Свет

Вредноста на германскиот извоз во октомври падна за 2,8 отсто на 124,6 милијарди евра

 Вредноста на германскиот извоз падна за 2,8 отсто на 124,6 милијарди евра во октомври, што е најниска вредност во речиси три години, објави денеска германската Федерална статистичка служба Дестатис.

Според извештаите, германскиот извоз во земјите од Европската унија е намален за 0,7 отсто, а извозот во земјите кои не се членки на ЕУ за 5,3 отсто.

Извозот во САД е значително намален за 12,2 отсто на месечно ниво, исто како и извозот во Кина за 3,8 отсто и Русија за 9,4 отсто, додека, наспроти тоа, германскиот извоз во Велика Британија е зголемен за 2,1 отсто.

Ако го анализираме десетмесечниот период од јануари до октомври, ќе заклучиме дека вредноста на германскиот извоз паднала за 1,2 отсто на годишно ниво на 1,3 билиони евра, се наведува на веб-страницата Дестатис.

Генерално, германската индустрија е многу внимателна во однос на развојот на странскиот бизнис, се вели во посебен извештај на Институтот за економски истражувања ИФО во Минхен за ноември.

Најтешко погодена е металната индустрија која очекува значителен пад на извозот, а лошото расположение владее и во автомобилската индустрија и машинското производство. Во хемиската индустрија, позитивните и негативните изгледи се речиси во рамнотежа, додека германските производители на храна и пијалаци се во најдобра позиција и очекуваат раст на извозот.

Свет

Мелони ќе оди на инаугурацијата на Трамп, Орбан не доаѓа

Италијанската премиерка Џорџија Мелони во понеделник ќе присуствува на инаугурацијата на новоизбраниот американски претседател Доналд Трамп.

Италијанската премиерка Џорџија Мелони во понеделник ќе присуствува на инаугурацијата на новоизбраниот американски претседател Доналд Трамп, соопштија синоќа претставници од нејзиниот кабинет, а нејзините поддржувачи се надеваат дека таа ќе стане мост меѓу Вашингтон и Европа во следните четири години.

Мелони го посети Трамп на неговиот имот Мар-а-Лаго на Флорида на почетокот на овој месец, заработувајќи пофалби од новиот претседател, кој ја нарече „фантастична жена“.

Трамп го прекрши преседанот и покани неколку странски лидери на церемонијата на инаугурација. Историски гледано, тие не присуствуваа поради безбедносни причини и испратија дипломати.

Покрај Мелони, аргентинскиот претседател Хавиер Милеи, уште еден силен поддржувач на Трамп, рече дека ќе присуствува. Сепак, друг поддржувач на Трамп, унгарскиот премиер Виктор Орбан, нема да го стори тоа, рече неговиот портпарол оваа недела.

Кинескиот претседател Си Џинпинг, исто така, нема да присуствува, и покрај поканата, но испраќа пратеник. Поддржувачите на Мелони се надеваат дека конзервативната италијанска лидерка ќе има привилегиран пристап до Трамп во следните четири години и ќе стане мост меѓу Вашингтон и Европа.

Македонија

Петрушевски: СДС останаа последното упориште на Артан Груби

СДС останаа последното упориште на Артан Груби.Само СДС не се отргна од Груби. Месец дена СДС молчи за Груби.

Да не беше СДС и нивната желба за власт по секоја цена во прв ред немаше воопшто да се случи Груби.

Артан Груби направи милионски криминал во време кога МВР го водеше Оливер Спасовски, премиери беа Заев и Ковачевски, а судството и обвинителството беа под целосен притисок од нив.

Во таква ситуација СДС не може да кажат дека не знаеле што прави Артан Груби.

Дополнително за Груби и неговото криминално однесување гласно зборуваше и ВМРО-ДПМНЕ и медиумите.

СДС мора да собере храброст и да се извини за Артан Груби. Се додека не се извинат за криминалите на Груби се дотогаш не можат да кажат дека се отргнале од него и од ДУИ.

Само целосно соочување со реалноста и извинување за Груби ќе значат за СДС нов лист. Се додека не го направат тоа, тие покажуваат дека се истата партија која беше коалиција со Груби додека тој крадеше, рече Бране Петрушевски, пратеник на ВМРО-ДПМНЕ.

Свет

Сирени за тревога и експлозии во Ерусалим, ден пред прекинот на огнот во Појасот Газа

Во Ерусалим изутрината одекнале експлозии, набргу откако се огласиле сирените за тревога во градот и централниот дел на Израел, ден пред стапување во сила на договорот за прекин на огнот во Појасот Газа и ослободување на заложниците.

Израелската војска соопшти дека проектили биле истрелани кон Израел од Јемен, но биле пресретнати и уништени од проиввоздушната одбрана.

Јеменските бунтовници Хути започнаа напади на израелска територија по избувнивањето на војната во Појасот Газа, тврдејќи дека се солидарни со Палестинците.

По објавувањето на прекинот на огнот во Појасот Газа, Хутите предупредија дека ќе продолжат со нападите доколку Израел не ги почитува условите од договорот.

притисни ентер