Мотивот на Митровска која била посвоена на нејзини три години да си ги најде родителите е да ја дознае нивната медицинска историја, велат нејзините адвокати, но законот за семејства, завршените посвојувања ги категоризира како тајна, а таа поради стресната потрага по вистината преживеала и мозочен удар. Адвокатите на Митровска од Млади правници велат дека таа нема да може веднаш да дојде до бараните информации, туку ќе треба да чека промена на законот што оваа пресуда ќе ја иницира...

-По добивањето на ваквата пресуда сметаме дека обврските кои што ги има нашата држава се имплементирани на ваквата пресуда, тука се вклучува и комитетот на министри кој што треба да го следи извршувањето на ваква пресуда и треба да се направи еден акционен план кој што ќе следи во нареден период во однос на тоа како оваа пресуда ќе биде имплементирана кај нас. Тоа значи дека ќе треба нашата држава конкретно да преземе сет на мерки за да превенира слични или идни вакви постапки во иднина каде нема да има повреда на членот 8, а со тоа ќе треба да се промени и законот за семејство,- -Александра Цветановска – Млади правници.

Ќе ја отвори ли нејзината битка вратата кон вистината и за останатите посвоеници во Македонија? Министерот за труд и социјала Ѓоко Велковски за Канал 5 вели дека постоело расположение за измена на законот за семејство и во минатото, но се сведувало само на дебати. Сега, по ваквата пресуда од Стразбур се надева дека конечно ќе се изготви соодветен закон во корист на граѓаните...

-Пресудата доаѓа од една институција која што е многу достојна и верувам дека тоа што е пресудено е во корист на граѓанката од Македонија. Ова прашање некако низ годините се провлекува, секогаш било дебата условно кажано отворена да ги познаваат или да не ги познаваат своите биолошки родители. Започнат е еден таков процес меѓутоа во само првична форма, буквално како известување, како сознание, а не и повеќе, така да еве можност стручните лица да дадат мислење и за нешто повеќе да се отвори по однос на ова, како закон,- – Ѓоко Велковски – Министер за труд и социјална политика.

Според Цветановска, сега треба да бидат преземени мерки за измени на законот за семејство како конкретна активност и нашата држава да регулира на кој начин и во кои услови посвоениците и за кои потреби ќе можат да дојдат до податоци за биолошките родители..

Директорката на АХК во Македонија Антје Ванделт посочи дека токму овој фактор ги демотивира странските компании да инвестираат во земјава, а решението го гледа во дуалното образование, но и во самите компании кои смета дека треба да обезбедат подобри услови за вработените.

-Дури 70 проценти од германските инвеститори во државата сметаат дека недостигот од стручни кадри е еден од најголемите ризици, помеѓу другото води кон тоа да се одразува кон тековното производство, да се одбиваат налози и да се намалуваат планирани тековни инвестиции. Комнаниите да не седат со скрстени раце туку да се обидуваат на вработените кои веќе ги имаат да им овозможат подобри услови,- Антје Ванделт – директорка на АХК во Македонија.

Останати предизвици за инвеститорите според анкетата се трошоците за персонал но и економско политичката состојба во државата. Сепак, на прашањето дали компаниите повторно би инвестирале во земјата, најголемиот дел од испитаниците односно 69% одговориле позитивно. За задржување на овие позитивни резултати Ванделт упати како што рече, неколку желби до новата Влада.

- Прва желба е продолжување на отворениот дијалог. Понатаму, контструктивна размена и консултации со економските тела, коморите, пред да се носат законски измени кои би се одразиле на производната индустрија. Би сакале зголемување на ефикансноста во делот на административните процеси, како што е издавање дозволи за работа, за престој, потоа поголема транспатнетност во процесите и натамошна дигитализација и продолжување на веке започнатите инфраксуктурни проекти.

Во врска со инвестициските расходи, 30 % од компаниите имаат намера да ги зголемат своите инвестиции, 33 да останат на истото ниво, а 37% да ги намалат издатоците за инвестиции.

Анкетата за оценка на деловната клима во Македонија се спроведува 19 години помеѓу германските инвеститори и компаниите членови на Македонско-Германското стопанско здружение.

Ова е главната порака упатена од Самиот за Западен балкан кој се одржува во Котор под слоганот под слоганот „Еден регион, заедничка визија“. Лидерите на земјите од регинот меѓу кои и техничкиот премиер Џафери, продружуван од првиот вицепремиер Марчиќ ја истакнаа посветеноста на реформите, како клучен чекор за доближување на регионот во Унијата.

„Очекувам да се спроведат најновите патокази кои се однесуваат на забрзаното придвижување кон заедничкиот внатрешен пазар, но и спроведувањето на реформската агенда “--Талат Џафаери, технички премиер.

„Посветеноста на ЕУ за забрзување на евроинтегративните процеси на земјите од Западен Балкан и на Македонија е силен поттик за нас на ниту еден начин да не го опструираме овој процес. Станува збор за процес за брза европеизацијата на државата којашто мора да продолжи според веќе утврдените планови и приоритети за просперитет на секој граѓанин, на Македонија и на регионот и Европа“-– Бојан Маричиќ , прв заменик претседател за европски прашања.

Српскиот престедател Вучиќ Вучиќ поздравувајќчи го Планот за раст порача дека очекува да донесе добри резултати во регинот, додека албанскиот премиер Рама порача дека земјите од регинот се подготвени и ЕУ треба да ги отвори вратите и пред спроведување на сите реформи, на што помошник државен секретар на САД Џејмс О'Брајен порача дека земјите од регинот прво мора да ги завршатат домашните задачи. Според еврокомесарот Вархеји, пак Планот за раст веќе се реализира, а придобивките ќе можеле да се почуствуваат веќе од следната година.

„Подготвивме индивидуални реформски планови, идентификувавме клучни иницијативи, кои ќе нѐ доближат до заедничкиот пазар и, конечно, почнавме да се подготвуваме за заеднички регионален пазар. Накратко, подготвени сме“,– Еди Рама, премиер на Албанија.

„ Убавината на Планот за раст е во тоа што за секој учесник поракта е едноставна – завршете ја својата домашна задача и немојте да барате другите прво да прават нешто за вие да може да ја завршите работата. За секој лидер тука колку и да се другите прашања поважни, на секој од вас е со помош од нас да го завршите вашиот дел од работата“-– Џејмс О’Брајен, помошник државен секретар на САД.

Планот за раст на Западен Балкан, кој Европската комисија го усвои во ноември лани предвидува финансиска поддршка од шест милијарди евра, од кои две милијарди се грантови, а четири милијарди поволни заеми од ЕУ.