Македонија

Заев: Домашни платежни картички за над 324.000 граѓани

СДСМ во изминатите три години како владејачка партија покажа дека се води од концептот парите да завршуваат кај граѓаните.

И во време на пандемија и глобална економска криза, веруваме во овој концепт кој сериозно го зголемува животниот стандард на граѓаните.

Со навремени економски мерки за граѓаните и за стопанството градиме нова развојна македонска економија.

Во тек е реализација на третиот пакет економски мерки со кој се зајакнува јавната и приватната потрошувачка на граѓаните со цел заjaкнување на нашата економија.

За првпат, 324.479 граѓани добиваат директна парична поддршка од државата со цел да се зголеми куповната моќ и да се стимулира приватната потрошувачка.

Со оваа мерка 28 милиони евра преку граѓаните, одат директно во домашната економија и тоа за купување домашни производи и услуги во домашни стопански субјекти.

Невработените, активни баратели на работа кои оствариле примања до 180.000 денари во текот на 2019 година и до 60.000 денари од јануари до април годинава, како и примателите на социјална заштита добиваат финансиска помош од 9.000 денари.

Понатаму, вработените кои за периодот од јануари до април годинава оствариле примања не повеќе од 60.000 денари, добиваат финансиска помош до 3.000 денари на платежна картичка и ваучер за домашен туризам вреден 6.000 денари.

Средношколците и студентите од 16 до 29 години добиваат платежни картички со вредност до 3.000 денари, а над 4.300 здравствени работници кои беа на првата линија во борбата против коронавирусот ќе добијат 40% од последната основна нето плата.

За домашната платежна картичка, граѓаните нема потреба да аплицираат, туку истата ќе ја добијат системски и едноставно.

На интернет страницата www.kupuvamdomasno.gov.mk граѓаните може да се информираат за тоа дали се корисници на картичката, нејзиниот паричен износ и постапката на издавање.

Вкупно бројот на посети на Интернет страницата „Купувам домашно" е 3.745.921, односно толку пати до сега е отворена страната.

Уникатни посети се 1.129.181 односно толку пати е отворена страната од различни уреди. Тоа значи дека во просек секој граѓанин кој ја отворил страницата, тоа го направил повеќе од три пати.

Има 194.192 проверки со добитен матичен број, односно ова е бројот на граѓани кои се корисници на домашна платежна картичка и досега тоа го провериле на самата страна.

Веќе се исплатени 27.8 милиони евра кон деветте банки издавачи на домашната картички, а банките досега имаат испечатено околу 50.000 картички кои согласно роковите, до 18 јули ќе им бидат поделени на граѓаните корисници на оваа мерка, а јас верувам и многу порано.

Кризата со коронавирусот остави сериозни последици врз светската и домашната економија.

Владата предводена од СДСМ презеде навремени и сериозни мерки со цел да се ублажат првичните удари и да се постави основа за брза трансформација на нашата македонска економија.

Овие платежни картички и ваучери се само дел од трите пакети мерки кои обезбедуваат нова развојна македонска економија.

Во изминатите три години покажавме дека економските столбови на програмата во целост ги реализиравме, ќе покажеме и сега дека преку навремени, одговорни и ефикасни решенија брзо ќе ја надминеме економската криза и за брзо повторно ќе се вратиме на стапките на раст што ги имавме пред кризата со коронавирусот.

Како никогаш досега од самостојноста на државата се вратени пари кон граѓаните. Во последните три години се пуштија огромни десетици и десетици милиони евра директно пари кон граѓаните и домашните компании.

Преку Законот за поддршка на инвестициите, преку ИПАРД, преку ФИТР, преку Министерството за економија – туристички ваучери за ниско платени работници, преку мој ДДВ, преку субвенции во земјоделство, економија, здравство, образование, култура итн, преку зголемена социјална помош и зголемени плати и пензии преку зголемена минимална и просечна плата и многу други начини.

Колку е значајно зајакната економската капацитетност на државата во последните три години доказ е и сегашната капацитетност и подготвеност со 550 милиони евра на 730.000 граѓани да се помогне оваа тешка здравствена и економска криза. Имаме капацитет и подготвени сме да продолжиме да помагаме и во следните месеци и години. Тоа е резултат на успешните економски политики.

Покажавме и докажавме дека можеме да имаме економски силна држава подготвена да им се најде и на граѓаните и на компаниите.

Како одговорна партија продолжуваме со реализација на мерките што обезбедуваат економски раст и развој и повеќе пари кај секој граѓанин, во секое семејство.

Зоран Заев, претседател на СДСМ

Живот

Балканци прават скара на вулкан- лавата врие, тие пеат (ВИДЕО)

На TikTok профилот „bata.osovina“ неодамна беше објавено видео кое привлече внимание кај корисниците од оваа област.

Авторот покажа како тој и неговиот пријател прават скара, пеат и уживаат во близина на активен вулкан.

Од нивниот говор е јасно дека момчињата се по потекло од Балканот, а нивната авантура не остана незабележана во медиумите, особено од Босна и Херцеговина.

@bata.osovina #viral ♬ original sound - Bata Osovina

Снимката од скарата, додека вулканот исфрла лава и чад, собра повеќе од 1,1 милион прегледи, а гледачите во голем број ја коментираа сцената.

„Честитки, какви императори“, „Цел свет доаѓа, се слика и бега кога има ерупција, само Балканот прави скара и слуша музика“, „Нам Балканците ни лава не ни може ништо“ , пишува во дел од пораките.

Во меѓувреме, авторот објави уште едно видео и објасни што се случува:

„Ова не е прв пат да правиме вечера на вулкан, печевме колбаси, пици, јајца... Беше опасно, но не бевме единствените таму. На сите им препорачувам да купат билет, да дојдат на Исланд и да го посетат вулканот. Не толку блиску како што сме ние, затоа што е опасно. Вакво нешто гледате само еднаш. Но, внимавајте, ќе треба да го оставите автомобилот на час и 20 минути од вулканот и да дојдете пешки“, вели момчето.

@bata.osovina Odgovor korisniku @Leo Freeze #iceland #srbija #bosna #hrvatska ♬ original sound - Bata Osovina

Меѓу многуте коментари го забележавме следново: „Да имаше активен вулкан на Балканот, околу него ќе печевме свињи и јагниња“, „Ова не се карамелизирани туку вулканизирани ќебапи“, „Балканска скара во близина на активен вулкан. Ништо необично“.

@bata.osovina #viral ♬ original sound - Bata Osovina

Има и такви кои веруваат дека се работи за монтажа, па ви оставаме да ја погледнете снимката и сами да процените.

Свет

Лондонскиот аеродром Хитроу за летово предвидува најголем промет во историјата

Лондонскиот аеродром Хитроу (LHR) денеска соопшти дека сезоната на летни одмори ќе биде „најпрометната досега“ .

Лондонскиот аеродром Хитроу (LHR) денеска соопшти дека сезоната на летни одмори ќе биде „најпрометната досега“ и дека вработените ќе вложат големи напори аеродромот да работи непречено „дури и ако има повторување на штрајковите на персоналот“ кои ја одбележаа минатата година .

Бројот на патници кои го користат аеродромот се очекува оваа година да надмине 82,4 милиони. Тоа би била најпрометната година досега, за 1,5 милиони патници „поуспешно“ од 2019 година, кога низ аеродромот поминале 80,9 милиони патници, пишува британскиот дневен весник „Гардијан“.

Ова го потврди комерцијалниот директор на аеродромот, Хавиер Ечав, бидејќи Хитроу се соочува со неизвесна иднина, а предложената продажба на најголемиот британски аеродром во вредност од 6 милијарди фунти се уште е доведена во прашање.

Намерата на шпанската компанија Ferrovial да го купи аеродромот заедно со австралиската инвестициска компанија Macquarie е „на чекање“, откако фирмата од Сиднеј одлучи да се откаже од својот удел од 35% во Хитроу. Во меѓувреме, нема други понудувачи. Покрај нив, за преземање на 25% удел во сопственоста на аеродромот беа заинтересирани и Државниот инвестициски фонд на Саудиска Арабија и француската приватна инвестициска компанија Ардијан.

На почетокот на овој месец, аеродромските власти ја повикаа владата да го укине воведувањето на нова наплата од 10 фунти за транзитните патници, предупредувајќи дека тоа ќе влијае на бројот на патници и ќе ги стави аеродромите во Британија во неповолна положба во однос на европските конкуренти. Хитроу го повтори овој повик во средата, а истовремено ги повика министрите да ја разгледаат „анти-развојната“ туристичка такса, што значи дека туристите плаќаат ДДВ за набавките.

Живот

Девојка скока во базен од огромна височина, снимката има над 39 милиони прегледи (ВИДЕО)

Џени Ван Кавијк се занимава со нуркање, а неодамна изведе трик на крузерот „Harmony of the Seas“, четвртиот по големина во светот.

На почетокот ја гледаме на скокалницата, додека покажува кон „малиот“ базен. Признаваме дека ни се заврти од висината, додека девојката „уживаше во сѐ“.

Неколку моменти подоцна таа скокна, изведе неколку акробации и се втурна во водата, токму онаму каде што „нишанеше“.

Клипот дефинитивно не е за секого, а собра повеќе од 39,6 милиони прегледи.

„Вие сте фантастични! Не би имал храброст да се искачам на скала, а камоли да скокам“, напишал еден корисник.

Друг додаде: „Стомакот ми се преврте додека го гледав ова“.

притисни ентер