Убиен Саиф ал-Ислам Гадафи, син на убиениот либиски лидер Моамер Гадафи - Канал 5

Свет

Убиен Саиф ал-Ислам Гадафи, син на убиениот либиски лидер Моамер Гадафи

Саиф ал-Ислам Гадафи, еден од синовите на убиениот либиски лидер Моамер Гадафи, почина, објави неговото семејство синоќа без да даде дополнителни детали.

Убиен Саиф ал-Ислам Гадафи, син на убиениот либиски лидер Моамер Гадафи

Во исто време, неговиот политички кабинет соопшти дека Саиф ал-Ислам Гадафи е убиен.

Саиф ал-Ислам е убиен во „предавнички и кукавички“ чин, во кој четворица маскирани мажи упаднале во неговата резиденција во западниот либиски град Зинтан, соопшти кабинетот.

Неговиот адвокат Халед ал-Заиди потврди за ДПА дека врз Саиф ал-Ислам Гадафи бил „извршен атентат во неговиот дом“.

„Ал-Арабија“ јави дека 53-годишниот Гадафи бил застрелан во градината на неговата резиденција во Зинтан, повикувајќи се на извори блиски до семејството Гадафи.

Постоеја шпекулации дека милиции блиски до владата на премиерот Абдул Хамид Дбеибе со седиште во Триполи би можеле да стојат зад убиството. Милиција поврзана со Министерството за одбрана во Триполи ги отфрли обвинувањата како лажни, негирајќи каква било вмешаност.

Се вели дека Саиф ал-Ислам Гадафи се подготвувал за враќање во политичкиот живот, потег што можеше да претставува предизвик за Дбеибе и неговите сојузници.

Во соопштението, политичкиот кабинет на Саиф ал-Ислам Гадафи ги повика либиското правосудство, меѓународната заедница, Обединетите нации и организациите за човекови права да отворат независна и транспарентна локална и меѓународна истрага за убиството.

Ал-Ислам Гадафи (53), кој го бара Меѓународниот кривичен суд (МКС) за злосторства против човештвото, долго време се сметаше за потенцијален наследник на својот татко, објавува „Ле Фигаро“.

Сеиф ал-Ислам Гадафи негувал имиџ на умерен реформатор, но тој имиџ се срушил кога вети крвопролевање на почетокот на востанието во Либија, објавува парискиот весник „Париз“.

Тој бил уапсен во јужна Либија по налог на МКС и бил долго време притворен во Зинтан, а во 2015 година бил осуден на смрт по скратено судење пред да биде помилуван.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Полски автобус се преврте во Унгарија; 12 загинати

Дванаесет лица загинаа, а најмалку десет се повредени откако полски автобус се преврте во текот на ноќта на автопат во источна Унгарија. 

Полски автобус се преврте во Унгарија; 12 загинати

Унгарскиот премиер Петер Маѓар ја соопшти веста за несреќата во објава на Фејсбук утрово пренесува Ројтерс.

Рано утринава, автобус излета во канал и се преврте на автопатот М3, во близина на градот Мезехерестеш. Полицијата соопшти дека возилото се движело кон градот Њиреѓхаза. Државната новинска агенција МТИ известува дека во автобусот имало 57 патници и двајца возачи.

Истрага за причините Во соопштението, полицијата наведе дека автобусот излетал во канал и се превртел на дел од патот што бил прав.

„Првичните информации укажуваат на тоа дека возачот веројатно заспал“, се наведува на веб-страницата на полицијата. Потврдено е дека возачот на автобусот е приведен, а сите повредени се пренесени во болница.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Сончево со температури до 36 степени

Времето денес според Управата за хидрометеоролошки работи ќе биде сончево со мала до умерена локална облачност. 

Сончево со температури до 36 степени

Ќе дува слаб до умерен ветер од променлив правец. Максималната температура ќе биде во интервал од 30 до 36 степени.

Во Скопје, сончево со слаб ветер од променлив правец. Максималната температура ќе достигне 35 степени.

Тагови: УХМР

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

За излез од Македонија на ГП Богородица час на Табановце 30 минути

Поголема фреквенција на возила има и на граничните премини. 

За излез од Македонија на ГП Богородица час на Табановце 30 минути

Зголемен број возила е регистриран утрово на патиштата низ земјава, особено на делниците надвор од населените места, информира Автомото сојузот на Македонија.

Сообраќајот на државната патна мрежа генерално се одвива без поголеми проблеми, а коловозите се суви и проодни.

Поголема фреквенција на возила има и на граничните премини.

На ГП Табановце се бележи задржување од околу 30 минути при излез од Македонија, додека најголемо чекање има на ГП Богородица, каде возачите и патниците во моментов се задржуваат околу еден час.

На останатите гранични премини од македонска страна засега нема подолги задржувања при влез или излез од државата.

Од АМСМ апелираат до возачите да ја приспособат брзината кон условите на патот и да ја почитуваат поставената сообраќајна сигнализација.

Се препорачува дополнително внимание при движење низ котлините, речните долини и клисурите, каде што постои ризик од појава на одрони.

Посебна внимателност се советува на патните правци Катланово–Велес, Маврово–Дебар–Струга, Виница–Берово и Кочани–Делчево.

АМСМ ги повикува учесниците во сообраќајот да возат внимателно и да ги почитуваат ограничувањата, особено во услови на зголемен сообраќаен интензитет.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер