Заев: Месецов во земјава треба да пристигнат над 300 илјади вакцини

 Премиерот Зоран Заев очекува во текот на овој месец во земјава да стигнат околу 300 илјади вакцини од различни производители и процесот на масона вакцинација да тече непречено. 

Вели дека во моментов согласно количината на вакцини што ја имаме капацитетите на вакциналните пунктови не се целосно искористени. Кога тоа ќе се случи, рече Заев, има можност, да се отворат и нови и во главниот град и во внатрешноста.

-Очекуваме во текот на април да пристигнат повеќе од 300 илјади вакцини. Очекуваме да стигнат првите вакцини од од 651-та илјада од Европската унија наменети за Западен Балкан, од кои за нашата земја се 100 илјади. Се надевам дека следните денови или следната седмица ќе стигнат 20 – 25 илјади од нив, бидејќи неколку пати напоменуваме дека не зависи тоа од нас туку и од испорачателот, рече Заев.

Тој вели дека се очекува да пристигне и првата пратка од вакцините од Фајзер, со кој, вели, државата има договор за 800 илјади вакцини, како и втората пратка преку Ковакс механизмот која исто така треба да пристигне во тек на овој месец. Според Заев, се очекува да стигнат и 200 илјади кинески вакцини планирани за овој месец, како и значителна количина од Спутник В, за кои има договор за 200 илјади дози.

Како што истакна премиерот, недостигот на вакцини предизикува проблем и во Германија, Америка, Кина Русија и секаде во светот, и поради тоа не може да се бара одговорност за недостиг на вакцини во земјава.

– Имаме работа треба да се води грижа за граѓаните, за болните, да излекуваме повеќе пациенти, да се фокусираме системот да фунционира, да имаме вака позитивни реакции што ги гледаме од ситемот на вакцинација, да го јакнеме, да го засилуваме, заради тоа што едно е јасно – дека со вакцината може да ја победиме пандемијата, а истовремено да бидеме ефикасен сервис на граѓаните. Така што, не ми паѓа на памет да дадам оставка, ниту да барам оставка од најекспонираниот министер во моментот, а тоа е министерот за здравство кој со здравствениот персонал работи максимално посветено за доброто здравје на нашиот народ, рече Заев одговарајќи на новинарско прашање на денешната прес-конференција.

Тој вели дека кога ќе има поголеми количини на вакцини во земјата, и кога максимално ќе се искористат капацитетите на постојните вакцинални пунктови, може да се отворат нови.

-Во текот на првиот ден во салата „Борис Трајковски" беа вакцинирани 2800 граѓани, потоа околу 3000, таму капацитетот за вакцинирање може да расте до 5-6 илјади. Во самите здравствени институции во моментов капацитетот е соодветен на количините што ги имаме и тој може да се удвои. Кога ќе бидат искористени до максимум постојните капацитети, секако дека стојат на располагање дополнителни можности, спортски сали, организирање на отворно, ќе се направи се за да нема административни пречки за успешна масовна вакцинација, истакна премиерот.

Тој најави дека Владата размислува за формирање два посебни штаба, едниот во кој ќе учествуваат и министрите за надворешни работи, за европски прашања и за одбрана, како и министерот за здравство за поефикасно транспортирање, прифаќање и диструмуција низ земјата за вакцините кои се нарачани. Во вториот, пак, како што рече Заев, ќе бидат вклучени МВР, ЦУК, ДЗС за подобра организација на процесот на вакцинација.

САД се обврзуваат дека ќе бидат предводници во борбата против климатските промени

Соединетите држави ќе се борат против климатските промени или „нема да остане ништо“ од нашата планета, рече американскиот државен секретар, ветувајќи дека ќе изврши притисок врз другите држави да ја намалат зависноста од јаглен.

Пред виртуелниот самит за клима во четврток и петок,чиј домаќин е американскиот претседател Џо Бајден, Антони Блинкен треба да одржи говор по повод враќањето на Вашингтон по повлекувањето на администрацијата на Доналд Трамп

„Ако Америка не го води светот во управувањето со климатската криза, нема да остане многу од нашата планета“, треба да нагласи државниот секретар според деловите на говорот што им се достапни на медиумите, пренесува Франс прес.

„Ако успееме во ова, ќе ја искористиме најголемата можност за генерациите да создадеме квалитетни работни места, да изградиме поправедно, поздраво и поодржливо општество и да ја заштитиме оваа прекрасна планета“, треба да додаде тој.

Иако минатата недела Соединетите Држави потпишаа заедничка декларација со својот главен стратешки противник Кина и ветија дека „ќе соработуваат во справувањето со климатската криза“, Блинкен најавува натпреварување.

"Во моментов доцниме. Кина е најголем производител и извозник на соларни панели, ветерници, батерии и електрични возила. Таа поседува третина од светските патенти за обновлива енергија".

„Ако не го надополниме доцнењето, Америка ќе ја пропушти можноста да ја обликува светската климатска иднина според нашите интереси и вредности и ќе изгубиме безброј работни места за Американците“, ќе рече американскиот државен секретар.

Во таа борба, Антониј Блинкен особено ќе го потенцира притисокот што треба да се изврши врз земјите зависни од јаглен.

„Кога земјите продолжуваат да зависат од јаглен, да инвестираат во нови централи на јаглен или да дозволат уништување на шумите, Соединетите држави и партнерските земји ќе ги предупредат на штетноста на ваквите активности.“

Кина, најголемиот светски производител на стакленички гасови, е одговорна за околу половина од светското производство на електрична енергија од јаглен, што е една од главните сопирачки во борбата против затоплувањето.

Но, ова прашање е чувствително и во САД, поранешниот претседател Трамп кој ја повлече земјата од Парискиот климатски договор, беше поборник на производителите на јаглен, иако побарувачката на САД за јаглен постојано се намалува.

Џо Бајден ги врати САД на договорот на првиот ден од неговиот мандат.

Се засилува ли тимот на „Сексот и градот“ по желба на Сара Џесика Паркер

Актерката Сара Џесика Паркер сака британскиот заводник Хју Грант да се појави во новите продолженија на серијата „Сексот и градот“.

Според странските медиуми, Паркер сака машка sвезда во серијата и дава се од себе за да го убеди Хју Грант да им се придружи на нивната екипа.

„Сара Џесика сфати дека треба голема, навистина голема, машка sвезда да се приклучи на повторната средба на „Сексот и градот“ за да помогне во олеснувањето на отсуството на Ким Катрал, и потенцијално и на Крис Нот, со кого сè уште преговара за враќање и за чија специфична улога сè уште се расправа “, изјавил извор близок на актерката за „Мирор “.

Новата сезона на „Сексот и градот“ се вика „И само така...“ и ќе има десет епизоди. Сара Џесика Паркер ќе биде во улогата на познатата Кери, а со неа во новите продолженија ќе се појават и Кристин Дејвис како Шарлот и Синтија Никсон како Миранда.

Хју Грант и Сара Џесика Паркер работеле заедно неколку пати. Тие прво соработувале во далечната 1996 година во трилерот Extreme Measures, а подоцна и во романтичната комедија „Што има ново со Морганови?“

Ауди го претстави А6 во е-трон изведба (ВИДЕО)

„Ауди“ го претстави „Ауди А6 е-трон“ во концептно издание на автосалонот во Шангај, најавувајќи пристигнување на нови електрични модели.

Единствено заедничко со името на моделот, што многумина го перцепираат како најдобро во сегментот, се димензиите. Концептот е со должина од 4,96 м, широк е 1,96 м и висок 1,44 м. Важно е дека ја користи платформата PPE (Premium Platform Electric), која во иднина, покрај овој модел, ќе ја користат и новите Q5 и Q6, секако во електрични е-трон верзии. Платформата е развиена со Porsche, така што ќе ја користи новиот Macan, а првиот производствен модел ќе биде претставен на пазарот за една година.

Првите впечатоци се дека Ауди нема многу да ги промени производните перформанси. Имено, многумина веќе велат дека новиот A6 може да се види, макар и со мали измени, бидејќи овој има Sportback архитектура со пет врати, па затоа е поблиску до новиот A7.

Најголемите новини во изразот на дизајнот на Ауди се натамошно подобрување на аеродинамиката (cW = 0,22), со поизразен дифузер, затворената предна решетка и поставување нови отвори за ладење на погонот. Нијансата на бојата на Heliosilver со 3Д ефект и поизразената рефлексија и новата генерација на LED светла со дигитална матрица се погрижија за другата страна на концептната приказна. Нивната резолуција е толку добра што фаровите на ѕидот можат, доколку е потребно, да проектираат филм или видео игра.

На задната страна е поставена следната генерација на OLED светла со безброј опции за персонализација на графиката.

Во средината на возилото е батерија со капацитет од 100 kWh, и носи технологија од 800 волти. 10 минути полнење значи и опсег од 300 км, додека полнењето од 5 до 80% трае точно 25 минути. Опсегот е 700 км.

Двата електромотори даваат максимум 350 kW и 800 Nm, што во комбинација со quattro погон значи врвни перформанси. Почетниот модел со еден мотор ќе може да достигне 100 км / ч за помалку од 7 секунди.

И додека моделот на Porsche на платформата PPE (Macan) нема да се произведува во Кина, оние од Audi исто така ќе доаѓаат од Кина, поточно фабриката FAW. Да потсетиме, платформата PPE ќе се користи за модели од големи серии, додека ексклузивците како Audi e-tron GT и Porsche Taycan ќе ја користат платформата J1.

притисни ентер