Вучиќ: И натаму ќе ја оспорувам независноста на Косово за инает на ЕУ, а во слава на Србија - Канал 5

Балкан

Вучиќ: И натаму ќе ја оспорувам независноста на Косово за инает на ЕУ, а во слава на Србија

Српскиот претседател Александар Вучиќ ја критикуваше резолуцијата на Европскиот парламент по извештаите на Европската комисија, наведувајќи дека Белград заостанува во реформите потребни за влез во Унијата.

Вучиќ: И натаму ќе ја оспорувам независноста на Косово за инает на ЕУ, а во слава на Србија

Во исто време, опозицијата бара националниот телевизиски сервис да ги објави резолуцијата и извештаите во целост.

Осврнувајќи се на дел од резолуцијата за здравствениот систем, Вучиќ денеска им нагласи на новинарите дека Србија има опрема, лекови и вакцини токму затоа што не се потпира на ЕУ, оценувајќи дека тие се изгубени во времето и просторот, и дека Србија нема недостаток на медицинска опрема.

За време на посетата на градилиштето на мостот на Сава кај Шабац, Вучиќ пред новинарите прочита делови од резолуцијата на ЕП во врска со здравствениот систем, велејќи дека Брисел, во оценката дека Србија страда од недостаток на ресурси, веројатно го гледа своите двор. Тој потсети дека Србија испратила донации на медицинска опрема во одредени земји и дека во моментот има 500 респиратори во својот магацин.

Одговарајќи на забелешките од Унијата дека има загриженост во врска со дезинформациската кампања за делегитимирање на државноста на Косово, Вучиќ истакна дека е горд на тоа, на што ќе продолжи да инсистира.

„Горд сум што ја делегитимирам независноста на Косово и ќе продолжам да го правам тоа и покрај ЕУ, и на слава на Србија, не можам да сторам ништо друго“, рече Вучиќ.

Коментирајќи ја денешната изјава на европратеничката Тања Фајон дека Србија има уште многу работа да стори на патот кон Унијата, особено во борбата против корупцијата, правдата и обезбедувањето на почитување на слободата на изразување, Вучиќ посочи дека Србија се бори против организираниот криминал и одземањето имоти од Евреите,алудирајќи дека седиштето на нејзината партија е во Љубљана во вилата на еврејското семејство Москович.

Фајон, која е во тимот на европратеници кои ќе посредуваат во меѓупартискиот дијалог меѓу владата и опозицијата, за порталот Нова.рс изјави денеска дека позицијата за обврските на Србија на патот кон ЕУ не е само нејзина позиција или позиција на нејзината политичка група, но и на ЕП, што го потврди со гласање за Извештајот за напредокот на Србија.

Дека значителен дел од српската јавност немаат информации, што, всушност, се наведува во извештаите на ЕК за Србија за 2019 и 2020 година и резолуцијата на ЕП, покажува денешното барање на опозициската Партија на слободата и правдата националниот телевизиски сервис Радио телевизија на Србија да го објави комплетниот извештај.

Партијата оценила дека криењето на клучните елементи од извештајот за Србија директно го загрозува европскиот пат на земјата, бидејќи тоа јасно му покажува на Брисел дека државниот врв на Србија не е заинтересиран за ставовите на институциите на Европската унија.

Во усвоената резолуција, ЕП жали за недостаток на напредок во многу области на реформската агенда на Србија и за фактот дека има дури и назадување во прашања клучни за пристапот во ЕУ. Било наведено дека, и покрај фактот дека ЕУ е водечки трговски партнер на Србија и најголем донатор на помош, Србија посветува непропорционално внимание на трети земји, се вели во резолуцијата на Европскиот парламент, нагласувајќи ги влијанијата на Русија и Кина.

Исто така, било истакнато значењето на усогласувањето на надворешната и безбедносната политика на Србија и ЕУ, како неопходност за пристапување на Србија во Унијата, со оценката на известувачот на ЕП за Србија, Владимир Бичик дека надворешната политика на Србија е најмалку усогласена со европската политика .

Резолуцијата на ЕП била усвоена со 538 гласа „за“, 69 „против“ и 79 воздржани.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Се урна таван во супермаркет во Јужна Кореја, десетици повредени

Најмалку 38 лица се здобија со полесни повреди откако дел од гипсениот таван се урна во супермаркет во јужнокорејскиот град Даегу, соопштија денеска локалните противпожарни служби.

Се урна таван во супермаркет во Јужна Кореја, десетици повредени

Тие потврдија дека уште 66 лица биле евакуирани од објектот по уривањето, за кое било пријавено во 10:16 часот по локално време, пренесува „Јонхап“.

„Девет лица се пренесени во болници на лекување. Иако постои можност бројот на повредени да се зголеми, итните служби на терен проценија дека е малку веројатно некој да се здобил со сериозни повреди“, изјави претставничката на противпожарната служба, Јун Џонг-ми.

Кабинетот на јужнокорејскиот претседател Ли Џе-мјунг соопшти дека на официјалните лица им било наложено да вложат максимални напори за спасување на луѓето и да обезбедат детален и брз одговор на оваа несреќа.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Здравје

10 октомври - светски ден на менталното здравје

Светскиот ден на менталното здравје се одбележува секоја година на 10 октомври, со цел да се подигне свеста за значењето на менталното здравје и да се поттикнат активности за подобра поддршка на луѓето ширум светот.

10 октомври - светски ден на менталното здравје

Овој ден е можност отворено да се зборува за психичките тешкотии, предизвиците со кои се соочуваат луѓето и потребата од достапна, навремена и соодветна грижа. Менталното здравје е важен дел од целокупното здравје, но и понатаму многу луѓе се соочуваат со предрасуди, недоволно разбирање и тешкотии при барањето стручна помош.

Светскиот ден на менталното здравје ги обединува здравствените работници, институциите, организациите и заедниците во настојувањето психолошката поддршка да стане подостапна за сите. Тоа е можност да се претстават досегашните активности, но и да се укаже на она што сè уште треба да се направи за секој човек да може да добие соодветна помош, без оглед на местото каде што живее или неговите финансиски можности.

Стресот, анксиозноста, депресијата, осаменоста и емоционалното исцрпување можат да влијаат врз секојдневниот живот, односите со блиските и работната способност. Затоа е важно да се препознаат знаците дека некому му е потребна поддршка и да се создаде средина во која луѓето ќе можат слободно да зборуваат за своите чувства и проблеми, без страв од осуда.

Грижата за менталното здравје не треба да биде ограничена само на еден ден во годината. Разговорот со блиска личност, доволниот одмор, одржувањето здрави односи и барањето стручна помош кога е потребна се важни чекори кон подобра психолошка благосостојба.

Пораката на Светскиот ден на менталното здравје е дека никој не треба да се соочува сам со своите тешкотии. Подигнувањето на свеста, намалувањето на стигмата и обезбедувањето достапна здравствена заштита се клучни за општество во кое менталното здравје ќе се третира со исто внимание и разбирање како и физичкото здравје.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ВМРО-ДПМНЕ: Мастер планот на Филипче е пак да и се умилкува на Бугарија за така да дојде на власт

Филипче постојано повторува дека подобра преговарачка рамка немало. Но токму таа преговарачка рамка е она што ја држи државата заглавена пред вратата на ЕУ.

ВМРО-ДПМНЕ: Мастер планот на Филипче е пак да и се умилкува на Бугарија за така да дојде на власт

Филипче препишува од тетратката на Румен Радев и на Петрова Чамова и ја повторува тезата дека бугарското барање е европска позиција а не билатерален спор.

Потоа се жали по јавни настапи дека некој му го урнал угледот, никој не му го урнал ниту нему ниту на СДС, освен тие самите преку стабри здравство и марихуана економија.

Па сега после сите капитулантски договори, Филипче најавува и нов мастер план.

Мастер планот на Филипче е да дојде на власт по секоја цена, да им го исполни барањето на Бугарија со впишување Бугари во Уставот и да го заврши она што го почна Заев.

Значи мастер планот кој го најавува вклучува нова отстапка на штета на националните интереси.

А секако Филипче, како другар на Радев, сега молчи за моштите на Цар Самуил, и се обидува да ја префрли топката на историчарите.

Со почит,

Центар за комуникации на ВМРО-ДПМНЕ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер