Забранета за пиење и водата во Крушево, може да се користи само како техничка - Канал 5

Македонија

Забранета за пиење и водата во Крушево, може да се користи само како техничка

Ешерихија коли, ентерококи и зголемен број на колимфорни бактерии се детектирани во водата во Крушево...

Забранета за пиење и водата во Крушево, може да се користи само како техничка

По гостиварци, забрана за користење на водата добија и крушевчани, но само за пиење, може да ја употребуваат технички, велат од центарот за здравје во Прилеп. Изворот на загаденоста не е канализациски или фекален, туку причината е недоволното хлорирање на водата, а и можен дефект на цевководот, што може да доведе до секундарна контаминација со материи од органско потекло.. Зголемен број на лица кои побарале лекарска помош нема, епидемиолошката состојба мирува – вели директорот на ЦЈЗ – Прилеп Кузевски.

„Водата е бактериолошки неисправна и има отсуство на резидуален хлор. Одма да кажам, водата не смее да се пие, не смее да се користи за перење, миење, не смее да се користи за миење на садови, исклучиво само како техничка вода. Денес се зема третиот примерок од трите мерни места, утре ќе излезе веќе првиот од средата земен, веќе понеделник или вторник ние ќе ги имаме третите последователни резултати.“

Во меѓувреме, во Гостивар и натаму продолжува хиперхлорирањето, се вршат постојани анализи, со цел гостиварчани до крајот на викендот, или в понеделник да добијат барем техничка вода, а кон крајот на следната недела и питка.

Што се однесува до Валандово, според анализите, водата е безбедна и граѓаните можат да ја користат за сите потреби. Анализите покажале дека присуството на арсен е 1,47 мгл на литар, што е далеку од максималната граница од 10мгл. Градоначалникот Камчев побара јавноста исклучиво да се води од експертите за да не се доведува во заблуда.

„Дилемата е расчистена, Валандово има безбедна вода за пиење, ние како Општина Валандово и како ЈП Комунално претпријатие во текот на наредниот период ќе направиме уште вонредни анализи, граѓаните мора да знаат каква вода консумираат и ние како општина имаме обврска да алармираме ако се случуваат било какви физички или хемиски промени во водата за пиење.“

Опозициската СДСМ пак во прашање го доведе квалитетот на водата И во Велес, откако објавија извештај кој според нив покажувал дека и таму водата е загадена со бактеријата Ешерихија Коли. Градоначалникот Колев за Канал 5 вели дека се злоупотребени лански извештаи од велешки села кои не се на градската водоводна мрежа. Тој уверува дека велешани ја пијат најчистата вода во Македонија, а за оние кои како што вели лажно обвинуваат, најавува тужба

„Користат стари извештаи од места кои немаат никаква поврзаност со градскиот водовод. Водата во Велес нема никаков проблем, никогаш немала, нема ниту да има, се работи стручно и секојдневно истата подлежи на проверки. По консултацијата која ја имав со адвокатот од општината, ќе ги преземам сиоте законски дејствија кои ми се на располагање, со цел да ги заштитам граѓаните на Велес од лажни вести.“

Забрана за пиење на водата има и во тетовското село Лешок, и истата може да се користи исклучиво за техничка употреба. Од ЈП Хигиена Теарце уверуваат дека се работи на санација, а во меѓувреме, во тек е изработка на филтер станица и изградба на нов резервоар кој ќе им овозможи на жителите континуирано безбедна вода.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Секторот за компјутерски криминал повика 13 лица поради ширење на лажни информации за водата во Скопје

 Со лицата е извршен службен разговор, при што сите се изјасниле дека информациите ги објавиле или споделиле откако претходно виделе слична објава на социјалните мрежи или слушнале од друго лице.

Секторот за компјутерски криминал повика 13 лица поради ширење на лажни информации за водата во Скопје

Министерството за внатрешни работи ја информира јавноста дека Секторот за компјутерски криминал и дигитална форензика при МВР, во врска со ширењето на лажните информации на социјалните мрежи за наводно загадување на водата за пиење во Скопје, до сега повика 13 лица на информативен разговор.

Со лицата е извршен службен разговор, при што сите се изјасниле дека информациите ги објавиле или споделиле откако претходно виделе слична објава на социјалните мрежи или слушнале од друго лице. Притоа, никој од нив не посочил конкретен, потврден или веродостоен извор кој би ги поткрепил тврдењата за загадување на водата.

Секторот за компјутерски криминал и дигитална форензика ќе продолжи со прибирање и анализа на податоци со цел да се потврдат сите околности поврзани со настанот, како и начинот на кој информациите се појавиле и понатаму се ширеле во интернет просторот.

Министерството за внатрешни работи укажува дека ширењето на непроверени и неточни информации, особено кога станува збор за прашања што се однесуваат на здравјето и безбедноста на граѓаните, може да предизвика неоправдана паника и вознемиреност во јавноста.

Апелираме до граѓаните да не споделуваат информации чија точност не е проверена и да се информираат исклучиво од официјални и релевантни извори. Одговорното користење на социјалните мрежи и проверката на информациите пред нивно објавување или споделување се од суштинско значење за спречување на дезинформации и заштита на јавниот интерес.

Тагови: вода

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Силна експлозија во фабрика за муниција во Италија (ВИДЕО)

Силна експлозија одекна во фабрика за муниција во близина на италијанскиот град Колеферо, југоисточно од Рим, а детонацијата, според извештаите на локалните медиуми, се слушнала на километри оддалеченост.

Силна експлозија во фабрика за муниција во Италија (ВИДЕО)

Ројтерс известува дека пожарникарите и полицијата брзо пристигнале на местото на пожарот што избувнал во индустрискиот комплекс. Надлежните служби веднаш почнале да проверуваат дали има жртви во несреќата.

Експлозијата се случила во поранешната фабрика „Симел Дифенс“, која сега ја управува „KNDS Amo Italia“, дел од француско-германската одбранбена група „KNDS“.

Телевизиските снимки покажуваат голем облак од густ чад што се издига над индустрискиот погон, додека службите за итни случаи интервенирале во областа на фабриката.

„KNDS Amo Italy“ произведува муниција со среден и голем калибар за копнени и поморски одбранбени системи, како и цврсти ракетни погонски горива за системи за лансирање во вселенската индустрија.

Компанијата е исто така меѓу изведувачите вклучени во рамковните договори на Европската агенција за одбрана за набавка на артилериска муниција од 155 милиметри, склучени во 2023 година.

Во времето на објавување, не беше познато дали има повредени или смртни случаи, ниту што точно ја предизвикало експлозијата.

Тагови: Италија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Украина и предлага на Русија прекин на нападите врз цивилни цели во Црното Море

Украина испрати понуда од трета страна до Русија за двете страни да престанат да напаѓаат цивилни цели во Црното Море, изјави за Ројтерс извор запознаен со ситуацијата.

Украина и предлага на Русија прекин на нападите врз цивилни цели во Црното Море

Украина сè уште не добила одговор на својата понуда, додаде изворот.

Во последните недели, двете страни изјавија дека меѓусебните напади врз пратките со жито и инфраструктурата во виталниот воден пат би можеле значително да влијаат на светските цени на храната оваа година.

Извор: Индекс.хр

Тагови: русија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер