покрај Бајрами и Груби пак, за предметот државна лотарија на обвинителната клупа се уште шестмина други лица.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

До овој момент во МНР не е стигнат официјален одговор од Бугарија на барањето кое Муцунски го испрати уште во петокот. Од бугарска страна засега има само порака дека на маргините на конференцијата за Коридорот 8 во Софија ќе има можност за билатерална средба, но без потврда дека таа е договорена и без прецизиран термин.

-Имајќи ја предвид мојата анализа, којашто вчера му ја кажав на министерот за надворешни работи, ќе бидам дипломатски некоректен, а имајќи го предвид однесувањето на официјална Софија не очекувам потврда, не очекувам ништо, очекувам некој дијалог ‘пул а сајд’, ние така го викаме, на коњопој, и тоа отприлика да биде тоа, рече премиерот Мицкоски.

Од опозицискиот СДСМ, пак, реагираат дека Мицкоски намерно го кочи европскиот пат и разгорува тензии со Бугарија пред средбата на министрите за надворешни работи во Софија, откако претседателката на ЕК, како што велат, му ги разобличила лагите за загрозениот идентитет и јазик.

-Сега ќе бидеме сведоци, веќе сме сведоци, за жал, на една стратегија на поткопување на целата оваа состојба, целата атмосфера околу средбата којашто треба да се случи со нашиот источен сосед. Уште пред да се случи таа средба, гледаме стратегија на поткопување на таа средба. Премиерот Мицкоски, сега ќе не тера да размислуваме и да зборуваме само за она што се случувало во минатото, изјави Жерновски.

За дел од аналитичарите евентуална средба меѓу шефовите на дипломатиите во Софија е добар обид за обновување на директната комуникација и би дала позитивен импулс во заладените односи меѓу двете страни.

Марко Трошановски не очекува суштински поместувања, но смета дека ваква средба е почеток на поконструктивен дијалог меѓу Скопје и Софија.

-Мислам дека станува збор за средба којашто исклучително поволно би влијаела за подобрување на тензичните односи. Не очекувам суштински поместувања секако, меѓутоа е позитивен импулс во насока на некакво разбирање. Мислам дека треба да се случи, со што двете страни би требало да се воздржат од победнички тон во изјавите или некаква ултимативна нота. Би требало да биде официјална билатерална средба, не спорадична, како што досега беа ситуациите, смета Марко Трошановски.

Муцунски и Петрова Чамова имаа една официјална средба во мај, годинава, на маргините на состанокот на НАТО во Шведска. Средбата се одржа во амбиент на затегнати билатерални односи и на иницијатива од македонскиот министер Муцунски, но заврши без поместување на позициите.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Вели дека секогаш која се кројат владините политики се земаат предвид и анализите на експертите, но не се согласува со ставот на Фискалниот совет и директорот на фондот Мемов кои вчера дадоа предлози за реформи, меѓу кои и зголемување на придонесите. Засега промени нема да има, ниту во делот на зголемување на старосната граница, кажа премиерот, кој вели дека пари има, само треба да се пренасочуваат од таму кадешто има злоупотреби.

-„ Ние во моментот имаме стабилен пензиски систем и во таа насока ќе продолжиме и во иднина. Не треба апсолутно никој да се грижи. / Ние сме процениле дека политиката којашто значеше зголемување на пензиите линеарно, од една страна значеше дополнителен товар на буџетот, но од друга страна значеше намалување на стапката на сиромаштија во државата, по која бевме лидери во регионот. Сега тоа е променето. “-Христијан Мицкоски – претседател на Влада.

Наспроти тврдењата на премиерот, опозициската СДСМ обвинува дека ПИОМ е пред колапс. Оценуваат дека власта не води сметка за пензионерите и ги става во неизвесност, со план финансиската дупка да се покрива на штета на работниците.

„ Исплатите на пензиите на сегашните и идните пензионери се во ризик. И што прави криминалната власт? Посегнува по џебот на граѓаните, по парите на компаниите, најавува зголемување на придонесите за пензиско осигурување. Нов арамилук. “-Јованка Тренчевска – потпретседател на СДСМ.

Во однос на минималецот за кој СДСМ имаше предлог и во Собрание да се покачи на 600 евра, премиерот изјави дека тој е за повисоки плати, но овој процес според него треба да се одвива преку дијалог меѓу работодавачите и работниците. Таа во моментов изнесува 26.046 денари.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.