Во викендичката на „Веља Невоља“ се најдени бункери полни со оружје, таму ги убивале жртвите

Викендичката во Ритопек, за која што се сомнева дека му служела на тимот на Вељко Беливук и Марко Миљковиќ за тортура и брутални убиства, повторно е опколена од белградската полиција.

Според неофицијални информации на неделникот НИН, истражителите пронашле скриени подземни простории со оружје и експлозив.

Беливук, попознат како Веља Невоља, пред неколку години со својот тим ја презеде власта на југот на Партизан. Многу други навивачи на Партизан тогаш ја напуштија јужната трибина затоа што мислеа дека Беливук ги користи „Гробарите“ само како параван за криминални работи. Екипата на Веља Невоља е осомничена за убиство, киднапирање и трговија со дрога. Тие се поврзани со бројни исчезнувања во Србија во последните неколку години.

Околу куќата има припадници на полицијата.

Истражителите се сомневаат дека во тие простории најверојатно биле вршени ликвидациите, пишува Курир.

Специјалните единици започнале вечерва со собирање докази, а се претпоставува дека новите материјални траги и информации се добиени врз основа на податоците од шифрираните телефони, но и сведочењата на членовите на групата кои решиле да соработуваат со обвинителството и полицијата.

Според репортерот на Курир од местото на настанот, колона оклопни автомобили придружувани од полицијата пристигнале во куќата во Ритопек. Припадниците на жандармеријата и полицијата се исто така околу викендичката.

Поради сообраќајна несреќа, сообраќајот помеѓу Прилеп и Лагово се одвива по стариот пат

 Поради сообраќајна несреќа што се случила патниот правец Прилеп – Битола сообраќајот помеѓу Прилеп и Лагово се одвива по стариот пат, информираат од ЈП Македонија пат.  

Екипите на ова јавно претпријатие се на лице место и работат на расчистување и нормализација на сообраќајот.

Кари се искачи на 30. место на листата на најдобри стрелци на сите времиња во НБА

 Најдобриот кошаркар на Голден Стејт вориорс, Стеф Кари се искачи на 30. место по бројот на постигнати поени во историјата на НБА.

Триесет и шестгодишниот Американец ноќеска на натпреварот со Њујорк никс постигна 27 поени и сега има 23.360.

Кари го престигна Роберт Периш (23.334 поени) и се искачи на 30,место на вечната листа поентери во најсилната кошаркарска лига на светот.

Најдобар стрелец во историјата на НБА е актуелниот играч на Лос Анџелес лејкерс, Леброн Џејмс со 40.179.

Цане Мирков дарувал крв 75 пати, благодарници за крводарители доделени во Кавадарци

Цане Мирков дарувал крв 75 пати, благодарници за крводарители беа  доделени синоќа во Кавадарци, настанот го реализираше Општинската организација на Црвен крст од овој град. 

Претседателот на Црвен крст Кавадарци, Димитар Каракулев, потсети дека годинава се одбележуваат 79 години од основањето на Црвениот крст на национално ниво.

- Бележиме врвни резултати. На врвот сме по крводарување во државата, минатата година бевме најдобри по проекти изработени од млади, за промоција на хумани вредности, нагласи Каракулев, споменувајќи дека организираат и нега во домашни услови за стари и изнемоштени лица.

Млади волонтери прочитаа свои литературни творби, а пред присутните се обрати и Перо Николов, советник во Советот на Општината. На сите крводарители, тој им упати честитки и им порача да продолжат, покажувајќи ја хуманоста и солидарноста.

притисни ентер