Во обраќањето во законодавниот дом по презентацијата на анализите за јавното мислењето кај македонските граѓани за евроинтеграциите, Рокас ги повика сите општествени чинители да се обединат и да бидат како што кажа, прагматични на патот кон членство. Според него, на овој начин и со спроведување на реформите ќе се надминат и пречките кои Македонија на европскиот пат.

-Вратата на ЕУ е широко отворена. Сметам дека во овој момент е неопходно земјата да се обедини, владата, опозицијата, собранието и граѓанското општество да бидат прагматични и да ги забрзааат реформите, и ви гарантирам дека ако ова се случува, без оглед на тоа што мислат граѓаните за пречките кон пристапувањето, дека ќе се надминат тие проблеми. Тоа не е само шанса што треба да се искористи, туку такво е времето, таков е историскиот период,- - Михалис Рокас – Евроамбасадор.

Според истражувањето на Институтот за демократија Социетас Цивилис, по неколку години пад, минатата 2025 забележано е зголемување на поддршката кај граѓаните за влез во ЕУ. 71 процент од нив сметаат дека местото на Македонија е во Унијата, а значително зголемување од 15 проценти има кај етничките Македонци. Сепак, податоците покажуваат дека и натаму има отпор кон уставните измени, односно само 11 проценти од етничките Македонци сметаат дека треба да има промена на уставот, наспроти 57% од Албанците. Најголемиот дел од испитаниците претпочитаат и повторно репреговарање на реговарачката рамка, нешто што од првиот човек на институтот Марко Трошановски го оцени како нереално.

-За прв пат оваа година по неколку години пад, поддршката за ЕУ бележи значителен пораст и надминува 70 проценти или 71 процент на луѓе го поддржуваат членството во ЕУ доколку утре се одржи референдум. / Токму геополитичката несигурност придонесува за тоа граѓаните да се наклонуваат кон опцијата која ја сметаат за најдобра, а тоа е ЕУ. / Околу една четвртина граѓани сметаат дека Македонија треба да работи на промена на преговарачката рамка, нешто што е резултат на претходните насоки од политичктие партии, но нешто што за жал е прилично невозможно да се случи,- - Марко Трошановски – ИНститут за демократија „Социетас Цивилис“.

Податоците според претседателот на комисијата за еворпски прашања Антонио Милошоски се доказ дека нема дилема за членството во Унијата како цел, но прашањето било како да се стигне до тоа со како што кажа, менливите услови. Лидерот на опозицијата Филипче пак, како загрижувачка ја оцени како што кажа, антиевропската реорика на владата и лоцирањето на вина воБрисел, додека домашната работа не е завршена. Истражувањето инаку како што информираа од институтот било спроведено преку теренска работа во периодот од 22 октомври до 5 ноември минатата година, на примерок од 1003 испитаници.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.