Загриженост во Германија од растот на екстремно - десничарскиот криминал - Канал 5

Свет

Загриженост во Германија од растот на екстремно - десничарскиот криминал

Земјата ќе ја продолжи борбата против десничарскиот екстремизам.

Загриженост во Германија од растот на екстремно - десничарскиот криминал

Германскиот министер за внатрешни работи, Александар Добринт денеска во Берлин, на презентацијата на годишниот извештај за работата на ресорот, изјави дека земјата ќе ја продолжи борбата против десничарскиот екстремизам, пренесе бриселскиот портал Политико.

Генерално, во извештајот се наведува дека во текот на минатата година во Германија е регистрирано зголемување од 40 отсто на политички мотивираните злосторства во споредба со претходната година, достигнувајќи 84.172.

Германските власти растот и го припишуваат на зголемената радикализација и политичка поларизација во изборната година, вклучувајќи ги и оние во Источна Германија и за Европскиот парламент, како и домашните „несогласувања“ околу војната во Газа.

Злосторствата што им се припишуваат на сторители мотивирани од десничарска идеологија сочинуваат убедливо најголем дел од сите политички мотивирани злосторства.

Политичките злосторства што вклучуваат насилство, исто така, се зголемија, достигнувајќи го највисокото ниво од 2016 година со 4.107 случаи.

Повеќе од едно од четири насилни злосторства се припишуваат на актери со десничарска идеологија, се наведува во извештајот.

Растечката радикализација се одразува и во нападите врз политичарите и активистите, според Холгер Минх, шеф на германската Федерална канцеларија за криминална полиција.

Минатата година беа регистрирани 8.034 вакви кривични дела.

Официјалните лица, исто така, изразија загриженост поради зголемувањето на антисемитските злосторства.

Во 2024 година, регистрирани се 6.236 антисемитски злосторства, што е зголемување од речиси 21 процент во споредба со претходната година, се наведува во извештајот.

Со оглед на „историската одговорност“ на Германија, Добринт рече дека е особено загрижен за наглиот пораст на антисемитските злосторства, од кои половина се припишуваат на актери со десничарско убедување. /МИА

Тагови: Германија Загриженост

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Перез или Рикелме, Реал Мадрид избира нов претседател

Најтрофејниот шпански фудбалски клуб, Реал Мадрид денеска бира претседател, над 75.000 членови имаат право на глас.

Перез или Рикелме, Реал Мадрид избира нов претседател

Актуелниот Флорентино Перез или Енрике Рикелме е изборот на 75000 членови на Кралскиот клуб со право на глас на денешните претседателски избори, први по 20 години.

Гласањето започна во 9 часот и ќе трае се до 20 часот.

Во кампањата која беше шестока двајцата против кандидати имаа многу ветувања околу нови фудбалери.

Перез кој е фаворит на изборот според анкетите вети дека ако остане на чело на клубот има договор со тренерот Жозе Мурињо, и дефанзивците Ибрахима Конате и Дензел Думфрис, а најави и една суперѕвезда,

Неговиот противкандидат Рикелме вети дека во клубот ќе ги врати легендите Раул, Касилјас, Јеро кои би имале директорски функции, а а како засилувања ги најави Ерлинг Халанд и Родри, додека за тренер ќе преговара со Јирген Клоп.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

САД собори два ирански еднонасочни дрона

Централната команда на САД собори два ирански еднонасочни дрона за напад што го загрозија меѓународниот поморски сообраќај во Ормускиот Теснец,

САД собори два ирански еднонасочни дрона

Американските и иранските сили продолжија да разменуваат нови напади, по една недела во која се случи најлошото разгорување на тензиите откако започна нестабилното примирје и мал напредок кон привремен мировен договор.

Централната команда на САД собори два ирански еднонасочни дрона за напад што го загрозија меѓународниот поморски сообраќај во Ормускиот Теснец, се вели во соопштение објавено на социјалните медиуми во неделата. Нема извештаи за штети.

На соборувањето на дронови реагираше Иран.

Иран го повика Обединетите нации да преземат мерки поради, како што тврди Техеран, повторено кршење на примирјето од страна на САД, откако американските сили извршија напади врз радарски и крајбрежни надзорни објекти во јужниот дел на земјата.

Иранското Министерство за надворешни работи соопшти дека нападите врз објекти во регионот Сирик и на островот Кешм претставуваат „јасно кршење“ на примирјето од 8 април и повреда на суверенитетот и територијалниот интегритет на Иран. Според Техеран, станува збор за објекти што се користеле за заштита на границите и за безбедност на меѓународните поморски рути.

Тагови: Иран САД

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Сончево со температури до 34 степени

Времето денес ќе биде сончево и топло со мала до умерена облачност.

Сончево со температури до 34 степени

Ќе дува слаб до умерен ветер од северен правец. Од пладневните часови ќе има локален развој на нестабилна облачност со пороен дожд, грмежи, засилен ветер и услови за изолирана појава на краткотрајно невреме со град. Максималната температура ќе биде во интервал од 27 до 34 степени, информираат од УХМР.

Во Скопје, сончево и топло со мала до умерена облачност. Ќе дува слаб до умерен ветер од северен правец. Попладне во делови од котлината ќе има појава на нестабилност со пороен дожд, грмежи и засилен ветер. Максималната температура ќе достигне до 32 степена.

Тагови: УХМР

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер