Автомобилизам

Во Турција почна да се произведува „Hyundai Bayon“

Најмалиот „SUV“ модел од корејската компанија започна да се произведува во Турција.

На идните сопственици на располагање ќе им бидат 411 литри корисен простор во багажникот, односно 1.205 литри со спуштени потпирачи од задните седишта.

Иако станува збор за возило со зголемено расојание од тлото и заштитни елементи на долниот дел од каросеријата, „Bayon“ не е наменет за потешки теренски искушенија и нема да биде достапен во верија со погон на сите 4 тркала.

Интересно е дека сите верзии од овој автомобил ќе бидат опремени со 10,25 инчна дигитална инструмент табла, додека централниот дисплеј од мултимедијалниот систем во поевтините верзии ќе има дијагонала од 8 инчи а кај поскапите верзии 10,25 инчи, вклучувајќи и навигација.

Основниот мотор е 1.2 бензинец со 84 коњски сили, во комбинација со 5 степен мануелен менувач.

Купувачите ќе можат да бидаат меѓу две опции од трицилиндарскиот 1.0 литарски турбо-бензинец. Послабиот агрегат произведува 100 коњски сили, а помоќниот 120 коњски сили. Помоќниот мотор исто така ќе има и 48 волтен хибриден систем.

Кај турбо-бензинците силата стандардно се пренесува до тркалата преку 6 брзински мануелен менувач, додека со оплата на располагање е и автоматизиран 7 степен менувач со двојно квачило.

Иако „Hyundai Bayon“ на пазарот делумно ќе се „преклопува“ со моделот „Kona“, корејскиот произведувач наведвуа дека новиот модел е наменет за оние кои немаат потреба за погон на 4 тркала или елекрична верзија ( која „Kona“ ја има).

Новите „SUV“ модел во продажните салони ќе пристигне во текот на летото, до кога ќе биде позната и неговата цена.

Фабриката во која се произведува „Bayon“-„Hyundai Assan Otomotiv Sanayi (HAOS)“, е сместена во Измир и е една од најстарите „Hyundai“ фабрики надвор од Кореја, а работи од 1997 година.

Со речиси 2.500 вработени има годишен капацитет од 230.000 возила. Погонот има четири гравни производни линии.

Пред моделот „Bayon“, во таа фабрика се изработувале моделите „i20“ и „i20 N“, како и „i10 “ и „i10 N“.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Никарагва одлучи да го раскине договорот од 1987 година

Министерството за надворешни работи на Никарагва објави дека земјата се повлекува од Централноамериканскиот парламент.

Како што соопшти Министерството вчера, „остварувајќи го своето суверено право“, Никарагва одлучи да го раскине договорот од 1987 година со кој беше формиран парламентот за шест централноамерикански држави, одлуката стапува на сила веднаш, пренесува Ројтерс.

Владата на Никарагва не одговори на барањето за коментар.

Овој потег уследи еден ден откако Организацијата на американските држави (ОАД) усвои резолуција со која се повикуваат властите во Никарагва да ги ослободат политичките затвореници и да ги вратат граѓанските слободи.

Никарагва ја напушти ОАД во 2023 година, тврдејќи дека оваа дипломатска организација станала инструмент на интервенционизмот на САД.

Земјата, исто така, во 2025 година објави дека ќе се повлече од Советот за човекови права на ОН, по извештајот на Обединетите нации во кој меѓународната заедница се повикува да реагира на кршењето на човековите права во земјата.

Политичка криза во Никарагва

Никарагва се наоѓа во состојба на политичка криза од април 2018 година, кога полициските сили ги задушија масовните протести, притоа загинаа повеќе од 350 луѓе, околу 2.000 беа повредени, а илјадници беа уапсени или избегаа од земјата.

Владата на Никарагва, предводена од претседателот Даниел Ортега и неговата сопруга Росарио Муриљо, минатиот јули објави дека земјата повеќе нема да одржува избори. Ортега е на власт во континуитет од 2007 година, откако претходно ја извршуваше функцијата претседател во 80-тите години на минатиот век.

Извор: Б92

Тагови: Никарагва

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Трамп именуваше пратеник за затворениците: „Тој врати 65 Американци од Белорусија“

Американскиот претседател Доналд Трамп денеска објави дека адвокатот и актуелен пратеник за Белорусија, Џон Коул, ќе биде негов специјален претседателски пратеник за прашања поврзани со затвореници.

Белорускиот претседател Александар Лукашенко минатиот месец помилува 15 затвореници по разговорите со Коул, кој повеќе од една година преговара со Минск.

„Во текот на изминатата година, Џон веќе обезбеди враќање на повеќе од 65 Американци и државјани на сојузнички земји од Белорусија и договори ослободување на повеќе од 800 политички затвореници од неколку источноевропски земји“, објави Трамп на својата социјална мрежа „Truth Social“.

Коул ќе го замени Адам Болер, за кого Трамп рече дека вратил 196 заложници.

Болер, кој во август помогна да се обезбеди ослободување на поранешен американски маринец од Русија, ќе продолжи да помага околу други прашања како виш советник, додаде Трамп.

Тагови: Доналд Трамп

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Серафимовски: Како министерство сериозно сме засегнати за решавање на проблемите

Министерството за земјоделство, шумарство и водостопанство сериозно е засегнато за решавање на проблемите во делот на пласманот, производството и цената на оризот, порачал ресорниот министер Борче Серафимовски.

Тој денеска во Горни Подлог присуствувал на традиционалното зажетнување со срп на 35. издание на манифестацијата „Денови на кочанскиот ориз“.

Тагови: Борче Серафимовски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.