Вучиќ ги одликува суспендираните косовски полицајци: Нема да останете на улица - Канал 5

Балкан

Вучиќ ги одликува суспендираните косовски полицајци: Нема да останете на улица

Српскиот претседател Александар Вучиќ денеска им додели медали на суспендираните функционери на косовската полиција (КП) на северот на Косово и рече дека тие ја послушале својата земја.

Вучиќ ги одликува суспендираните косовски полицајци: Нема да останете на улица

Полицискиот началник Ненад Ѓуриќ минатата недела беше суспендиран од функцијата директор на Полициската управа Северна Митровица, а капетанот Александар Филиповиќ од позицијата раководител на Регионалното оперативно работење на таа управа, поради сомневање за саботажа и повик за отпор по изјавите дека полицијата на северот на Косово, претежно населен со Срби, нема да ја спроведе одлуката на владата во Приштина за предупредување до Србите кои не ги пререгистрирале возилата со таблички „РКС“, на што се противи Белград.

Реагирајќи на мерките што ги презема владата во Приштина, рекоа дека одлуката е политичка и насочена против српската заедница.

„Ја послушавте вашата земја, дури и кога не се согласувавте со нејзините одлуки, а најчесно се однесувавте кога бевте спречени да ја извршите вашата должност“, рече Вучиќ на церемонијата.

Тој оцени дека Ѓуриќ и Филиповиќ ги бранеле исконските европски вредности, како што доликува, наведувајќи дека тоа е и почитување на потпишаните меѓународни договори. Тој им се заблагодари на наградените полицајци за чувањето на мирот и стабилноста сите овие години.

Одлуката на владата на Албин Курти да ги замени регистарските таблички издадени во Србија со оние со ознаката RKS (Република Косово), наместо статусно неутралните таблички на КС, какви што досега беа користени по препорака на мисијата на ОН на Косово (УНМИК), поттикна нови спорови, тензии и протести на Србите, а српските претставници во владата, судството, локалната администрација и полицијата решија масовно да ги напуштат косовските институции.

Во меѓувреме, САД и ЕУ побараа од Курти да го одложи спроведувањето на одлуката за десет месеци за да не се наруши процесот на дијалог за нормализација на односите, но Курти најави постепено спроведување на одлуката, одложувајќи ги мерките за април следната година. .

Ѓуриќ е одликуван со Орден за заслуги за одбрана и безбедност од прв степен, кој се доделува за натпросечно, примерно и почесно извршување на должностите и задачите од областа на одбраната и безбедноста, а Филиповиќ е одликуван со медал „Милош Обилиќ“за храброст за дејствијата во кои дојде до израз личната храброст.

Вучиќ вети дека ниту одликуваните полицајци ниту околу 3.500 функционери кои поднесоа оставки од косовските институции нема да останат на улица и дека државата Србија ќе се грижи за нив.

Во меѓувреме, косовските Срби се поканети од Приштина и од Вашингтон и Брисел да се вратат во институциите, но тие опстојуваат на одлуката, барајќи укинување на одлуката за смена на регистарските таблички и формирање заедница на српските општини во Косово, на кои Приштина се обврза со Бриселскиот договор од април 2013 година, постигнат под покровителство на ЕУ.

Официјален Белград инсистира ЕУ да се изјасни дали Бриселскиот договор сè уште постои или не, имајќи предвид дека ЕУ е спонзор и гарант за неговото спроведување.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Изборните анкети во Србија без конкретен фаворит- предвидуваат победа и за Вучиќ и за студентската листа

Мртва трка со само неколку проценти предност за партијата на Вучиќ, односно за Студентската листа, предвидуваат изборните анкети на ден пред изборите во Србија. 

Изборните анкети во Србија без конкретен фаворит- предвидуваат победа и за Вучиќ и за студентската листа

Според „Нова српска политичка мисла“ , Студентската листа е во предност за 2 процента пред Вучиќ или 44,5 наспрема 42,7 проценти. ИПСОС , пак предвидува победа на Вучиќ со предност од 7,4 проценти пред Студентската листа или 47,4 наспрема 40 проценти.

Вонредните парламентарни избори во Србија, кои ќе се одржат на 25 октомври, ќе бидат 15-ти парламентарни избори во таа земја од 1990 година, а воедно и јубилејни, десетти вонредни избори. Право на глас имаат околу шест и пол милиони гласачи, кои ќе изберат 250 претставници во српскиот Парламент.

Според политичките проценки, ова се најважните парламентарни избори во Србија од падот на Слободан Милошевиќ во октомври 2000 година.

Главната битка се води помеѓу две листи - онаа на Александар Вучиќ и студентската листа, која во моментов е негов најголем противник.

Вучиќ се обидува со овие избори да ја врати премиерската функција и на тој начин да остане на власт, која ја држи од 2012 година. Ова се и првите избори на кои Вучиќ не е фаворит и на кои студентската листа има големи шанси за победа.

Секако, конечната пресуда ќе ја дадат гласачите, а многу ќе биде познато веќе во недела навечер, по 20 часот, кога ќе бидат објавени првите резултати. Доколку по овие избори во Србија се формира нова влада, тоа ќе биде 21-ва влада по ред од 1990 година.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Црна хроника

Лишени од слобода 12 возачи за „безобѕирно управување со моторно возило“, 10 возеле без положен возачки испит

Во текот на изминатото деноноќие, на различни локации во државата, полициски службеници лишија од слобода 12 возачи поради сторено кривично дело „безобѕирно управување со моторно возило“ .

Лишени од слобода 12 возачи за „безобѕирно управување со моторно возило“, 10 возеле без положен возачки испит

Во текот на изминатото деноноќие, на различни локации во државата, полициски службеници лишија од слобода 12 возачи поради сторено кривично дело „безобѕирно управување со моторно возило“ по член 297-а од Кривичниот законик.

Од нив, 10 управувале возило без положен возачки испит и тоа: Д.Г.(20) и К.Д.(23), И.Ш.(28), С.Т.(20) сите од Скопје, Р.Ш.(22) од с.Морани, скопско, А.В.(20) од с.Радишани, скопско, Љ.М.(59) од с.Ресава, кавадаречко, Н.Ј.(35) од с.Слупчане, Општина Липково, и А.А.(18) од Прилеп и Д.К.(18) од с.Тополчани, прилепско. Со активна мерка - забрана возило управувале Д.Ќ.(47) од Велес и М.Б.(30) од Крушево. По целосно документирање на случаите, ќе бидат поднесени соодветни кривични пријави.

Апелираме до сите учесници во сообраќајот да ги почитуваат сообраќајните правила и прописи, да не управуваат возило без положен возачки испит или доколку имаат изречена мерка за забрана за управување или доколку се под дејство на алкохол и сите заеднички да придонесеме за побезбеден сообраќај, соопшти МВР.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Голема рација во Италија- полицијата врши претреси во повеќе градови поради насилните протести

Италијанската полиција изврши повеќе од 150 претреси во Милано, Монца и уште 20 градови, главно во Ломбардија, како дел од истрагата започната по немирите од минатиот викенд со кои се бори Италија, објави Анса.

Голема рација во Италија- полицијата врши претреси во повеќе градови поради насилните протести

Италија се соочува со голем тест - за денес се планирани десетици протести.

Италијанската влада во среда усвои декрет за итни мерки за зачувување на јавната безбедност и борба против малолетничкиот криминал, по неодамнешните демонстрации и насилни судири во Милано.

Мерките предвидуваат превентивно притворање на малолетници, построги казни за организирано насилство и распоредување на дополнителни 500 војници на улиците на градот.

Според новите правила, се воведува претпоставка за здрав разум за малолетници кои наполниле 14 години, што значи дека ќе се сметаат за способни да го разберат значењето на своите постапки и да ги управуваат, освен ако не се докаже спротивното.

Тагови: италија протести

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер