Македонија

Во вторник истекува рокот за поднесување на барање за амнестија

Уште два дена им остануваат на обвинетите за настаните за 27 април да поднесат барање за амнестија.Рокот тече, но многу работи останаа нејасни, особено по изјавата на обвинителката Русковска.

Тече рокот за поднесување барања за амнестија, на обвинетите им остануваат уште два дена да се изјаснат дали ќе побараат да бидат помилувани или ќе одговараат пред судовите.Петмина веќе поднеле барања . Меѓу нив се пратениикот Крсто Мукоски, вработениот во УБК, Оливер Радулов, Никола Митревски-Кољо и Младен Додевски, а во текот на утрешниот ден амнестја ќе побара и пратеникот Сашо Василевски, најавува неговиот адвокат.

Каква ќе биде судбината на Дамовски, Дурловски, Јовановски и Илиевски засега е неизвесно. Обвинителство и одбраната со спротивнио ставови. Рускоска смета дека не ги исполнуваат условите за да бараат амнестија, адвокатот Еленко Миланов вели дека несомено треба да бидат амнестирани.

И додека јавноста и обвинителите лицитираат со имињата на оние што ќе бидат опфатени со амнестијата, дел од експерите предупредуваат дека вака скорен Законот за амнестија го подрива владеењето на правото.

„Донесувањето на овој Закон јас го гледам исклучиво во насока на имплементирање на Преспанскиот договор, секоја друга природа на самиот Закон мислам дека не треба да ја разгледуваме, бидејќи точно се знае зошто овој закон се носи. Доколку тоа се става под банерот на помирување, мислам дека е грешна насоката во која се движи владата, со ова директно се подрива владеењето на правото, а тоа е еден од клучните критериуми кој земјите членки на ЕУ ѝ го дадоа на Република Македонија на Советот во јуни“, ВЕЛИ Начев во интервјто дадено за Радио Слободна Европа.

Двајца од 33-та обвинети за крвавиот четврток, Јане Ченто и Игор Југ јавно посочија дека нема да бараат милост, правдата ќе ја бараат на суд. Амнестијата нема да ги опфати организаторите, лицата кои извршиле физичко насилство, кои носеле оружје и фантомки и лицата кои ги пречекориле службените овластувања. За судбината на оние кои ќе побараат да бдиат амнестирани, ќе одлучуваат Јавното обвинителство и кривичен од вторник. Кој ќе се спаси од затвор, а кој не, ќе се знае на 30-ти декември.

Живот

Побеснет бик фрла жена како да е кукла- ја молеле да не му приоѓа, не ги послушала (ВИДЕО)

На социјалните мрежи кружи застрашувачко видео снимено на плажата Ла Фортуна, во близина на мексиканскиот град Сан Лукас.

Туристка се обидела да ги собере работите, кога бик опасно ѝ се приближил. Луѓето се обиделе да ја предупредат, но таа не послушала.

На почетокот, жената во црн фустан ги собира работите од песокот, додека бикот ги мириса. Слушаме како луѓето ја предупредуваат да побегне.

„Премногу си играте со него. Ве молам, немојте да го правите тоа“, рекол еден маж.

Меѓутоа, жената не се откажала и ја ставила раката на главата на животното, како да го турка.

„Ве молам, не го правете тоа“, продолжил да се моли човекот.

Опасното животно молскавично реагирало и ја удрило жената со рогови. Сведоците на инцидентот почнале да врескаат, пренесува Daily Mail.

Туристката успеала да стане, но бикот повторно ја соборил на песокот. Се кренала прашина, а никој не се осмелил да ѝ пријде и да ѝ помогне на несреќната жена.

„Се обидувавме да ви кажеме“, се слушаат извици.

Останува нејасно од каде дошол бикот на плажата и зошто ѝ пришол на жената. Во исто време не се знае нејзиниот идентитет и со какви повреди се здобила или дали е жива.

Технологија

Аватари на починати за 46.000 евра- дигитална реинкарнација преку вештачка интелигенција

Враќањето на мртвите во живот преку технологија до неодамна беше поврзано само со филмови, но со напредокот на вештачката интелигенција - вакво нешто повеќе не е само прашање на фикција.

Технолошкиот сектор за тага, познат и како „технологија на смртта“, сега се проценува на повеќе од 100 милијарди фунти на глобално ниво, според веб-страницата за технолошки вести TechRound.

- Го клонираме изгледот на една личност до 96,5% сличност со оригиналната личност - вели Мајкл Јунг, финансиски директор на DeepBrain, една од компаниите кои фиктивно ги враќаат луѓето во живот.

Компанијата верува дека овој вид технологија може да биде важен за развојот на културата на „добра смрт“, каде што однапред се подготвуваме за смртта на најблиските, оставајќи ја семејната историја, приказни и спомени како дел од наследството.

Сепак, процесот не е евтин и корисниците не можат сами да креираат аватар. Наместо тоа, тие треба да ѝ платат на фирмата до 50.000 долари. И покрај оваа висока цена, некои инвеститори се уверени дека ќе биде популарна, а DeepBrain собра 44 милиони долари во својот најнов круг на финансирање.

Психологот Лаверн Антробус предупредува дека треба да се биде многу внимателен кога се користат такви „технологии на тага“ во периоди на силни емоции.

- Загубата е нешто што нѐ изненадува. Може да мислите дека сте прилично блиску до тоа да бидете добро, а потоа нешто може да ве врати назад – вели таа, а пренесува Би-би-си.

Антробус додава дека луѓето не треба да брзаат да го користат четботот на изгубената сакана личност.

- Треба да се чувствувате прилично цврсто пред да користите вакво нешто. Сфатете ги работите многу, многу бавно.

Таа исто така, предупредува дека не постои замена за човечката поддршка кога станува збор за надминување на тагата.

- Навистина не можам да замислам дека технологијата ќе ги преземе традиционалните аспекти на жалоста, кои се однесуваат на чувството на блискост со луѓето, чувството на грижа за нив, чувството на благодарност.

Свет

Камион виси на мост во Кентаки: Пожарникари ја извлекуваат жената- возач (ВИДЕО)

Во судница во Кентаки е прикажано видео од спасувањето на жена која возела камион што виси над река откако нејзиното возило излета преку оградата на мостот.

На видеото се гледа и несреќата што довела до оваа неверојатно опасна ситуација на мостот Кларк во Луисвил, Кентаки, пренесува ABC 7.

Видеото од 1 март покажува како возачката избегнува автомобил запрен на мостот, за да удри во камионот следниот момент. Можете да ја видите и снимката од камерата од кабината на камионот - едната што ја снимила возачот, а другата што ја прикажува ситуацијата пред камионот.

Сидни Томас (26) која го управувала камионот, иако се трудела максимално да го контролира возилото, не успеала и изгубила контрола над него - камионот наеднаш свртел налево и ја пробил оградата на мостот. Кабината на камионот во кој се наоѓала Сидни во следниот момент висела на околу 30 метри од водата. Таа очајно се држела за воланот за да не испадне од кабината.

На пожарникарите од Луисвил им требало речиси еден час за да ја одведат на безбедно, па беа поздравени како херои, што и заслужиле.

Возачот на пикапот што ја предизвикал несреќата, 33-годишниот Тревор Бранам, се соочува со повеќе обвиненија, меѓу кои и суспендирање на дозволата. Тој бил на суд завчера и се уште не се пријавил со своја одбрана.

Еве како изгледаше оваа страшна несреќа: