Во Охрид почна масовно вакцинирање на населението од регионот против Ковид-19

 Во спортската сала „Билјанини извори" во Охрид од 10 часот изутринава почна процесот на масовна имунизација на населението против Ковид-19 од Охрид, Струга, Вевчани, Дебар, Ресен и Кичево.

Процесот се одвива согласно однапред утврдена динамика, со закажани термини, граѓаните доаѓат на вакцинирање на повик. За првиот ден од работата на Регионалниот центар за имунизација во Охрид е предвидено да се вакцинираат 1200 граѓани, додека капацитетот на центарот овозможува наредните денови да се спроведува имунизација на до 1500 лица дневно.

Директорот на Општата болница во Охрид Горан Балевски истакна дека масовната имунизација на населението е единствениот начин да се справиме со епидемијата.

– Процесот на вакцинирање се одвива според електронска распределба, пациентите нема да чекаат, тие добиваат термини кога да се јават. Ангажирани се повеќе тимови, и од Општа болница, од Здравствен дом, од Кардиолошкиот центар, персонал од Општина Охрид, така што верувам дека процесот ќе се одвива непречено. Самото вакцинирање е безбедно, а имаме подготвени и искусни лекари и медицински тимови за евентуални несакани, алергиски реакции, рече Балевски.

Според системот за вакцинација, за денеска е предвидена имунизација на повозрасна категорија граѓани, главно лица над 80-годишна возраст.

Балевски појасни дека постои точен план и протокол како ќе се одвива имунизацијата, обезбедени се услови и вакцини за напречен континуиран тек на вакцинирањето.

Што се однесува на состојбата со коронавирусот во Охрид, Балевски изрази задоволство што бројот инфицирани и хоспитализирани се намалува. Во Ковид-центарот при Општата болница во моментов има околу 70 пациенти, од кои 40 се на кислородна поддршка.

– Доколку вака продолжи намаувањето на притисокот врз здравствената установа, ќе отпочне процесот на враќање на одделенијата што се моментално ковид-центри во нормална патологија, оттаму што имаме обврска на третман и лекување и на пациентите што се болни, а не се поврзани со коронавирусот, рече Балевски.

Во Регионалниот центар за имунизација во Охрид е предвидено вакцинирање на населението од општините Охрид, Струга, Вевчани, Дебар, Ресен и Кичево. Засега тие се имунизираат со вакцини „Синофарм". Според планот, предвидено е во охридскиот центар за имунизација да се вакцинираат околу 320 илјади граѓани од посочените општини, а понатаму процесот на имунизација на наслението да се одвива во секој од градовите.

Џеј Ло во секси поза, чија е раката на нејзиниот задник? (ФОТО)

Додека има гласини за наводно помирување на поранешната двојка, Џенифер Лопез и Бен Афлек, Лопез реши да ги игнорира сите гласини и да се посвети на работата.

Таа снима во Мајами, а нејзиниот стилист Роб Зангарди објави фотографии од Џеј Ло во предизвикувачка модна комбинација. Носи црвен фустан со длабок шлиц и наметка.

Модната комбинација ја надополнила со големи обетки и неутрална шминка.

„Тој сјај на Џеј Ло“, напишал стилистот покрај фотографијата.

Освен што нејзините обожаватели делат комплименти, тие забележале и нечија рака на нејзиниот задник.

„Ова е најсексипилното нешто што некогаш сум го видела“, „Каде можам да се пријавам за да работам со тебе?“, „Кој е среќникот што ти го држи задникот?“, „Кралица“, се само некои од коментарите.

Имено, човекот на фотографијата е шминкерот Скот Барнс.

Ги имитира топлес позите на Ирина Шајк, па доби повеќе лајкови (ВИДЕО)

Снимката со Ирина Шајк, во кое ги покрива градите со раце, на Инстаграм ја погледнале 1,5 милиони луѓе, но пародијата на австралиската комичарка собрала дури 800 000 прегледи, и тоа за три дена помалку.

Селест Барбер се прославила со ироничните и смешни имитации на совршени, често нереални фотографии од познати личности, а последна на удар беше 35-годишна руска манекенка.

„Буахахааха“, „Ме убиваш секој пат“, „Умирам од смеа“, се само некои од реакциите, кои се прилично чести кога станува збор за нејзините имитации, на кои таа ја изгради својата слава на Инстаграм.

Имено, 7,9 милиони луѓе ја следат на таа социјална мрежа.

Кинески ровер ноќеска ќе се обиде да слета на Марс

Кина треба да се обиде да го спушти својот прв ровер на Марс вечерва околу 1 часот по полноќ. Станува збор за многу ризичен потфат што успешно го постигнале само половина од леталата што стигнале до Црвената планета.

Слетувањето е предвидено за сабота во 1 часот по полноќ, иако засега Кинеската национална вселенска агенција (ЦНСА) сè уште официјално не го потврдила тоа.

Планирана е мисијата наречена Тијанвен-1 (Прашања до рајот) во две фази. Првата фаза, испраќањето на леталото во орбитата на Марс, беше успешно завршена. За време на втората, кинеското вселенско летало би требало да спушти орбитер и ровер на Марс.

Тијанвен-1 се состои од три компоненти: орбитер, летало и роботско возило, а масата на целото вселенско летало е околу 5 тони. Ќе се обиде да слета на копно со роверот на површината, додека орбитерот ќе продолжи да кружи околу Црвената планета.

Роверот со соларен погон е тежок 240 килограми, а по слетувањето три месеци ќе бара биомолекули и други знаци на живот, по што неговата мисија завршува. Орбитерот, пак, треба да кружи околу Марс уште две години.

Роверот наликува на роверите на НАСА 2000 Спирит и Опортјунити, а се напојува со соларни панели.

Кога станува збор за истражување на Црвената планета, досегашната статистика е добро позната - скоро половина од сите претходни обиди не успеале. Првиот обид на Кина да испрати сателит „Јингхуо-1“ на Марс пропаднал бидејќи нејзиниот руски носач престанал да работи и се урна во Тихиот океан.

Доколку Тјанвен-1 безбедно слета на тлото на Црвената планета, тоа ќе биде првото слетување на Марс во последните неколку децении, што не било извршено од НАСА. Иако Советскиот сојуз го спушти леталото на површината на Марс во 1971 година, тоа престанало да работи 110 секунди по слетувањето, по што е изгубен контакт со него. Досега само САД успеале да слетаат на Црвената планета, осум пати од 1976 година.

Повеќе од половина од леталата што требало да ја допрат земјата на Марс или експлодирале, или изгореле, или се скршиле на површината.

Во случај мисијата да успее, Кина ќе стане трета земја во светот која успешно ќе слета на површината на планетата или втора чиј ровер детално ја истражува оваа далечна планета.

притисни ентер