Свет

Во Полска, со поддршка од скандинавските и балтичките држави, ќе се гради воен центар за обука на украинските војници

Полскиот вицепремиер и министер за национална одбрана Владислав Кошињак-Камиш, на платформата Икс, објави дека Варшава потпиша договор со осум скандинавски и балтички земји за изградба на нов воен центар за обука, „Камп Јомсборг“.

Полскиот вицепремиер и министер за национална одбрана Владислав Кошињак-Камиш, на платформата Икс, објави дека Варшава потпиша договор со осум скандинавски и балтички земји за изградба на нов воен центар за обука, „Камп Јомсборг“, во рамките на Центарот за обука на полските копнени сили во Нова Дебка-Липа.

Центарот е наменет за обука на војници на НАТО и украински војници за управување со беспилотни летала.

- Потпишавме договор со Норвешка, Данска, Естонија, Летонија, Литванија, Шведска, Финска и Исланд за проширување на центарот за обука. Ќе организираме мисии за обука за украинските војници во Нова Дебка-Липа. Нашите војници, заедно со украинските инструктори, ќе учествуваат во обука со беспилотни летала, наведе Кошињак-Камиш.

Во југоисточна Полска, во близина на границата со Украина, со поддршка на Норвешка отворен е центар за обука на украинската армија. Во центарот може да се обучуваат 1.200 украински војници.

Полска се сè уште не се приклучила на програмата „Приоритетна воена листа“ (ПУРЛ) за заедничко снабдување со оружје на Украина, Варшава не ја исклучува можноста тоа да го направи во иднина.

Тагови: украина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Многу еуфорија во Скопје пред натпреварот со Шкотска, околу 4000 шкотски навивачи дојдоа за натпреварот

Шкотските навивачи ги освоија улиците на Скопје. Не очекува ли жешка атмосфера вечерва на арената Тодор Проески, на дуелот мегу Макеоднија и Шкотска.

Каква беше денеска атмосферата во Скопје, каде видливо беше присуството на таканаречената Тартан арми. Какви се очекувањата на шкмотските навивачи?

Скопје вечерва носи возбудлива атмосфера и поради уште еден настан традиционалната Бела ноќ. Што всушност носи нејзината програма, која најавено е дека ке трае до 3 часот по полноќ?

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Центарот на градот е исполнет со навивачи, Скопје живее во фудбалски ритам

Скопје денеска живее во фудбалски ритам.

Неколку часа пред дуелот Македонија – Шкотска, центарот на градот е исполнет со навивачи од двете репрезентации, со песна, добро расположение и позитивна атмосфера пред вечерашната пресметка.

Највпечатливи, како и секогаш, се гостите. Шкотите во препознатлив стил – со килтови, знамиња и песна – уште од претпладне ја загреваа атмосферата низ скопските улици.

Добро расположение и кај македонските навивачи. Со надеж дека домашниот терен ќе донесе пресврт, тие очекуваат Македонија да ја прекине лошата серија и да стигне до првиот позитивен резултат.

За македонската репрезентација ова е можност пред домашната публика да го поправи впечатокот по поразите од Швајцарија и Словенија.

Вечерва од 20 часот и 45 минути, атмосферата од скопските улици ќе се пресели на трибините на Националната арена „Тодор Проески“. Таму прогнозите ќе завршат, а ќе почне борбата за првата победа во групата.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Лишен од слобода велешанец, пронајдена дрога и пари, следува пријава

На 02.10.2026 во 18:00 часот во Велес, полициски службеници од Отсек за недозволена трговија со дрога при СВР Велес, го лишија од слобода Н.М.(42) од Велес.

Имено, тој бил забележан како на неколку места остава пакувања со бела грутчеста материја и при преглед на местата во негово присуство, биле пронајдени и одземени бела прашкаста материја, бела грутчеста материја, кафена грутчеста материја и дигитална вага, а при преглед кај Н.М. биле пронајдени и одземени пари.

Исто така, по издадена судска наредба од Основен суд Велес, бил извршен претрес во дом и помошни простории на Н.М., каде биле пронајдени и одземени пари. Тој бил задржан во полициска станица, известен е јавен обвинител и по документирање на настанот против него ќе биде поднесена соодветна пријава.

Тагови: дрога

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.