Македонија

Во тек е пријавувањето за финансиска поддршка од 1.000 денари месечно за електрична енергија

Финансиската поддршка преку намалување на месечната сметка за потрошена електрична енергија изнесува 1.000 денари месечно и се одобрува за период од 12 месеци, почнувајќи од денот на поднесување на барањето.

Министерството за енергетика, рударство и минерални суровини информира дека е во тек Јавниот оглас за финансиска поддршка за потрошена електрична енергија за 2025 година, наменета за граѓаните што спаѓаат во категоријата на ранливи потрошувачи на енергија.

Финансиската поддршка преку намалување на месечната сметка за потрошена електрична енергија изнесува 1.000 денари месечно и се одобрува за период од 12 месеци, почнувајќи од денот на поднесување на барањето. Пријавувањето трае 30 дена од денот на објавување на огласот (до 19 април). Ги повикуваат сите граѓани кои ги исполнуваат условите да аплицираат на време и да не ја пропуштат оваа можност за намалување на трошоците за електрична енергија.

Право на поддршка имаат: домаќинства со едно или повеќе деца со попреченост, корисници на посебен додаток, со вкупен нето доход во 2024 година под утврдените граници (од 42.000 до 80.000 денари, според бројот на членови) и згрижувачи на лица, корисници на надоместок за згрижување, чиј доход не го надминува предвидениот праг (според бројот на членови во домаќинството (од 42.000 до 160.000 денари).

Оние што веќе примаат паричен додаток за енергенси или финансиска поддршка за стари лица не се опфатени со оваа мерка.

Барањето за финансиска поддршка се поднесува со пополнет образец (Образец 1 или 2) и придружна документација. Обрасците се достапни во архивата на Министерството и на веб-страницата: www.ea.gov.mk.

Со барањето е потребно да се достават следните документи: изјава заверена на нотар за точност на приложената документација, фотокопија од Решение за стекнато право на посебен додаток или надоместок за згрижување, фотокопија од последната сметка за потрошена електрична енергија, фотокопија од лична карта на барателот и доказ за членовите на домаќинството.

За дополнителни информации и прашања, граѓаните може да се обратат на: [email protected]

Тагови: електрична енергија

Фудбал

Реал би можел да плати осум милиони евра за да го ангажира Чаби Алонсо

Реал Мадрид е заинтересиран за ангажман на тренерот на Баер, Чаби Алонсо.

Доколку Карло Анчелоти неуспешно ја заврши сезоната, би можел да го напушти мадридскиот клуб пред почетокот на Светското клупско првенство.

Според „El Partidazo de COPE“, Реал Мадрид ќе плати осум милиони евра за да го ангажира шпанскиот стручњак ова лето.

По 33 кола, Реал Мадрид е на второто место во поредокот во Ла Лига, со четири бода помалку од лидерот Барселона.

Во сабота мадриѓаните ќе играат против Барселона во финалето на Купот на Шпанија.

Тагови: Реал Мадрид

Свет

Шојгу: Русија го задржува правото да употреби нуклеарно оружје во случај на агресија од Западот

Русија го задржува правото да употреби нуклеарно оружје во случај на агресија против неа или Белорусија, вклучително и употреба на конвенционално оружје, изјави денеска секретарот на рускиот Совет за безбедност, Сергеј Шојгу.

„Во ноември 2024 година, беа направени измени во Основите на државната политика на Руската Федерација во областа на нуклеарното одвраќање, според кои Русија го задржува правото да употреби нуклеарно оружје во случај на агресија врз неа или врз Република Белорусија, вклучително и употреба на конвенционално оружје“, рече тој.

Според Шојгу, Русија „будно ги следи воените подготовки на европските земји“.

„Во согласност со Националната безбедносна стратегија на Руската Федерација, во случај странска земја да изврши непријателски дејствија што претставуваат закана за суверенитетот и територијалниот интегритет на Руската Федерација, нашата земја смета дека е легитимно да се преземат симетрични и асиметрични мерки неопходни за сузбивање на таквите дејства и спречување на нивното повторување“, потсетуваат руските медиуми.

Нуклеарното одвраќање „се спроведува во однос на државите и воените коалиции кои Русија ги гледа како потенцијален непријател и поседуваат оружје за масовно уништување или значителен борбен потенцијал на силите за општа намена“.

Дополнително, ваквите акции се однесуваат и на земјите кои обезбедуваат своја територија и ресурси за подготовка и спроведување на агресија против Руската Федерација.

„Задачите за обезбедување на интегритетот на обединетата одбранбена област на Русија и Белорусија, заедничкото спроведување на стратешките мерки за одвраќање се содржани во безбедносниот концепт на Сојузната држава и Договорот меѓу Руската Федерација и Република Белорусија за безбедносни гаранции усвоен во декември 2024 година, што беше развиен со директно учество на советите за безбедност на двете земји“, рече Шојгу.

Тагови: русија

Здравје

Во странство се лекуваат 44 повредени пациенти од пожарот во Кочани

Во странство се лекуваат 44 повредени од пожарот од Кочани, информираше денеска во Куманово, министерот за здравство Арбен Таравари.

Таравари посочи дека една пациентка ќе се врати утре, пациентите се во стабилна состојба, а останатите од 193 се лекуваат во домашни услови.

- Сега се потешките случаи 43. Се надевам дека ќе им обезбедиме најдобра можна рехабилитација којашто ќе биде некои месец-два. Кај околу 40 пациенти тоа ќе трае шест месеци до две години. Тоа е направена анализа од експерти од Велика Британија кои имаат огромно искуство со вакви повреди кај пациентите, изјави министерот Таравари.

Тој соопшти дека се размислува потешките случаи да продолжат да се лекуваат надвор од државата, се со цел за да го продолжат животот поквалитетно по нивното враќање во земјава.

Тагови: Таравари