Во Основниот кривичен суд ќе биде изречена пресуда за сообраќајката во која загина Фросина - Канал 5

Македонија

Во Основниот кривичен суд ќе биде изречена пресуда за сообраќајката во која загина Фросина

Во Основниот кривичен суд Скопје денеска треба да биде изречена пресудата за случајот со прегазувањето на Фросина Кулакова, откако на судењето што почна на 9 овој месец обвинетиот Васил Јованов призна вина.

Во Основниот кривичен суд ќе биде изречена пресуда за сообраќајката во која загина Фросина

Во Основниот кривичен суд Скопје денеска треба да биде изречена пресудата за случајот со прегазувањето на Фросина Кулакова, откако на судењето што почна на 9 овој месец обвинетиот Васил Јованов призна вина за делото „тешки дела против безбедноста на луѓето и имотот во сообраќајот“ за сообраќајката што се случи во јануари годинава на булеварот „Партизански одреди“ во Скопје.

Според обвинението, на 29 јануари годинава, Јованов, без возачка дозвола и под дејство на алкохол, управувал возило со брзина од 91 километар на час на булеварот „Партизански одреди“ во Скопје. На пешачки премин, на црвено светло, удрил во Кулакова, која поминувала на зелено светло за пешаци. Од силата на ударот, Фросина се здобила со тешки телесни повреди и починала на лице место. За делото за кое се товари Јованов е предвидена затворска казна до 20 години.

Основното јавно обвинителство Скопје поднесе обвинителен предлог и против таткото на Васил, Зоран Јованов, за кривично дело „предизвикување општа опасност“ од член 288 став 4 во врска со став 1 од Кривичниот законик. Обвинението се однесува на периодот од 04.11.2022 до 30.01.2025 година, во кој тој му дозволувал на својот син да управува патничко моторно возило „Пежо 207“, иако знаел дека нема возачка дозвола и е сторител на сообраќајни деликти.

На рочиштето за прегазувањето на Кулакова што се одржа мината недела се изведуваа само докази кои се однесуваа на висината на казната, а не и за настанот, со оглед дека Јованов го призна делото.

Обвинителот Александар Марковски, како докази за одмерување на видот и висината на казната, пред судот го наведе тоа што за Јованов има правосилна пресуда со казна затвор од три години и десет месеци и пет прекршочни постапки кои не се процесуирани за разни сообраќајни прекршоци.

Бранителот на Јованов, адвокатот Сашко Дуковски пред судот достави докази за положени испити на факултет и медали од освоени натпревари во бокс, доказ од Ракометнана федерација дека е регистриран играч за сезоната 2021-22 и видео со времетраење од 36 секунди, за кое рече дека одбраната сака да го покаже пред Судот односот на обвинетиот непосредно по стореното дело и неговото искрено каење извикувајќи „леле што направив" и „греота за девојчето".

Обвинителот му посочи на Судот да пристапи со должно внимание на оваа снимка, со оглед на квалитетот на звукот и дека тоа што било кажано е така од збор до збор.

Адвокатот на семејството Кулакови, во завршниот збор побара највисока казна за обвинетиот, земајќи ги како отежнителни околности тоа што управувал возило без возачка дозвола, под дејство на алкохол и без почитување на сообраќајните правила.

[Пресудата за случајот со прегазувањето на Фросина Кулакова ќе биде објавена на 13-ти месецов. На судењето што почна денеска обвинетиот Васил Јованов призна вина, а адвокатот на семејството Ку]

Бранителот на Јованов во завршниот збор рече дека во оваа сообраќајна несреќа губитници се двете семејства и дека е тешко и за семејството на загинатата Фросина, но исто така е тешко, како за обвинетиот, така и за неговото семејство.

- Овој кривично- правен предмет не е само предмет што доби медиумска помпа, туку се претвори во јавна хајка и линч против обвинетиот. Од првиот ден се повикуваше на линч и смртна казна. Да, Васил е виновен, но не може да се бара смртна казна. Сметам дека Република Македонија е демократска држава и владее закон, а не законот на линч и око за око, заб за заб, изјави адвокатот Дуковски.

Повика да се престане со инсинуации, нагласувајќи дека Васил ниту избегал, ниту се обидел, и да било така, дека обвинителот ќе го гонел и за неукажување на помош.

Тој, исто така, укажа и на судската пракса за вакви дела, посочувајќи на сообраќајната несреќа на истата локација од другата страна на Партизанска од 2018 година, каде под дејство на алкохол со признание на вина е досудена казна од 3.5 години затвор, како и на сообраќајната несреќа во Велес, каде животот го загуби 11 годишно девојче, за што возачот го негираше делото и се обидел да избега, а доби осум години затвор.

Обвинетиот Васил Јованов, во завршен збор пред Судот, уште еднаш изрази каење за случајот.

-Не можам да објаснам какво каење чуствувам. Не поминал ден да не се помолам за душата на Фросина и за нејзината фамилија. Тоа е нешто што ќе ме прогонува до крајот на мојот живот. Сакам уште еднаш да искажам најдлабоко сочувство и извинување на семејството и на сите кои ги познавам, изјави Јованов.

Тагови: Фросина Кулакова

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

ФИФА забрани шишиња со вода на натпреварите на СП, навивачите и експертите огорчени

Само една недела пред почетокот на Светското првенство, ФИФА донесе изненадувачка одлука да им забрани на навивачите да внесуваат шишиња за вода за повеќекратна употреба на стадионите. 

ФИФА забрани шишиња со вода на натпреварите на СП, навивачите и експертите огорчени

Безбедносните протоколи се наведуваат како причина, но потегот предизвика остри критики и загриженост за здравјето на гледачите со оглед на најавените високи температури, објавува ESPN.

Ненадејна промена на правилото

Оваа одлука претставува целосен пресврт, со оглед на тоа што официјалниот кодекс на однесување за имателите на билети претходно наведуваше: „За да се избегне сомнеж, празни, проѕирни, пластични шишиња за повеќекратна употреба со капацитет до (1 литар) може да се внесат на стадионот“. Сепак, ажурирањето на правилникот од 2 јуни, прво објавено од The ​​Athletic, ја елиминираше таа можност. ФИФА во соопштението изјави дека одлуката е донесена за да се намали ризикот од повреди предизвикани од фрлање предмети.

„ФИФА е посветена на заштитата на здравјето и безбедноста на сите играчи, судии, навивачи, волонтери и персонал“, се вели во соопштението. „ФИФА донесе одлука да забрани шишиња за да спречи ризик и повреди на играчите и посетителите. Шишињата однадвор веќе се забранети на неколку од овие места од безбедносни причини, а ФИФА го применува ова разгледување на сите стадиони на турнирот“.

Удар по џебот и здравјето на навивачите

Овој потег предизвика загриженост кај навивачите за справување со жештината, при што се очекуваат температури помеѓу 26 и 28 °C на неколку локации. ФИФА вети мерки за ублажување на жештината, како што се станици за прскање со вода, навивачи и шатори за ладење, и дека водата ќе се продава на стадионите по нормални цени.

Сепак, „Атлетик“ потсети дека на минатогодишното Светско клупско првенство во САД, флашираната вода чинеше помеѓу четири и шест американски долари. Промената на политиката доаѓа поради поплаките дека навивачите се погодени со „изнудувачки“ цени на билетите и превозот.

Навивачката група „Слободни лавови Англија“ објави на социјалните мрежи: „Што е следно? Крем за сончање е забранет, а навивачите се принудени да го купуваат на стадионите? И покрај сите нивни напори да обезбедат „паузи за пиење“ за играчите, ова е толку чудна, доцна промена.

Во сите наши дискусии, достапноста на бесплатна вода на стадионите беше клучна точка и ФИФА нè увери дека тоа ќе биде случај и дека навивачите ќе можат да си носат свои шишиња со вода. Секако, првата мисла од навивачите е дека ова е само најнов обид за заработка.“ Носењето шишиња беше забрането и на последното Светско првенство во Катар.

Експертите предупредуваат: „Одлуката ги зголемува здравствените ризици“

Експертите за топлотен удар силно го критикуваа пресвртот на ФИФА, а научниците предупредија уште во мај дека мерките за заштита од топлина за турнирот се „несоодветни“, пишува „Гардијан“.

Научниците од „Светското здружение за временски услови“ (WWA) изразија загриженост за влијанието на екстремната топлина врз благосостојбата на играчите и навивачите, при што навивачите се сметаат за особено ранливи.

WWA предвидува дека девет од 104 натпревари ќе се играат над 26 степени температура на влажна сијалица (WBGT), индекс што го мери топлинскиот стрес врз телото. Се очекува пет натпревари да надминат 28 степени, границата над која синдикатот на играчи FIFPRO препорачува одложување.

Оли Џеј, професор по топлина и здравје на Универзитетот во Сиднеј, вели дека е повеќе загрижен за гледачите отколку за играчите. „Ако ја погледнете популацијата на спортисти, сите се многу во форма. Додека ако размислите за гледачите, имате широк спектар на различни луѓе кои ќе присуствуваат, од мали деца до постари лица, луѓе со хронични болести...

Вашиот просечен гледач веројатно ќе биде помалку отпорен на топлината од овие високо кондиционирани професионални спортисти.“ Тој предупредува дека забраната за шишиња ги става навивачите во дополнителен ризик: „Освен ако контролите за ладење не се навистина ефикасни, претпоставувам дека оваа одлука јасно ќе го зголеми ризикот од здравствени инциденти поврзани со топлината.“

Д-р Теодор Кепинг од Империјал колеџ во Лондон ја нагласи важноста на пристапот до вода. „Обезбедувањето фер и еднаков пристап до хидратација е фундаментална прва линија на одбрана против екстремните ризици од топлина што климатските промени ги носат на ова Светско првенство“, рече тој.

Ендру Симс од Институтот беше уште поостар: „Дали ФИФА е климатски трол за играта што треба да ја заштити? Сега, отежнувањето на безбедноста на навивачите на натпреварување ранливо на глобалното затоплување изгледа како бездушно откажување од должноста на ФИФА за грижа.“ Светското првенство со 48 екипи, чии домаќини се САД, Канада и Мексико, ќе се одржи од 11 јуни до 19 јули.

Тагови: навивачите ФИФА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Трамп ја нападна одлуката на Конгресот за ограничени овластувања против Иран: Не сте патриоти

Американскиот претседател Доналд Трамп остро ја нападна резолуцијата на Претставничкиот дом со која се бара ограничување на неговите овластувања за започнување воена акција против Иран, нарекувајќи го гласањето „бесмислено“, а потегот „непатриотски“.

Трамп ја нападна одлуката на Конгресот за ограничени овластувања против Иран: Не сте патриоти

Резолуцијата, усвоена од Претставничкиот дом, контролиран од републиканците, ја ограничува можноста на Трамп да започне понатамошни напади врз Иран, освен ако Конгресот не објави војна или формално не одобри употреба на воена сила.

Трамп: Непатриотски потег среде преговорите

Во објава на социјалната мрежа Truth Social, Трамп рече: „Вчера Претставничкиот дом гласаше со бесмислено гласање за ограничување на моите воени овластувања, а четворица лоши републиканци и сите „глупави и поглупави“ гласаа за тоа.

И ова во средината на моите последни преговори за завршување на војната со Исламската Република Иран“. „Кој би направил нешто толку непатриотско? Тие знаат каде се преговорите“, додаде тој. Тој ги обвини своите политички ривали дека дејствуваат од лична нетрпеливост.

„Демократите се водени од синдромот на Трампово растројство. Тие би сакале нашата земја да пропадне отколку јас да забележам уште една победа, од многуте“, тврдеше тој, осврнувајќи се на своите сопартијци кои гласаа против него: „Четирите републиканци, тоа е сосема друга приказна - тие бараат внимание! Треба да се засрамат. МАГА!!!“

Тагови: Доналд Трамп Иран

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Словенија доби нова влада, по четврти пат Јанша е премиер

Словенечкиот парламент на вонредна седница го потврди министерскиот тим на премиерот Јанез Јанша, со што ја избра новата словенечка влада.

Словенија доби нова влада, по четврти пат Јанша е премиер

Дебатата, која започна во 9 часот наутро, требаше да трае осум часа.

Сепак, на самиот почеток на седницата се случи пресврт: движењето Свобода побара претседателот на Парламентот Зоран Стевановиќ да се извини, што тој го одби. После тоа, седницата беше накратко прекината, објавува 24ur.com.

Од присутните 79 пратеници, 49 гласаа „за“, а 30 „против“, објавува Дело.

Новиот владин тим, предложен од лидерот на Словенечката демократска партија (СДС) Јанез Јанша, вклучува 15 министри. Меѓу коалициските партнери, најмногу министерски позиции, седум, доби СДС, четири Нова Словенија (НСи), три Демократите, една Фокус, додека Словенечката народна партија (СЛС) остана без својот министерски кандидат.

На првата седница на владата се очекуваат и првите потези на новата извршна власт. Судејќи според практиката од претходните години, може да се очекува дека на седницата ќе се случат и одредени кадровски промени, на пример на позицијата директор на Словенечката разузнавачка и безбедносна агенција (СОВА), на владината служба за комуникации, а можеби и на директорот на полицијата. Се очекува Јанез Стушек да се врати на чело на СОВА, додека Себастјан Јеретич ќе ја преземе владината комуникација. Според медиумските извештаи, Дамир Иванчиќ се споменува како наследник на Дамјан Петрич на врвот на полицијата.

Тагови: Јанез Јанша

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер